Deiliskipulagsáætlanir í kynningu
Deiliskipulagsáætlanir í kynningu:
Breyting á deiliskipulagi miðbæjarsvæðis vegna íþróttahúss - 13. febrúar 2025.
Bæjarstjórn Hveragerðisbæjar samþykkti þann 13. febrúar 2025 að auglýsa tillögu að deiliskipulagsbreytingu á deiliskipulagi miðbæjarsvæðis í samræmi við 1. mgr. 41. gr. skipulagslaga nr. 123/2010. Breytingartillagan nær til samfélagsþjónustusvæðis S6 þar sem grunnskóla, íþróttahús, hús gamla Mjólkurbúsins og Skátaheimilis er að finna. Markmið breytingarinnar er að stækka heimild til byggingar nýs íþróttasalar til þess að rúma einnig fimleikaaðstöðu. Hús gamla kaupfélagsins sem hýsir fagkennslustofur, þangað til grunnskóli er fullbyggður, er víkjandi í deiliskipulaginu og er lóð Breiðumerkur 24 sameinuð lóð íþróttahússins. Tilfærsla verður á lóðamörkum innan reitar, tilfærsla á lausri kennslustofu, tilfærsla á lögnum og kvöð sett um lagnaleiðir. Breyting verður á hámarkshæð útveggjar salarins til vesturs sem og hámarkshæð salar. Byggingareitur aðkomubyggingar er lengdur meðfram vesturhlið íþróttasalar til að milda ásýnd íþróttahússins frá miðbæ og nærliggjandi lóðum. Breytingar verða á þegar samþykktu fyrirkomulagi og fjölda bílastæða. Nýtingarhlutfall verður óbreytt 0,6 á reitnum í samræmi við skilmála aðalskipulags.
Tillagan er aðgengileg á Skipulagsgátt undir málsnúmeri 186/2025, liggur frammi á bæjarskrifstofu Hveragerðisbæjar að Breiðumörk 20 sem og á vef Hveragerðisbæjar.
Þau sem telja sig eiga hagsmuna að gæta er gefinn kostur á að gera skriflega athugasemd með umsögn á Skipulagsgátt, í síðasta lagi 28. mars 2025.
Allar fyrirspurnir skulu berast á netfangið hildur@hveragerdi.is
Skipulagsfulltrúi Hveragerðisbæjar
Breyting á deiliskipulagi miðbæjarsvæðis vegna íþróttahúss - 5. september 2024.
Bæjarstjórn Hveragerðisbæjar samþykkti þann 5. september 2024 að auglýsa tillögu að deiliskipulagsbreytingu á deiliskipulagi miðbæjarsvæðis í samræmi við 1. mgr. 41. gr. skipulagslaga nr. 123/2010. Breytingartillagan nær til samfélagsþjónustusvæðis S6 þar sem grunnskóla og íþróttahús er að finna. Markmið breytingarinnar er að skipta upp lóðum grunnskóla og íþróttahúss í tvær lóðir, tilfærsla á lóðamörkum innan reitar, flutningur á byggingareit á lóð Breiðamerkur 24, flutningur byggingareit við íþróttahús svo að hann rúmi stækkun á íþróttahúsi með löglegum keppnisvöllum og aðkomubyggingu sem og breytingar á fyrirkomulagi og fjölda bílastæða. Nýtingarhlutfall verður óbreytt 0,6 á reitnum í heild í samræmi við skilmála aðalskipulags.
Tillagan er aðgengileg á Skipulagsgátt undir málsnúmeri 1079/2024, liggur frammi á bæjarskrifstofu Hveragerðisbæjar að Breiðumörk 20 sem og á heimasíðu Hveragerðisbæjar.
Þau sem telja sig eiga hagsmuna að gæta er gefinn kostur á að gera skriflega athugasemd með umsögn á Skipulagsgátt, í síðasta lagi 25. október 2024.
Allar fyrirspurnir skulu berast á netfangið hildur@hveragerdi.is
Skipulagsfulltrúi Hveragerðisbæjar
Breyting á deiliskipulagi Hólmabrúnar, Dalsbrúnar og Hjallabrúnar
Bæjarstjórn Hveragerðisbæjar samþykkti þann 13. júní 2024 að auglýsa tillögu að deiliskipulagsbreytingu á deiliskipulagi Hólmabrúnar, Dalsbrúnar og Hjallabrúnar í samræmi við 1. mgr. 41. gr. skipulagslaga nr. 123/2010. Markmið deiliskipulagsbreytingarinnar er að heimila sólstofur við parhús í Hjallabrún, í samræmi við þegar fengnar heimildir fyrir sólstofum í Dalsbrún, sem og að heimila byggingu tveggja hæða íbúðarhúss á lóð Hólmabrúnar 20, í samræmi við jarðvegsaðstæður á lóð.
