Bæjarstjórn

Lagt fram bréf frá Aldísi Hafsteinsdóttur frá 15. júlí 2022 þar sem hún tilkynnir að þar sem hún hefur flutt lögheimili sitt úr Hveragerði sé hún ekki lengur kjörgeng sem varabæjarfulltrúi í bæjarstjórn.

Liðir afgreiddir sérstaklega 9, 15, 20, 22, 23 og 24.

Eftirtaldir tóku til máls: Jóhanna Ýr Jóhannsdóttir, Njörður Sigurðsson og Sigmar Karlsson.

Liðir afgreiddir sérstaklega 3, 4, 5, 8, 11, 14, 16, 18 og 21.

Eftirtaldir tóku til máls: Jóhanna Ýr Jóhannsdóttir.

Liðir afgreiddir sérstaklega 1, 2 og 4.

Eftirtaldir tóku til máls: Jóhanna Ýr Jóhannsdóttir, Sigmar Karlsson og Sandra Sigurðardóttir.

Liðir afgreiddir sérstaklega 2, 3 og 6.

Eftirtaldir tóku til máls: Jóhanna Ýr Jóhannsdóttir.

Liðir afgreiddir sérstaklega 1.

Eftirtaldir tóku til máls: Jóhanna Ýr Jóhannsdóttir og Njörður Sigurðsson.

Alls bárust 23 umsóknir um starf bæjarstjóra en 4 umsækjendur drógu nöfn sín til baka.
Eftirtaldir tóku til máls: Jóhanna Ýr Jóhannsdóttir, Njörður Sigurðsson og Alda Pálsdóttir.

Meirihluti Okkar Hveragerðis og Framsóknar leggja til að farið verði af stað með hönnun og útboð á nýrri Hamarshöll á grunni þeirrar sem fauk þann 22. febrúar sl. Lagt er til að Hamarshöllin verði einangrað hús með burðarvirki úr stálgrind eða öðrum föstum efnum. Lagt er til að skipaður verði hönnunarhópur til að gera tillögu um hönnun hússins, þ.m.t. fyrirkomulag, íþróttavelli, aðstöðu og annað sem við á. Hönnunarhópurinn skili tillögu í síðasta lagi 15. ágúst 2022. Í framhaldinu verði farið í alútboð á hönnun og byggingu nýrrar Hamarshallar. Lagt er til að hönnunarhópinn skipi eftirtaldir aðilar:

Jóhanna Margrét Hjartardóttir, menningar- og frístundafulltrúi
Jón Friðrik Matthíasson, byggingafulltrúi
Þorsteinn T. Ragnarsson, stjórn Íþróttafélagsins Hamars
Sandra Sigurðardóttir, formaður bæjarráðs
Halldór Benjamín Hreinsson, varaformaður bæjarráðs
Andri Helgason, formaður Menningar-, íþrótta- og frístundanefndar
Arnar Ingi Ingólfsson, formaður skipulags- og mannvirkjanefndar
Hlynur Kárason, fulltrúi í skipulags- og mannvirkjanefnd
Tveir fulltrúar minnihluta.

Greinargerð
Mikilvægt er að bæjaryfirvöld horfi til langs tíma við uppbyggingu íþróttamannvirkja í Hveragerði. Upplýsingar sem komið hafa frá Duol, hinum slóvenska framleiðanda á loftbornu íþróttahúsi, hafa verið ófullnægjandi og ekki fengist mikilvægar upplýsingar um gæði dúksins og ástæðu þess að húsið féll þann 22. febrúar sl. Því er rétt að Hveragerðisbær horfi á aðrar og varanlegri lausnir við uppbyggingu íþróttamannvirkja í bænum. Stefnt er að því að ný Hamarshöll, sem verði einangrað hús með burðarvirki úr stálgrind eða öðrum föstum efnum, verði komin upp haustið 2023. Til þess að svo megi verða þurfa upplýsingar um hönnun að liggja fyrir í ágúst og útboðsgögn verða tilbúin í haust. Þá er lagt til að farin verði leið alútboðs þar sem hönnun og bygging verði boðin út í einu.

Dagný Sif Sigurbjörnsdóttir
Halldór Benjamín Hreinsson
Jóhanna Ýr Jóhannsdóttir
Njörður Sigurðsson
Sandra Sigurðardóttir

Eftirtaldir tóku til máls: Jóhanna Ýr Jóhannsdóttir. Njörður Sigurðsson, Sigmar Karlsson, Sandra Sigurðardóttir og Alda Pálsdóttir.

Meirihluti Okkar Hveragerðis og Framsóknar leggja til að hundasvæði bæjarins verði gerð snyrtileg og skemmtilegri fyrir hunda að leik. Einnig verði umhverfisfulltrúa og umhverfisnefnd falið að finna hentugan stað fyrir nýtt smáhundasvæði undir Hamrinum.

