Fara í efni

Menningarverðlaun Hveragerðisbæjar

Hveragerðisbær veitir menningarverðlaun til einstaklinga, hópa eða félagasamtaka í Hveragerði samkvæmt eftirfarandi reglum:

  1. Menningarverðlaun Hveragerðisbæjar eru veitt árlega.
  2. Menningarverðlaunum skal úthlutað á 17. júní eða á öðrum menningarhátíðum bæjarins.
  3. Menningar-, íþrótta- og frístundanefnd gerir tillögur um menningarverðlaun ár hvert til bæjarstjórnar og skal tillagan vera afgreidd fyrir lok maí mánaðar frá nefndinni.
  4. Heimilt er að veita einstaklingi, hópi eða félagasamtökum verðlaunin.
  5. Verðlaunahafi getur fengið verðlaunin oftar en einu sinni, en þó skal aldrei líða færri en fimm ár á milli þess sem sami aðili fær verðlaunin.
  6. Verðlaunagripur skal vera íslensk hönnun og fjárupphæð sem tekur mið af fjárhagsáætlun hvers árs.
Síðast breytt: 22.01.2020