Bæjarstjórn

Fundargerðin samþykkt samhljóða.

Fundargerðin samþykkt samhljóða.

Á kjörskrá voru 2.283. Greidd atkvæði voru 1.771 eða 77,6% kjörsókn.
Kosning fell þannig:

B-listi Framsóknarflokks 480 atkvæði 2 menn.
1. Jóhanna Ýr Jóhannsdóttir
2. Halldór Benjamín Hreinsson
Til vara:
Andri Helgason
Lóreley Sigurjónsdóttir

D-listi Sjálfstæðinsflokksins 572 atkvæði 2 menn.
1. Friðrik Sigurbjörnsson
2. Alda Pálsdóttir
Til vara
Eyþór H. Ólafsson
Aldís Hafsteinsdóttir.

O-listi Okkar Hveragerði 691 atkvæði 3 menn.
1. Sandra Sigurðardóttir
2. Njörður Sigurðsson
3. Dagný Sif Sigurbjörnsdóttir.
Til vara
Hlynur Kárason
Atli Viðar Þorsteinsson
Sigríður Hauksdóttir.

Fundargerðin samþykt samhljóða.

Fundargerðin lögð fram til kynningar.

Fundargerðin samþykt samhljóða.

Kosning forseta bæjarstjórnar.
Jóhanna Ýr Jóhannsdóttir fékk 7 atkvæði. Jóhanna Ýr Jóhannsdóttir því kjörin forseti bæjarstjórnar og tók við fundarstjórn.

Kosning varaforseta bæjarstjórnar.
Njörður Sigurðsson fékk 7 atkvæði. Njörður Sigurðsson er því kjörinn varaforseti.

Kosning skrifara.
Stungið var upp á Dagnýju Sif Sigurbjörnsdóttur sem skrifara. Samþykkt með 7 atkvæðum.

Kosning varaskrifara.
Stungið var upp á Halldóri Benjamín Hreinssyni sem varaskrifara. Samþykkt með 7 atkvæðum.

Tillaga kom um aðalmenn:
Sandra Sigurðardóttir, formaður
Halldór Benjamín Hreinsson, varaformaður
Friðrik Sigurbjörnsson

Tillaga kom um varamenn:
Dagný Sif Sigurbjörnsdóttir
Jóhanna Ýr Jóhannsdóttir
Alda Pálsdóttir

Tillagan samþykkt samhljóða.

Gerð var tillaga um eftirtalda nefndarmenn kjörtímabilið 2022-2026:

Fræðslunefnd.
Aðalmenn:
Eva Harðardóttir, formaður (O-listi)
Sigríður Hauksdóttir (O-listi)
Thelma Rún Runólfsdóttir (B-listi)
Halldór Karl Þórsson (B-listi)
Alda Pálsdóttir (D-listi)

Varamenn:
Valgerður Rut Jakobsdóttir (O-listi)
Viðar Pétur Styrkársson (O-listi)
Hanna Einarsdóttir (B-listi)
Brynja Sif Sigurjónsdóttir (B-listi)
Ninna Sif Svavarsdóttir (D-listi)

Tillagan samþykkt samhljóða.


Menningar-, íþrótta- og frístundanefnd.
Aðalmenn:
Andri Helgason, formaður (B-listi)
Lóreley Sigurjónsdóttir (B-listi)
Jóhann Karl Ásgeirsson (O-listi)
Eydís Valgerður Valgarðsdóttir (O-listi)
Sigmar Karlsson (D-listi)

Varamenn:
Thelma Rún Runólfsdóttir (B-listi)
Snorri Þorvaldsson (B-listi)
Haraldur Örn Björnsson (O-listi)
Bjarndís Helga Blöndal (O-listi)
Aníta Líf Aradóttir (D-listi)

Tillagan samþykkt samhljóða.


Skipulags- og mannvirkjanefnd.
Aðalmenn:
Arnar Ingi Ingólfsson, formaður (B-listi)
Snorri Þorvaldsson (B-listi)
Hlynur Kárason (O-listi)
Kristján Björnsson (O-listi)
Friðrik Sigurbjörnsson (D-listi)

Varamenn:
Halldór Karl Þórsson (B-listi)
Marta Rut Ólafsdóttir (B-listi)
Bryndís Valdimarsdóttir (O-listi)
Viktoría Sif Kristinsdóttir (O-listi)
Sigurður Einar Guðjónsson (D-listi)

Tillagan samþykkt samhljóða.

