Velferðarsvið Hveragerðis

Velferðarsvið Hveragerðis

Hlutverk sviðsins er að sinna málaflokkum er varða þjónustu við fjölskyldur og einstaklinga, svo sem skóla- og leikskólamál, frístund, málefni aldraðra og lögbundna félagslega þjónustu.

Teymi sérfræðinga veitir íbúum Hveragerðis þá þjónustu sem nauðsynleg er samkvæmt skyldum sveitarfélaga.

Starfsemin er til húsa að Fljótsmörk 2.

Netfang: mottaka@hveragerdi.is

S: 483-4000

Markmið velferðarþjónustu

• Auka lífsgæði og stuðla að því að íbúar í Hveragerði eigi kost á að lifa með reisn.
• Bregðast við fjölbreyttum þörfum einstaklinga, barna og fjölskyldna fyrir velferðarþjónustu með virðingu, samvinnu og samfellu í þjónustu að leiðarljósi.
• Styðja við og efla samvinnu heimila og stofnanna sem veita velferðarþjónustu í Hveragerði og stuðla að samvinnu fagfólks á svæðinu.
• Stuðla að framþróun í velferðarþjónustu og kynna nýjungar með tilliti til sérstöðu hvers málaflokks.

Velferðarþjónustan starfar á grundvelli eftirfarandi laga: laga um félagsþjónustu sveitarfélaga nr. 40/1991 með síðari breytingum, laga um samþættingu þjónustu í þágu farsældar barna nr. 86/2021, laga um þjónustu við fatlað fólk með langvarandi stuðningsþarfir nr. 38/2018, laga um málefni aldraðra nr. 125/1999, barnaverndarlaga nr. 80/2002 og viðeigandi reglugerða.

Senda gögn til Fræðslu- og velferðarsvið Hveragerðis í gegnum Signet Transfer

Svörun og afgreiðslutími

Leitast er við að svara almennum fyrirspurnum innan fimm virkra daga.

Umsóknir eru teknar til vinnslu eins fljótt og unnt er.

Afgreiðslutími miðast við að nauðsynlegar upplýsingar og gögn vegna umsóknar liggi fyrir.

Allar umsóknir eru yfirfarnar og undirbúnar af starfsmanni áður en þær eru lagðar fyrir vikulegan fagfund þverfaglegs teymis, þar sem hver umsókn er metin sérstaklega og ákvörðun tekin.

Að jafnaði má gera ráð fyrir að umsóknir um fjárhagsaðstoð séu afgreiddar innan 10 virkra daga og umsóknir um sérstakan húsnæðisstuðning innan 15 virkra daga frá því að fullnægjandi gögn liggja fyrir.

Tímasetning móttöku gagna getur haft áhrif á afgreiðslutíma þar sem umsókn þarf að vera yfirfarin og tilbúin til umfjöllunar áður en hún er lögð fyrir fagfund. Ef þörf er á frekari upplýsingum, mati eða gagnaöflun getur afgreiðslutími orðið lengri. Að lokinni umfjöllun á fagfundi er umsækjanda sent skriflegt bréf inná Íbúagátt Hveragerðisbæjar https://hveragerdi.ibuagatt.is/ með niðurstöðu málsins undir "skjölin mín" eða "málin mín".

Brýn félagsleg erindi eru metin sérstaklega og geta fengið forgang.

Greiðslur húsnæðisstuðnings og fjárhagsaðstoðar eru að jafnaði greiddar eftir á fyrir þann mánuð sem er liðinn, eftir því sem við á samkvæmt reglum viðkomandi málaflokks.

Þótt umsókn berist fyrir 20. dag mánaðar er ekki unnt að ábyrgjast að vinnslu og afgreiðslu máls verði lokið fyrir mánaðamót. Umsóknir sem berast innan tilskilins umsóknarfrests eru teknar til vinnslu eins fljótt og unnt er, en afgreiðslutími ræðst meðal annars af því hvenær fullnægjandi gögn liggja fyrir og hvenær málið er tilbúið til umfjöllunar á fagfundi.