Fræðslu- og velferðarsvið Hveragerðis

Hlutverk sviðsins er að sinna málaflokkum er varða þjónustu við fjölskyldur og einstaklinga, svo sem skóla- og leikskólamál, frístund, málefni aldraðra og lögbundna félagslega þjónustu.

Teymi sérfræðinga veitir íbúum Hveragerðis þá þjónustu sem nauðsynleg er samkvæmt skyldum sveitarfélaga.
Starfsemin er til húsa að Fljótsmörk 2, S: 488-4545. Netfang: ritari@hveragerdi.is

Hlutverk fræðsluþjónustu

1. Styrkja og styðja faglegt starf skólanna þannig að innan þeirra sé hægt að leysa flest þau verkefni sem upp koma með ráðgjöf og fræðslu til kennara og starfsfólks.
2. Styðja og efla samvinnu leik- og grunnskóla í Hveragerði og stuðla að samvinnu skóla og fagfólks á svæðinu.
3. Styrkja nemendur, foreldra og starfsfólk skólanna. Stuðla að bættri líðan nemenda og efla þá í námi og starfi með hugmyndafræði snemmtækrar íhlutunar.
4. Stuðla að framþróun í skólastarfi og kynna nýjungar með tilliti til sérstöðu hvers skóla.
5. Veita uppalendum uppeldistengda ráðgjöf og stuðning.

Fræðsluþjónusta starfar á grundvelli reglugerðar nr. 444/2019 um skólaþjónustu sveitarfélaga við leik- og grunnskóla og nemendaverndarráð í grunnskólum og laga um samþættingu þjónustu í þágu farsældar barna nr. 86/2021.

Senda gögn til Fræðslu- og velferðarsvið Hveragerðis í gegnum Signet Transfer