Kæru laugargestir
Viðhaldsframkvæmdir ganga vel á efri hæð sundlaugarhússins. Næsta mánudag 16. júlí verður að skrúfa fyrir vatnið og hefst þá vinna við pípulagnir. Áætlað er að loka í 10 daga. Vonandi fáum við nokkra daga þurrk til að mála á útisvæði og þrífa laugarkerið. Sjáumst aftur í lok júlí.
Við tilkynntum rekstrartruflun í hitaveitunni í stærstum hluta bæjarins og að hún myndi standa til hádegis. Okkar menn eru hinsvegar að eiga við tæknilega erfiðleika við áhleypingu. Ekki er gott að segja til um það núna hvenær vatnið kemst á aftur. Við setjum þessar upplýsingar jafnharðan inn á vef Veitna og FB-síðuna okkar, en það væri gott ef þitt fólk gæti komið tengli á fréttina inn á íbúasíðu eða síðu bæjarins þannig að fólk fái veður af því hvar hægt er að fylgjast með framgangi mála.
Hveragerðisbær hlaut nýlega styrk frá styrktarsjóði Eignarhaldsfélags Brunabótafélags Íslands til gerðar söguskiltis við Hveragerðiskirkju. Styrkurinn nemur kr. 390.000,-.
Ný bæjarstjórn hefur haldið sinn fyrsta fund. Samþykkt var að Eyþór H. Ólafsson verði forseti bæjarstjórnar og Friðrik Sigurbjörnsson, formaður bæjarráðs. Ennfremur var samþykkt að Aldís Hafsteinsdóttir verði áfram bæjarstjóri.
Í dag eru 80 ár síðan vatni var fyrst hleypt í Sundlaugina Laugaskarði. Við gerum okkur glaðan dag og bjóðum gesti velkomna. Sjá dagskrá sem hefst kl. 17.
Dagskrá sumarsins í Hveragerðisbæ er fjölbreytt og skemmtileg. Fjölbreytt námskeið eru í boði fyrir börn og unglinga og síðan fögnum við 80 ára afmæli sundlaugarinnar.