Tillagan er aðgengileg á Skipulagsgátt undir málsnúmeri 786/2024, liggur frammi á bæjarskrifstofu Hveragerðisbæjar að Breiðumörk 20 sem og hér á vef Hveragerðisbæjar.
Þau sem telja sig eiga hagsmuna að gæta er gefinn kostur á að gera skriflega athugasemd með umsögn á Skipulagsgátt, í síðasta lagi 19. júlí 2024.
DEILISKIPULAG VIÐ DALSBRÚN, HJALLABRÚN OG HÓLMABRÚN - Deiliskipulagsbreyting
Allar fyrirspurnir skulu berast á netfangið hildur@hveragerdi.is
Skipulagsfulltrúi Hveragerðisbæjar
Skipulagslýsing vegna breytingar á aðalskipulagi reitar AF2 og nýs deiliskipulags
Bæjarstjórn Hveragerðisbæjar samþykkti þann 11. apríl 2024 að kynna skipulagslýsingu vegna breytingar á reit AF2 í aðalskipulagi og nýs deiliskipulags fyrir afþreyingarsvæði í Kömbum ofan við Hveragerði.
Markmið skipulagsbreytingarinnar er að víkka út afþreyingarmöguleika í hlíðum Kamba með sleðabraut (e. Alpine Coaster) samsíða Zip-line. Sleðabrautin er ætluð öllum aldurshópum.
Skipulagslýsingin er aðgengileg á Skipulagsgátt, liggur frammi á bæjarskrifstofu Hveragerðisbæjar að Breiðumörk 20 sem og á heimasíðu Hveragerðisbæjar.
Þau sem telja sig eiga hagsmuna að gæta er gefinn kostur á að gera skriflega athugasemd með umsögn á Skipulagsgátt, málsnúmer 463/2024, í síðasta lagi 18. maí 2024. https://skipulagsgatt.is/issues/2024/463
Allar fyrirspurnir skulu berast á netfangið hildur@hveragerdi.is
Breyting á reit S2 í aðalskipulagi og á deiliskipulagi Finnmarkar í Hveragerði
Bæjarstjórn Hveragerðisbæjar samþykkti þann 11. maí 2023 að auglýsa samhliða breytingu á reit S2 Finnmörk-Réttarheiði og aðliggjandi opnu svæði í Aðalskipulagi Hveragerðisbæjar 2017-2029 og deiliskipulagi Finnmarkar í samræmi við 2. mgr. 41. gr. skipulagslaga nr. 123/2010. Aðal- og deiliskipulagsbreyting eru auglýstar skv. 31. og 41. gr. sömu laga.
Markmið skipulagsbreytinganna er að stækka reit S2 fyrir samfélagsþjónustu, fjölga leikskóladeildum, stækka byggingareit og heimila aukið byggingarmagn til þess að koma til móts við fjölgun leikskólabarna í Hveragerðisbæ.
Aðalskipulagsbreyting við Finnmörk - Réttarheiði
Deiliskiplagsbreyting við Réttarheiði og Finnmörk, Leikskólinn Óskaland
Deiliskipulagsbreyting ferðaþjónustusvæðis við Árhólma í Hveragerði
Bæjarstjórn Hveragerðisbæjar samþykkti þann 11. maí 2023 að auglýsa breytingu á deiliskipuagi Árhólma skv. 1.mgr. 41. gr. skipulagslaga nr. 123/2010.
Markmið deiliskipulagbreytingar er að byggja upp heildstæða ferðaþjónustu sem þjónar breiðum hópi ferða- og heimafólks og er áhugavert svæði og áfangastaður í sjálfu sér. Skilmálar eru um heildaryfirbragð bygginga verði í vistvænum anda og um góða aðlögun að landi, ásýnd og staðaranda.
Tillögur að aðal- og deiliskipulagsbreytingum liggja frammi á bæjarskrifstofu Hveragerðisbæjar að Breiðumörk 20 frá og með 15. maí 2023 og eru einnig aðgengilegar á heimasíðu Hveragerðisbæjar.
Þau sem telja sig eiga hagsmuna að gæta er hér með gefinn kostur á að gera athugasemdir við tillögurnar. Athugasemdir skulu vera skriflegar og berast skipulagsfulltrúa Hveragerðisbæjar í síðasta lagi þann 25. júní 2023 á bæjarskrifstofu Hveragerðisbæjar Breiðumörk 20, 810 Hveragerði eða á netfangið hildur@hveragerdi.is
Ferðaþjónusta við Árhólma í Hveragerði - greinagerð
Árhólmar - Deiliskipulagsbreyting
Árhólmar - Deiliskipulagsbreyting með skýringum
Skipulagsfulltrúi Hveragerðisbæjar