Umhverfisnefnd.
Aðalmenn:
Guðjóna Björk Sigurðardóttir, formaður (O-listi)
Gunnar Biering Agnarsson (O-listi)
Kolbrún Edda Jensson Björnsdóttir (B-listi)
Hanna Einarsdóttir (B-listi)
Ingibjörg Zoëga (D-listi)

Varamenn:
Eygló Huld Jóhannesdóttir (O-listi)
Dagný Sif Sigurbjörnsdóttir (O-listi)
Andri Helgason (B-listi)
Lóreley Sigurjónsdóttir (B-listi)
Áslaug Einarsdóttir (D-listi)

Tillagan samþykt samhlóða.


Kjörstjórn.
Alda Pálsdóttir vék af fundi meðan á afgreiðslu liðarins stóð.
Aðalmenn:
Reynir Þór Garðarsson, formaður (B-listi)
Margrét Haraldardóttir (O-listi)
Gísli Páll Pálsson (D-lista)

Varamenn:
Fríða Margrét Þorsteinsdóttir (O-listi)
Bjarni Guðmundur Bjarnason (B-listi)
Inga Lóa Hannesdóttir (D-lista)

Tillagan samþykt samhljóða.

Skólaþjónustu- og velferðarnefnd Árnesþings.
Aðalmaður:
Valgerður Rut Jakobsdóttir (O -listi)
Varamaður:
Eva Harðardóttir (B-listi)
Tillagan samþykt samhljóða.

Fasteignafélag Hveragerðis.
Aðalmenn:
Njörður Sigurðsson, formaður (O-listi)
Halldór Benjamín Hreinsson (B-listi)
Alda Pálsdóttir (D-listi)

Varamenn:
Dagný Sif Sigurbjörnsdóttir (O-listi)
Jóhanna Ýr Jóhannsdóttir (B-listi)
Friðrik Sigurbjörnsson (D-listi)

Tillagan samþykkt samhljóða.

Öldungaráð Hveragerðisbæjar.
Aðalmenn:
Anna Jórunn Stefánsdóttir (O-listi)
Alda Pálsdóttir (D-listi)

Varamenn:
Garðar Rúnar Árnason (B-listi)
Bjarni Kristinsson (D-listi)

Tillagan samþykkt samhljóða.


Fulltrúar Hveragerðisbæjar á Ársfund SASS.
Aðalmenn:
Dagný Sif Sigurbjörnsdóttir (O-listi)
Njörður Sigurðsson (O-listi)
Jóhanna Ýr Jóhannsdóttir (B-listi)
Halldór Benjamín Hreinsson (B-listi)
Alda Pálsdóttir (D-listi)

Varamenn:
Sandra Sigurðardóttir (O-listi)
Hlynur Kárason (O-listi)
Andri Helgason (B-listi)
Lóreley Sigurjónsdóttir (B-listi)
Friðrik Sigurbjörnsson (D-listi)

Tillagan samþykkt samhljóða.

Fulltrúar Hveragerðisbæjar á aðalfund HSL.
Aðalmenn:
Dagný Sif Sigurbjörnsdóttir (O-listi)
Njörður Sigurðsson (O-listi)
Jóhanna Ýr Jóhannsdóttir (B-listi)
Halldór Benjamín Hreinsson (B-listi)
Friðrik Sigurbjörnsson (D-listi)

Varamenn:
Sandra Sigurðardóttir (O-listi)
Hlynur Kárason (O-listi)
Andri Helgason (B-listi)
Lóreley Sigurjónsdóttir (B-listi)
Alda Pálsdóttir (D-listi)

Tillagan samþykkt samhljóða.


Fulltrúar Hveragerðisbæjar á aðalfund Sorpstöðvar Suðurlands.
Aðalmaður:
Halldór Benjamín Hreinsson (B-listi)

Varamaður:
Dagný Sif Sigurbjörnsdóttir (O-listi)

Tillagan samþykkt samhljóða.

Fulltrúar Hveragerðisbæjar á aðalfund Bergrisans.
Aðalmenn:
Dagný Sif Sigurbjörnsdóttir (O-listi)
Njörður Sigurðsson (O-listi)
Jóhanna Ýr Jóhannsdóttir (B-listi)
Halldór Benjamín Hreinsson (B-listi)
Friðrik Sigurbjörnsson (D-listi)

Varamenn:
Sandra Sigurðardóttir (O-listi)
Hlynur Kárason (O-listi)
Andri Helgason (B-listi)
Lóreley Sigurjónsdóttir (B-listi)
Alda Pálsdóttir (D-listi)

Tillagan samþykkt samhljóða.

NOS nefnd oddvita og sveitarstjóra.
Aðalmaður:
Sandra Sigurðardóttir (O-listi)
Varamaður:
Jóhanna Ýr Jóhannsdóttir (B-listi)

Tillagan samþykkt samhljóða.

