Fara í efni

Blómstrandi dagar

Fjölskyldu og menningarhátíð sem haldin er í ágúst á hverju ári.

Blómstrandi dagar verða næst 2021.

Við bjóðum gesti velkomna á Bæjarhátíðina, Blómstrandi daga, í Hveragerði . Bæjarbúar taka virkan þátt í hátíðinni og framboð menningarviðburða hefur aukist ár frá ári jafnt og gestafjöldi. Áhersla er lögð á uppákomur frá fimmtudegi til sunnudags þótt hápunktur hátíðarinnar sé á laugardeginum. Áhugaverðar listsýningar og fjölbreyttir tónlistarviðburðir eru í bænum þessa daga ásamt heilsutengdum atriðum fyrir alla aldurshópa.

Dagskráin er fjölbreytt:

  • Markaðstorg, bílskúrssölur, listsýningar og opnar vinnustofur
  • Jónas Sig, 80´s Nostalgía, Jón Jónsson og Ingó Veðurguð
  • Hljómlistarfélagið, Sætabrauðsdrengirnir og Harmonikkufestival Bassa
  • Fornbílasýning, Leikhópurinn Lotta, BMX brós og Diskótekið Dísa
  • Veltibíllinn, aparólan og Sprell tívolí

Blómstrandi dagar er fjölskyldu, menningar og heilsuhátíð án áfengis og eru foreldrar hvattir til þess að virða útivistartíma barna og unglinga.

Bæjarbúar leggja hátíðinni lið með því að skreyta sitt hverfi og sinn garð. Mikil stemning hefur líka myndast í kringum bílskúrsmarkaði og gallerí út um allan bæ.

Verðlaun verða veitt fyrir fallegustu, frumlegustu og mestu skreytingarnar. Einnig verður valin fallegasta gatan og fá vinningshafar grillkjöt frá SS í verðlaun.

Alla helgina verður líf og fjör í bænum fyrir alla fjölskylduna

 Fylgist með hátíðinni á Facebook síðu Blómstrandi daga

Síðast breytt: 30.07.2020
Getum við bætt efni síðunnar?