Fara í efni

Deiliskipulagsáætlanir í kynningu

Kambaland í Hveragerði, tillaga að breytingu á deiliskipulagi.

Bæjarstjórn Hveragerðisbæjar samþykkti þann 9. september 2021 að auglýsa tillögu að breytingu á deiliskipulagi fyrir Kambaland í Hveragerði, skv. 1. mgr. 43. gr. skipulagslaga nr. 123/2010. Deiliskipulagssvæðið afmarkast til suðurs og vesturs af Hringvegi (Suðurlandsvegi), til norðurs af Hamrinum og til austurs af núverandi byggð við Smyrlaheiði, Valsheiði, Kjarrheiði, Borgarhraun og Kambahraun. Tillagan felur í sér fjölgun íbúða á svæðinu, bæði á norður hluta þess og við Kaplahraun og breytingu á leikskólalóð og verslunar- og þjónustulóð. Tillagan gerir ráð fyrir samtals 334 íbúðum á svæðinu.

Tillagan liggur frammi á bæjarskrifstofunni Breiðumörk 20 og er til sýnis frá og með mánudeginum 20. september til mánudagsins 1. nóvember 2021. Tillagan er einnig aðgengileg á heimasíðu Hveragerðisbæjar, www.hveragerdi.is

Þeim sem telja sig eiga hagsmuna að gæta er hér með gefinn kostur á að gera athugasemdir við tillöguna til þriðjudagsins 2. nóvember 2021. Athugasemdir skulu vera skriflegar og skal þeim skilað á bæjarskrifstofur Hveragerðisbæjar Breiðumörk 20 eða á netfangið: gfb@hveragerdi.is.

Skipulagsfulltrúi Hveragerðisbæjar

Kambaland tillaga að breytingu á deiliskipulagi - uppdráttur
Kambaland breyting 2021 greinagerð 

 

 

Síðast breytt: 16.09.2021