Fulltrúar í Héraðsnefnd Árnesinga.
Aðalmenn:
Sandra Sigurðardóttir (O-listi)
Jóhanna Ýr Jóhannsdóttir (B-listi)
Friðrik Sigurbjörnsson (D-listi)

Varamenn:
Dagný Sif Sigurbjörnsdóttir (O-listi)
Halldór Benjamín Hreinsson (B-listi)
Alda Pálsdóttir (D-listi)

Tillagan samþykkt samhljóða.

Fulltrúar á landsþing Sambands íslenskra sveitarfélaga.
Aðalmenn:
Jóhanna Ýr Jóhannsdóttir (B-listi)
Alda Pálsdóttir (D-listi)
Varamenn:
Sandra Sigurðardóttir (O-listi)
Friðrik Sigurbjörnsson (D-listi)
Tillagan samþykkt samhljóða.

Fulltrúaráð Eignarhaldsfélags Brunabótafélags Íslands.
Aðalmaður:
Njörður Sigurðsson (O-listi)
Varamaður:
Halldór Benjamín Hreinsson (B-listi)

Tillagan samþykkt samhljóða.

Fulltrúar D-listans lögðu fram eftirfarandi bókun

Eftir sveitarstjórnarkosningar 2018 mynduðu D-listinn og Frjáls með Framsókn(Framsókn) meirihluta í nefndum og ráðum sveitarfélagsins sem gaf Framsókn tækifæri til að eiga fulltrúa í hverri nefnd. Við þessa ákvörðun fengu D-listinn og Framsókn mikla gagnrýni frá fulltrúum O-listans. Töldu fulltrúar O-listans þetta ólýðræðislegt þar sem fjöldi atkvæða á bakvið hvern nefndarmann væri mjög misskipt. Fulltrúum D-listans fannst hinsvegar lýðræðislegt og mikilvægt að raddir allra heyrðust og ákváðu því, þegar O-listinn og Framsókn höfðu ekki náð saman um skiptingu nefndarsæta, að ganga til viðræðna við Framsókn um myndun meirihluta í nefndum og ráðum.

Nú að afloknum kosningum sem fram fóru þann 14. maí 2022 hafa O-listinn og Framsókn myndað meirihluta í bæjarstjórn og fá með því mikinn meirihluta í nefndum og ráðum sveitarfélagsins. Í fastanefndum Hveragerðisbæjar sitja 20 fulltrúar og eiga því O-listinn og Framsókn 16 fulltrúa í fastanefndum og D-listinn 4 fulltrúa, eða einn fulltrúa af fimm í hverri nefnd.

Þetta leiðir til þess að 73 atkvæði eru á bak við hvern nefndarfulltrúa hjá meirihluta O-lista og Framsóknar. Hinsvegar verða nær tvöfalt fleiri atkvæði á bak við hvern nefndarmann D-listans eða 143 atkvæði.

Vilja fulltrúar D-listans með þessu benda á þann lýðræðishalla sem á sér stað í nefndum bæjarins, en jafnframt vonumst við til að samstarfið við nýjan meirihluta verði gott og að hlustað verði á sjónarmið nefndarmanna og bæjarfulltrúa D-listans þetta kjörtímabil.

Friðrik Sigurbjörnsson
Alda Pálsdóttir

Tillagan borin upp og samþykkt samhljóða.

Fulltrúar D-listans lögðu fram eftirfarandi bókun

Bæjarfulltrúar D-listans fagna því að áfram skuli vera brugðist við hækkun fasteignamats með því að lækka álagningu.

Friðrik Sigurbjörnsson
Alda Pálsdóttir

Bæjarstjórn samþykkir samhljóða að komið verði upp nýjum ærslabelg í sumar og að haft verði samráð við íbúa bæjarins um staðsetningu hans.

Viðauki við fjárhagsáætlun verður gerður þegar kostnaður við verkefnið hefur verið reiknaður út.

Tillagan borin upp og samþykkt samhljóða.

Viðauki við fjárhagsáætlun verður gerður þegar kostnaður við verkefnið hefur verið reiknaður út.

Tillagan borin upp og samþykkt með 5 atkvæðum meirihlutans, fulltrúar D-listans sátu hjá.

Viðauki við fjárhagsáætlun verður gerður þegar kostnaður við verkefnið hefur verið reiknaður út.

Bæjarfulltrúar D-listans hafa ákveðið að sitja hjá við atkvæðagreiðslu þessa máls. Teljum við að tillaga D-listans um gjaldfrjálsan desembermánuð myndi koma betur til móts við barnafjölskyldur enda er desembermánuður mikill útgjaldamánuður. Þar sem nákvæm útfærsla á tillögu O-listans og Framsóknar er ekki komin og að þau ætli sér að bíða eftir úttekt og skýrslu á rekstri og þjónustu Hveragerðisbæjar er ljóst að ekki verður hægt að framkvæma þeirra tillögu strax. Hinsvegar væri hægt að framkvæma tillögu D-listans strax í vetur.