Greinagerð

Tvö hundasvæði eru í austur hluta bæjarins og eru þau mikið nýtt af hundaeigendum. Mikilvægt er að hundarnir geti hlaupið frjálsir um í leik og notið sín í náttúrunni þar sem lausaganga hunda er ekki leyfileg í Hveragerði.
Leggjum við til að hundasvæðið sem liggur næst þjóðveginum verði lagað og gert aðgengilegra fyrir notendur þess ásamt því að það verði gert skemmtilegra fyrir hunda með hentugum leiktækjum. Felum við umhverfisfulltrúa og umhverfsnefnd að finna nýjan stað undir Hamrinum fyrir smáhundasvæði og umhverfisfulltrúa sömuleiðis falið að girða svæðið af fyrir notendur þess.

Dagný Sif Sigurbjörnsdóttir
Halldór Benjamín Hreinsson
Jóhanna Ýr Jóhannsdóttir
Njörður Sigurðsson
Sandra Sigurðardóttir


Eftirtaldir tóku til máls: Jóhanna Ýr Jóhannsdóttir, Sandra Sigurðardóttir, Alda Pálsdóttir, Njörður Sigurðsson og Sigmar Karlsson.

Meirihluti Okkar Hveragerðis og Framsóknar leggja til að gámasvæðið verði opið á sunnudögum klukkan 12-16 það sem eftir er af júlí og í ágúst. Lokað verði þó sunnudaginn um verslunarmannahelgina.

Greinargerð:
Nokkuð hefur verið kvartað yfir því að opnunartími gámasvæðis skuli ekki vera lengri en hann er og þá sérstaklega um helgar þegar bæjarbúar eru mikið að vinna í görðum sínum. Því vill meirihluti Okkar Hveragerðis og Framsóknar auka opnun um helgar nú í sumar til reynslu.

Dagný Sif Sigurbjörnsdóttir
Halldór Benjamín Hreinsson
Jóhanna Ýr Jóhannsdóttir
Njörður Sigurðsson
Sandra Sigurðardóttir

Eftirtaldir tóku til máls: Jóhanna Ýr Jóhannsdóttir, Halldór Benjamín Hreinsson og Sigmar Karlsson.

Fulltrúar D-listans leggja til að Framsókn og O-listi jafni nú þegar kynjahlutfall sitt í nefndum bæjarins. Í Umhverfisnefnd og Fræðslunefnd eiga fjórar konur og einn karl sæti í hvorri nefnd, en það sem öllu verra er er að fimm karlar eiga sæti í Skipulags- og mannvirkjanefnd og engin kona á sæti í nefndinni.

Greinargerð:
Ljóst er að meirihluti Framsóknar og O-lista þverbraut sveitarstjórnarlög nr.138/2011, 44. gr. og Samþykktir um stjórn Hveragerðisbæjar á fyrsta fundi nýrrar bæjarstjórnar þann 7. júní sl. við skipan fulltrúa í nefndir bæjarins. Í 44. gr. framangreindra laga segir: „Ef velja á tvo eða þrjá fulltrúa í nefnd skal a.m.k. einn af hvoru kyni vera á lista. Ef velja á fjóra eða fimm fulltrúa skulu a.m.k. tveir vera af hvoru kyni.“

Í VI kafla Samþykkta um stjórn Hveragerðisbæjar segir í 34. gr.: „Framkvæmd kosninga skal þá vera í samræmi við ákvæði 44. og 45. gr. sveitarstjórnarlaga.“

Samkvæmt upplýsingum frá lögfræðingi Sambands Íslenskra Sveitarfélaga hvílir skylda á meirihluta hverju sinni að jafna kynjahlutföll.

Með skipan fjögurra karla í Skipulags- og mannvirkjanefnd af hálfu Framsóknar og O-lista og ójafna skiptingu í öðrum nefndum er gengið þvert á það sem segir í sveitarstjórnarlögum og Samþykktum um stjórn Hveragerðisbæjar. Sérstaka athygli vekur að bæjarfulltrúi O-listans skrifaði grein í Dagskránni sem kom út þann 12. janúar sl. sem fjallaði sérstaklega um kynjahlutföll í Héraðsnefnd Árnesinga með yfirskriftinni „Karlaveldi í Héraðsnefnd Árnesinga“ og fór þar mikinn um þann mikla kynjahalla sem þar var. Einnig hefur sami bæjarfulltrúi víða ritað og tjáð sig með ýmiskonar hætti um mikilvægi vandaðrar stjórnsýslu Hveragerðisbæjar og gagnrýndi fyrri meirihluta D-lista fyrir að hafa ekki stundað slíka vandaða stjórnsýslu.

Alda Pálsdóttir
Sigmar Karlsson

Eftirtaldir tóku til máls: Alda Pálsdóttir, Jóhanna Ýr Jóhannsdóttir og Njörður Sigurðsson.

Forseti lagði fram svohljóðandi tillögu: Bæjarstjórn Hveragerðisbæjar samþykkir að fella niður fundi bæjarstjórnar í ágúst vegna sumarleyfis bæjarstjórnar og felur bæjarráði fullnaðarafgreiðslu mála í samræmi við 4. mgr. 8. greinar og 6. mgr. 31. greinar samþykkta um stjórn Hveragerðisbæjar og fundarsköp bæjarstjórnar.

Enginn tók til máls.