Húsið er einlyft, bárujárnsklætt timburhús með lágreistu mænisþaki. Húsið hefur hlotið faglega endurgerð. Þar er nú gestaíbúð fyrir listamenn en húsið er fullbúið húsgögnum og tækjum. Afnot af húsinu eru endurgjaldslaus fyrir listamennina en óskað er eftir að listamenn kynni listsköpun sína og stuðli með þeim hætti að því að efla menningaráhuga uppvaxandi kynslóðar í Hveragerði.

Menningar-, atvinnu- og markaðsnefnd Hveragerðisbæjar auglýsir árlega í nóvember eftir umsóknum um dvöl í listamannahúsinu Varmahlíð í Hveragerði.

Sótt er um með rafrænum skilríkjum í gegnum íbúagátt á vef Hveragerðisbæjar. Þar er fyrst valið ,,umsóknir" síðan ,,menningar-, atvinnu- og markaðssvið" og loks ,,Umsókn um dvöl í Varmahlíð".

Opið er fyrir umsóknir fyrir úthlutanir 2026 til og með 25. nóvember 2025.