Friðrik Sigurbjörnsson
Alda Pálsdóttir

Bæjarstjórn samþykkir samhljóða tillögu Okkar Hveragerðis og Framsóknar en tekið verði tillit til hugmynda D-listans við útfærslu málsins.

Viðauki við fjárhagsáætlun verður gerður þegar kostnaður við verkefnið hefur verið reiknaður út.

Tillagan borin upp og felld með 5 atkvæðum meirihlutans. Fulltrúar D-listans með.

Fulltrúar meirihlutans leggur fram eftirfarandi bókun.

Ljóst er að öll framboð sem buðu fram til bæjarstjórnar í Hveragerði nú í vor höfðu það að markmiði að lækka leikskólagjöld. Meirihluti Okkar Hveragerðis og Framsóknar hefur á stefnu sinni að bjóða upp á gjaldfrjálsan leikskóla í allt að sex klukkustundir á dag. Þá hefur meirihlutinn jafnframt sett sér það markmið að öll börn komist inn á leikskóla við 12 mánaða aldur og að foreldrum barna sem ekki komist inn 12 mánaða verði greiddur styrkur með börnunum. Með þessu er meirihlutinn að nálgast leikskólamálinn á heildstæðan hátt með hagsmuni barna, foreldra og leikskólastarfs að leiðarljósi.

Dagný Sif Sigurbjörnsdóttir
Halldór Benjamín Hreinsson
Jóhanna Ýr Jóhannsdóttir
Njörður Sigurðsson
Sandra Sigurðardóttir

Tillaga D-listans lögð fram og felld með atkvæðum meirihlutans, fulltrúar D-listans með.

Meirihluti Okkar Hveragerðis og Framsóknar leggja fram eftirfarandi breytingartillögu:

Menningar- og frístundafulltrúa verði falið að kanna þá möguleika sem færir eru til að gera sundlaugarsvæði Sundlaugarinnar Laugaskarði barnvænni.

Greinargerð
Sundlaugin Laugaskarði er eitt af kennileitum Hveragerðisbæjar. Vanda þarf til verka við uppbyggingu á svæðinu til að auka þjónustu og aðgengi sundlaugargesta. Meirihlutinn telur því farsælt að starfsmanni bæjarins, menningar- og frístundafulltrúa verði falið að leita leiða til gera sundlaugarsvæðið barnvænna. Í framhaldinu er mikilvægt að hafa samráð við íbúa um hvað skuli gera enda Sundlaugin Laugaskarði ein af perlum Hveragerðis.

Dagný Sif Sigurbjörnsdóttir
Halldór Benjamín Hreinsson
Jóhanna Ýr Jóhannsdóttir
Njörður Sigurðsson
Sandra Sigurðardóttir

Breytingatillagan lögð fram og samþykkt með fimm atkvæðum meirihlutans, fulltrúar D-listans sátu hjá.

Tillagan borin upp og felld með 5 atkvæðum meirihlutans. Fulltrúar D-listans með.

Fulltrúr meirihlutans lögðu fram eftirfarandi bókun.

Um leið og við þökkum Sjálfstæðisflokknum fyrir að sýna þessum málaflokki áhuga bendum við á að í lið 12 var samþykkt tillaga meirihlutans að fara í stefnumótun og þarfagreiningu samhliða úttekt á rekstri og þjónustu Hveragerðisbæjar. Þar með talið þátttöku þess í Skóla- og velferðarþjónustu Árnesþings sem er í samræmi við málefnasamning meirihluta Okkar Hveragerðis og Framsóknar.


Dagný Sif Sigurbjörnsdóttir
Njörður Sigurðsson
Sandra Sigurðardóttir
Halldór Benjamín Hreinsson
Jóhanna Ýr Jóhannsdóttir

Meirihluti Okkar Hveragerðis og Framsóknar leggur fram eftirfarandi bókun sem svar við fyrirspurn Sjálfstæðisflokksins um uppbyggingu Hamarshallarinnar:

