Fréttir

Líkt og áður hefur komið fram var hert á viðbragðsáætlun hjá í Grunnskólanum í Hveragerði með tilkomu þriðju bylgju Covid 19.

Samstarfsnefnd um opinber fjármál, SOF, hefur samþykkt beiðni frá heilbrigðisráðuneytinu, dags. 25. ágúst 2020, þar sem óskað er eftir heimild til áætlunargerðar og fullnaðarhönnunar vegna byggingu 22 rýma nýbyggingar andspænis núverandi hjúkrunarheimili í Hveragerði á grundvelli frumathugunar sem lá fyrir í ágúst 2020.

Bæjarfulltrúar Hveragerðisbæjar hafa ákveðið að taka höndum saman og vinna í sameiningu að fjárhagsáætlunargerð bæjarins fyrir árið 2021 eins og þeir hafa gert undanfarin ár. Allir bæjarfulltrúar hvar í flokki sem þeir standa eru sammála um að efnahagslegt umhverfi sveitarfélaga nú sé með þeim hætti að brýna nauðsyn beri til að bæjarfulltrúar komi samhentir að þeirri vinnu sem framundan er við gerð fjárhagsáætlunar Hveragerðisbæjar fyrir árið 2021 og að gerð þriggja ára áætlunar. 2022-2024.

Ný samþykkt og gjaldskrá um götu‐ og torgsölu í Hveragerðisbæ var lögð fram og samþykkt á fundi bæjarráðs þann 15. október 2020. Tilgangur samþykktarinnar er að glæða bæjarfélagið lífi, efla bæjarbrag og að auka við fjölbreytni í starfsemi og þjónustu bæjarins.

Ekki er hægt að koma í viðtal á skrifstofu meðan neyðarástand almannavarna stendur yfir. Þjónusta er veitt gegnum síma og tölvupóst eða fjarfundabúnað þegar við á.

Heilsueflandi námskeið fyrir eldri íbúa í Hveragerði fellur niður vegna fjöldatakmarkana til 19. október.

Í vikunni hafa nokkrir göngustígar verið malbikaðir hér í Hveragerði.

Frá mánudeginum 5. október verður sundlaugin lokuð en horft er til þess að vera með opið í Laugasporti í vetur. Vegna skipulagningar og frágangs verður lokað í Laugasporti frá 5. til 7. október.

Karlakór Hveragerðis er nú að hefja fimmta starfsárið sitt og býður nýja félaga hjartanleg velkomna í kórinn.

Umhverfisnefnd hefur valdið þá þrjá garða sem viðurkenningu hljóta árið 2020 sem fegurstu garðar bæjarfélagsins.