Ævintýranámskeið sumarið 2021

Námskeiðshaldari: Hveragerðisbær

Verkefnastjóri: Ingimar Guðmundsson

Aldur: Börn fædd 2010 - 2015

Aldursskipting og áherslur á ævintýranámskeiðum:

Öll námskeið munu einkennast af útiveru, hreyfingu, lýðheilsu, vináttuþjálfun og sjálfstyrkingu. Hver hópur verður með sér áherslur sem samræmast aldri og þroska þátttakenda og hverjar hindranir barnanna gætu orðið á næsta skólaári.

• Börn fædd 2014 og 2015: Stóra skrefið - Undirbúningur fyrir veturinn.
  Áhersla á skipulag, vináttu, leik og jákvæð samskipti. Þessir hópar verða mikið saman næsta skólaár og því er lögð áhersla á góðan félagslegan grunn og undirbúning fyrir “stóra skrefið” sem þau taka á næsta skólaári.
• Börn fædd 2012 og 2013: Tómstundamenntun og hópefli:
  Áhersla á tengingu við náttúruna, hreyfingu og ferðalög innan Hveragerðis og fjölbreytta hópleiki. Áhersla á að styrkja hópinn fyrir veturinn og kynna fyrir þeim mikilvægi frítímans og hvað stendur þeim til boða.
• Börn fædd 2010 og 2011: Útinám, náttúra og sjálfstyrking:
  Áhersla á tengingu við náttúruna, ígrundun og sjálfstyrkingu. Á námskeiðinu verður einnig kynning á starfsemi Skjáltaskjóls sem er félagsmiðstöð unglinga í Hveragerði og er vetrarstarfið mótað eftir þeirra óskum og þörfum.

Við bjóðum uppá fjölbreytta og skemmtilega dagskrá:

Listgreinar, íþróttaleiki, ratleiki, útieldun, lautaferðir, leiklistaræfingar, gönguferðir, vettvangsferðir, leiki, útinám, ígrundun og fjölbreytt einstaklings- og hópverkefni.

Allir hópar munu á einhverjum tímapunkti eiga samleið og læra samvinnu.

Námskeiðin munu hafa aðsetur í Bungubrekku.

Verðskrá:

Boðið uppá heilt eða hálfs námskeið, annaðhvort fyrir hádegi eða eftir hádegi.

• 15.000 kr. frá kl. 8:00–17:00, með hádegismat.
• 7500 kr. ½ daginn (frá kl. 9:00–12:00, með morgunmat eða 13:00–16:00, með síðdegishressingu).

Fullt fæði er innifalið í námskeiðsgjaldinu þar sem áhersla er lögð á hollt, næringarríkt og fjölbreytt fæði. Hafragrautur í morgunmat, heitur matur í hádegi og síðdegishressing (hrökkbrauð, álegg, grænmeti og ávextir).

Systkinaafsláttur: 2. barn 50%, 3. barn 75%.

Athugið að yngstu börnin (fædd 2015) greiða ekki þátttökugjald á ævintýranámskeiðinu.

Almenn dagskrá:

• 08:00 – 09:00 Bungubrekka - mætum og farið yfir dagskrá dagsins, morgunmatur.
• 09:00 – 12:00 Flakk - hópar leggja af stað í sín verkefni.
• 12:00 – 13:00 Bungubrekka – Hádegismatur.
• 13:00 – 15:30 Flakk – hópar leggja af stað í sín verkefni.
• 15:30 – 17:00 Bungubrekka – lok dags. Ígrundun eftir daginn og frjáls tími.

Tímabil:

• Námskeið 1: 7. - 18. júní (9 dagar) 17. júní er frídagur
• Námskeið 2: 21. júní - 2. júlí (10 dagar)
• Námskeið 3: 3. - 16. júlí (10 dagar)
• Námskeið 4: 19. - 30. júlí (10 dagar)
• Námskeið 5: 3. – 13. ágúst (9 dagar)

Frístundaheimilið Skólasel hefur starfsemi sína aftur 13. ágúst.

Upplýsingar um skráningar eru veittar á bæjarskrifstofunni í síma 483-4000 eða með tölvupósti á mottaka@hveragerdi.is.

Nánari upplýsingar um námskeiðið er hægt að nálgast hjá ingimar@hveragerdi.is.