Þann 22. febrúar sl. fauk Hamarshöllin af grunni sínum í heilu lagi í miklum vindi. Í kjölfar skýrslu sem Verkís var fengin til að gera fyrir bæjarstjórn ákvað fyrrum meirihluti Sjálfstæðisflokksins á bæjarstjórnarfundi 13. apríl sl. að panta nýtt loftborið íþróttahús til að blása upp á grunni Hamarshallarinnar og hafnaði að skoða aðra hagkvæma valkosti. Skrifað var undir tilboð frá slóvenska framleiðandanum Duol um kaup á nýjum dúk þann 26. apríl sl. Síðan hefur komið í ljós að fyrrum meirihluti Sjálfstæðisflokksins virðist aldrei hafa pantað nýjan dúk frá Duol og aldrei var gerður samningur um slíkt, né liggja fyrir nein gögn um málið í málakerfi bæjarins. Óljóst er hvers vegna þáverandi bæjarstjóri ákvað að fylgja ekki eftir ákvörðun þáverandi meirihluta Sjálfstæðisflokksins um að panta nýjan dúk frá Duol. Þó er ljóst að upplýsingar sem koma fram í frétt frá fyrrum bæjarstjóra á vef bæjarins frá 28. apríl sl. um að samningur hafi verið undirritaður um kaup á nýjum dúk frá Duol er ekki rétt þar sem enginn samningur virðist liggja fyrir, heldur aðeins tilboð sem hefur einungis verið undirritað af hálfu Hveragerðisbæjar, en ekki Duol. Tilboðið var þar að auki undirritað af hálfu Hveragerðisbæjar eftir að gildistími þess rann út. Þá eru upplýsingar sem koma fram í frétt frá fyrrum bæjarstjóra frá 21. maí sl. um að hægt sé að afpanta dúkinn jafnframt röng þar sem ekki er hægt að afpanta það sem aldrei hefur verið pantað. Í undirrituðu tilboði frá Duol kemur fram að greiða þurfi 70% af upphæðinni fyrirfram þegar dúkur er pantaður og 30% fyrir afhendingu. Aldrei hafa þessi 70% verið greidd né virðist fyrrum meirihluti hafa hugað að fjármögnun á uppbyggingu Hamarshallarinnar. Því er ljóst að upplýsingar frá fyrrum meirihluta Sjálfstæðisflokksins og bæjarstjóra hans um pöntun og samningagerð á dúk frá Duol var ekki rétt og byggði ekki á neinum gögnum.

Bæjarfulltrúar Okkar Hveragerðis og Framsóknar kölluðu eftir upplýsingum um málið og stöðu þess frá Hveragerðisbæ strax að loknum kosningum þann 16. maí en þá kom í ljós að nánast engin gögn lágu fyrir um málið. Í ljósi þess var kallað eftir upplýsingum og gögnum frá fyrrum bæjarstjóra en erindinu var ekki svarað. Í ljós kom að nánast engin gögn um málið lágu fyrir í málakerfi bæjarins þrátt fyrir lagaskyldu um skráningu og varðveislu slíkra málsgagna. Að beiðni meirihlutans sendi staðgengill bæjarstjóra erindi til Duol til að kalla eftir upplýsingum um stöðu mála þar sem þær voru ekki í málakerfi bæjarins og ekki var hægt að fá þær frá fyrrum bæjarstjóra. Þar með talið vantaði upplýsingar um afhendingartíma á nýjum dúk sem skiptir miklu máli um hvort að mögulegt sé að blása upp nýtt loftborið íþróttahús fyrir veturinn. Samkvæmt sérfræðingum hjá Hveragerðisbæ þarf að blása húsið upp í síðasta lagi í ágúst en það má aðeins gera í mjög stilltu veðri. Ef dúkurinn berst eftir þann tíma er ekki víst að hægt verði að koma húsinu upp fyrir veturinn vegna þess að ekki er hægt að treysta á gott veður. Í þessu samhengi skipta miklu þær 6-8 vikur sem hafa tapast vegna aðgerðarleysis fyrrum meirihluta Sjálfstæðisflokksins í málinu. Eins og flestir Hvergerðingar þá héldu bæjarfulltrúar Okkar Hveragerðis og Framsóknar að málið hefði verið sett í feril af fyrrum meirihluta Sjálfstæðisflokksins og að dúkurinn frá Duol væri þegar í framleiðslu. Því miður reyndist það ekki rétt. Í raun hefur þessi mynd sem hér hefur verið lýst verið að dragast upp á síðustu dögum en upplýsingar um stöðuna hefur skort og þess vegna hefur þurft að kalla eftir gögnum frá Duol í Slóveníu. Í gær, þann 6. júní, barst svar frá Duol þar sem fram kemur að aldrei hafi verið gengið frá samningi um pöntun á dúknum og því hafi hvorki hönnun né framleiðsla farið af stað. Pöntun á efni í dúkinn sé í byrjunarfasa en vegna stöðu á heimsmarkaði getur það tekið tíma. Þá kemur fram í svari Duol að miðað við stöðuna sé möguleiki að afhenda nýtt loftborið íþróttahús úr verksmiðjunni í byrjun október. Þá á eftir að flytja dúkinn til Íslands og koma honum upp. Miðað við þessar upplýsingar er ljóst að ekki verður komin upp ný Hamarshöll fyrr en í fyrsta lagi í lok október, líklega síðar, hvaða leið sem farin verður í uppbyggingu hennar, hvort sem keypt er loftborið íþróttahús eða fjárfest í hagstæðu stálgrindarhúsi.

