Bygginga- og mannvirkjafulltrúi
Bygginga- og mannvirkjafulltrúi veitir byggingarleyfi vegna hvers konar mannvirkjagerðar sem háð er byggingarleyfi.
Bygginga- og mannvirkjafulltrúi hefur umsjón með framkvæmd byggingamála og eftirlit með mannvirkjagerð. Hann hefur umsjón með mælingum, úttektum, skráningum fasteigna, yfirferð uppdrátta og afgreiðslu umsókna. Bygginga- og mannvirkjafulltrúi hefur yfirumsjón með fasteignum Hveragerðisbæjar, ástandskoðunum, tillögum að viðhaldi ásamt umsjón og framkvæmd þess.
Umsókn um byggingarleyfi
Umsókn um byggingarleyfi er send byggingarfulltrúa ásamt aðalteikningu og öðrum hönnunargögnum, þ.m.t. tilkynningu um hver verði hönnunarstjóri mannvirkisins. Óheimilt er að grafa grunn fyrir mannvirki, reisa það, rífa eða flytja, breyta því, burðarkerfi þess eða lagnakerfum eða breyta notkun þess, útliti eða formi nema að fengnu leyfi byggingarfulltrúa.
Allar umsóknir um byggingarleyfi fara í gegnum íbúagáttina okkar. Eigendur og hönnuðir geta sótt um byggingarleyfi.
Gögn sem þurfa að fylgja umsókn um byggingaleyfi eru:
- Umsókn um skráningu byggingastjóra (eigandi eða hönnuður skráir byggingastjóra)
- Ábyrgðaryfirlýsing hönnunarstjóra (aðalhönnuður skráir aðra hönnuði)
- Umsókn um skráningu iðnmeistara (byggingarstjóri skráir iðnmeistara)
- Starfsábyrgðartrygging byggingastjóra
- Öllum teikningum er skilað inn rafrænt í gegnum íbúgáttina
- Skráningartafla af forskrift Þjóðskrár Íslands
Fyrir lokaúttekt
Þegar komið er að lokaúttekt skal senda tölvupóst á drifa@hveragerdi.is eða hringja í 483-4000 og fá sambandi við tæknideild. Gott er að hafa a.m.k. viku fyrirvara fyrir lokaúttekt. Við lokaúttekt skulu viðeigandi yfirlýsingar afhendar byggingarfulltrúa:
- Yfirlýsing byggingarstjóra um verklok
- Yfirlýsing pípulagningameistara um stillingu hitakerfis og virkni stýritækja
- Yfirlýsing raflagnameistara um verklok á raforkuvirki
- Yfirlýsing pípulagningameistara um vatnsúðakerfi eða sambærilegt kerfi
- Yfirlýsing raflagnameistara um verklok á brunaviðvörunarkerfi
- Yfirlýsing um stillingu loftræsiskerfis
Eftirfarandi málaflokkar heyra undir bygginga- og mannvirkjafulltrúa:
Byggingarmál skv. Lögum nr. 160/2010 um mannvirki og byggingarreglugerð nr. 112/2012
Jón Friðrik Matthíasson er bygginga- og mannvirkjafulltrúi
Netfang: jonfridrik@hveragerdi.is