Rétt er að nefna að ef málsmeðferðin hefði verið vönduð strax í upphafi þar sem aðrir hagkvæmir kostir hefðu verið kannaðir og ákvörðun verið tekin út frá þeirri skoðun væri staðan líklega önnur en nú. Slík vinnubrögð hefðu verið fremur til þess fallin að sátt og samstaða stæði um ákvörðun um uppbyggingu Hamarshallarinnar.

Ábyrgðin á þessari alvarlegu stöðu sem upp er komin liggur alfarið hjá fyrrum meirihluta Sjálfstæðisflokksins en ábyrgðin á því hvað nú gerist í framhaldinu liggur hjá núverandi meirihluta.

Meirihluti Okkar Hveragerðis og Framsóknar leggur mikla áherslu á að leitað verði allra leiða til að tryggja íþróttastarf Hvergerðinga næsta vetur og að það verði gert í samstarfi við Íþróttafélagið Hamar og minnihlutann í bæjarstjórn ef hann kýs svo. Í ljósi stöðunnar er því rétt að taka ákvörðun út frá því hvað er best fyrir íþróttastarf í Hveragerði til lengri og skemmri tíma. Það er markmið núverandi meirihluta að ný Hamarshöll verði komin upp sem allra fyrst.

Möguleikarnir í stöðunni eru því eftirfarandi:
1.
Að koma upp loftbornu íþróttahúsi með samningi við Duol. Samkvæmt upplýsingum frá Duol er fyrsti mögulegi afhendingartími úr verksmiðju í byrjun október. Þó þarf að afla nánari upplýsinga frá Duol, s.s. um kostnað, hvort að tilboð sem rann út í apríl standi enn, flutningstíma og kröfur sem Íþróttafélagið Hamar gerði um aðstöðu. Núverandi meirihluti hefur þegar sett af stað vinnu meðal starfsmanna bæjarins að afla þessara upplýsinga.
2.
Samhliða hefur meirihluti Okkar Hveragerðis og Framsóknar óskað tilboða frá tveimur norskum aðilum á stálgrindarhúsum, þ.e. frá Besthall og MSO Sport & Invest. Húsin frá Besthall eru einangruð stálgrindarhús sem klædd eru með dúk en húsin frá MSO Sport & Invest eru stálgrindarhús sem eru einangruð með yleiningum. Teikningar af sökkli Hamarshallarinnar hafa verið sendar til þessara aðila sem skoða samhliða tilboðsgerð hvort að hægt sé að setja stálgrind á grunninn og hvort styrkja þurfi hann. Óskað hefur verið eftir upplýsingum um hvenær hægt verði að koma umræddum húsum upp.

Um leið og fullnægjandi upplýsingar liggja fyrir í málinu mun meirihluti Okkar Hveragerðis og Framsóknar boða til aukabæjarstjórnarfundar til að taka ákvörðun hratt og vel um uppbyggingu Hamarshallarinnar og mun bæjarstjórn vinna náið með Íþróttafélaginu Hamri vegna málsins. Vonast er til þess að þessar upplýsingar liggi fyrir á næstu dögum og verði þá hægt að koma málinu áfram. Það er von meirihlutans að allir sem að málinu hafa komið, Íþróttafélagið Hamar og öll bæjarstjórn muni vinna saman að því að leysa úr þessari alvarlegu stöðu sem upp er komin.

Til nánari glöggvunar á gangi málsins og gagnaöflunar um uppbyggingu Hamarshallarinnar er hér birt tímalína um málið:

22. febrúar 2022 ? Hamarshöllin fýkur af grunni sínum í heilu lagi í miklum vindi.

10. mars 2022 - Bæjarstjórn ákveður að láta Verkís kanna fimm valkosti við uppbyggingu Hamarshallarinnar.

5. apríl 2022 - Bæjarfulltrúi Framsóknar óskar eftir upplýsingum um stöðu skýrslu Verkís. Bæjarfulltrúi Okkar Hveragerðis óskar eftir að fá upplýsingar frá Verkís sem fyrst svo að góður tími gefist til að skoða skýrsluna og fylgigögnin. Ítrekað 10. apríl þar sem meirihlutinn svaraði ekki.

10. apríl 2022 - Bæjarfulltrúar Okkar Hveragerðis og Framsóknar fá drög að skýrslu Verkís um uppbyggingu Hamarshallarinnar. Þar er þó aðeins gerð úttekt á tveimur kostum við uppbyggingu Hamrashallarinnar en ekki þeim fimm sem ákveðið var að skoða. Kostirnir tveir í skýrslu Verkís eru dýrasti kostur stálgrindarhúss og loftborið íþróttahús.

10.-13. apríl 2022 - Bæjarfulltrúar Okkar Hveragerðis og Framsóknar óska ítrekað eftir að skýrsla Verkís verði lögð fram til kynningar á fundi bæjarstjórnar 13. apríl þar sem ljóst sé að hún sé ófullgerð og aðrir kostir séu í stöðunni sem sé mikilvægt að skoða. Þessu er hafnað af meirihluta Sjálfstæðisflokksins.

12. apríl 2022 - Bæjarfulltrúar Okkar Hveragerðis og Framsóknar fá hluta af fylgigögnum með skýrslu Verkís send eftir ítrekaðar beiðnir.

13. apríl 2022 - Sjálfstæðisflokkurinn tekur ákvörðun um að kaupa nýtt loftborið íþróttahús og blása upp á grunni þess sem fauk þann 22. febrúar. Bæjarfulltrúar Okkar Hveragerðis og Framsóknar sitja hjá þar sem skýrsla Verkís er ófullgerð og mörgum spurningum er ósvarað í málinu og leggja til að málinu sé frestað um tvær vikur (sem Sjálfstæðisflokkurinn hafnar). Það kemur fram í máli Sjálfstæðisflokksins að það megi ekki bíða að panta nýjan dúk frá Duol.

16. apríl 2022 - Bæjarfulltrúar Okkar Hveragerðis og Framsóknar senda fyrirspurn til Duol og óska eftir upplýsingum um tilboð og samning við Hveragerðisbæ.

27. apríl 2022 - Bæjarfulltrúar Okkar Hveragerðis og Framsóknar ítreka fyrirspurn til Duol og óska eftir upplýsingum um tilboð og samning við Hveragerðisbæ.

28. apríl 2022 - Bæjarfulltrúar Okkar Hveragerðis leggja fram fyrirspurn í bæjarstjórn um hvers vegna Verkís skilaði ófullgerðri skýrslu til bæjarstjórnar og hvers vegna hún hafi ekki verið unnin eftir ákvörðun bæjarstjórnar (að kanna fimm valkosti). Fyrrum bæjarstjóri svarar því að líklega hafi hann ákveðið það í samráði við Verkís og tæknideild Hveragerðisbæjar sem er í andstöðu við ákvörðun bæjarstjórnar.

28. apríl 2022 - Bæjarstjórn samþykkir undirskriftarsöfnun um að borgarafundur verði haldinn vegna Hamarshallarinnar.

28. apríl 2022 - Fyrrum bæjarstjóri birtir frétt á vef Hveragerðisbæjar um að samningur um kaup á dúk frá Duol hafi verið undirritaður. Síðar kemur í ljós að ekki var um samning að ræða heldur undirritað tilboð af hálfu Hveragerðisbæjar. Engar upplýsingar eru í tilboðinu um afhendingartíma.

29. apríl 2022 - Framkvæmdastjóri Duol í Slóveníu svarar fyrirspurn bæjarfulltrúa Okkar Hveragerðis og Framsóknar frá 16. apríl um að tilboð hafi verið sent til Hveragerðisbæjar þann 22. mars og það undirritað 26. apríl.

6. maí 2022 - Undirskriftum um ósk um borgarafund skilað til Hveragerðisbæjar. Nægilega margar undirskriftir fengust.

9. maí 2022 - Borgarafundur um Hamarshöllina haldinn í Skyrgerðinni.

14. maí 2022 - Sveitarstjórnarkosningar. Niðurstöður Okkar Hveragerði 39,6% og þrír bæjarfulltrúar, Framsókn 27,5% og tveir bæjarfulltrúar og Sjálfstæðisflokkurinn 32,8% og tvo bæjarfulltrúa. Ljóst að meirihluti Sjálfstæðisflokksins er fallinn.

16. maí 2022 - Bæjarfulltrúar Okkar Hveragerðis og Framsóknar kalla eftir upplýsingum um stöðuna á máli Hamarshallarinnar. Í ljós kemur að nánast engin gögn eru í málakerfi Hveragerðisbæjar um málið, engin samskipti við Duol og eingöngu undirritað tilboð af hálfu Hveragerðisbæjar.

21. maí 2022 - Fyrrum bæjarstjóri birtir frétt á vef Hveragerðisbæjar um að hann hafi verið í samskiptum við Duol og þar hafi komið fram að hægt sé að afturkalla pöntun á dúknum. Fréttin reynist röng þar sem dúkurinn virðist aldrei hafa verið pantaður og því ekki hægt að afpanta hann.

22. maí 2022 - Bæjarfulltrúar Okkar Hveragerðis og Framsóknar kalla eftir upplýsingum frá fyrrum bæjarstjóra um samskipti við Duol, einkum afritum af tölvupóstum, uppskriftum símtala og minnisblöðum um málið. Einnig var kallað eftir upplýsingum um afhendingartíma dúksins og hvort samningur hefði verið undirritaður og ef ekki hvort að drög um hann lægju fyrir. Bæjarstjóri svarar ekki erindinu og engin gögn berast.

29. maí 2022 - Nýr meirihluti Okkar Hveragerðis og Framsóknar tekur formlega við völdum í bæjarstjórn Hveragerðisbæjar, sbr. 1. mgr. 15. gr. sveitarstjórnarlaga.

30. maí 2022 - Bæjarfulltrúar Okkar Hveragerðis og Framsóknar funda með skrifstofustjóra Hveragerðisbæjar og spyrja um gögn málsins um Hamarshöllina og samskipti og samninga við Duol. Í málakerfi bæjarins er ekki að finna nein samskipti við Duol um pöntun á dúk né að hægt sé að afpanta hann, sbr. frétt fyrrum bæjarstjóra á vef Hveragerðisbæjar 21. maí. Miðað við fyrirliggjandi gögn og upplýsingar virðist samningur aldrei hafa verið gerður við Duol og dúkurinn aldrei pantaður.

31. maí 2022 - Að beiðni meirihluta Okkar Hveragerðis og Framsóknar sendir skrifstofustjóri Hveragerðisbæjar erindi til Duol og kallar eftir upplýsingum og gögnum um samskipti við fyrrum bæjarstjóra (þar sem þau eru ekki til hjá Hveragerðisbæ), þ.m.t. um afhendingartíma og drög að samningi.

2. júní 2022 - Að beiðni meirihluta Okkar Hveragerðis og Framsóknar ítrekar byggingarfulltrúi Hveragerðisbæjar fyrirspurn til Duol og aftur 3. júní.

6. júní 2022 - Svör berast frá Duol þar sem fram kemur að aldrei hafi verið gengið frá samningi um pöntun á dúknum og því hafi hönnun á húsinu verið stöðvuð en fyrirtækið sé að hefja pöntun á efni. Einnig kemur fram að miðað við stöðuna sé möguleiki að afhenda nýtt loftborið íþróttahús úr verksmiðju í byrjun október. Þá á eftir að flytja dúkinn til landsins og koma honum upp.

Fulltrúar D-listans lögðu fram eftirfarandi bókun.
Í aðdraganda kosninga var augljóst að fulltrúar O-lista og Framsóknar höfðu ekki áhuga að endurreisa Hamarshöllina í þeirri mynd sem hún var, enda snérist kosningabaráttan að mestu leyti um andstöðu þessara flokka við endurreisn loftborins íþróttahúss. Því mega þessir flokkar teljast afar heppnir að ekki skuli hafa verið gengið endanlega frá saminingi um kaupin og því eru þau nú með öllu óbundin af ákvörðun fyrri meirihluta og geta reist hvað það hús sem þau telja hagkvæmast.

Það er augljóst að fulltrúar O-listans og Framsóknar hafa ekki áhuga á að reisa nýtt loftborið íþróttahús. Ef þau hefðu hug á hefðu þau farið af stað í samningagerð við Duol til að flýta sem mest fyrir komu dúksins til landsins.

Það má vera að í frétt á vef Hveragerðisbæjar frá 28. apríl hafi staðið að undirritaður hafi verið samningur við Duol um kaup á nýjum dúk, en þegar betur er að gáð sést að þar er verið að undirrita og samþykkja tilboð um kaup á nýjum dúk frá Duol í samræmi við ákvörðun bæjarstjórnar. Þrátt fyrir að staðið hafi á tilboðinu að það rynni út 15. apríl tóku fulltrúar Duol tilboðinu gildu og hafa þeir staðfest það í tölvupósti. En eftir stendur að sjálf samningagerðin var eftir og þann samning hefði og þarf bæjarstjórn að sjálfsögðu að samþykkja.

Það kemur okkur mjög á óvart hvað fulltrúar O-listans og Framsóknar hafa skyndilega mikinn áhuga á því að reisa loftborið íþróttahús, þvert gegn öllu því sem þau ræddu um í aðdraganda kosninga og þeirri andstöðu sem þeir sýndu.

Samkvæmt öllu því sem hér hefur komið fram er enn möguleiki að nýtt loftborið íþróttahús rísi næsta haust, sé vilji til þess hjá fulltrúum O-listans og Framsóknar. Ákvörðunin liggur hjá ykkur.

Friðrik Sigurbjörnsson
Alda Pálsdóttir

Meirihluti Okkar Hveragerðis og Framsóknar leggur fram eftirfarandi bókun.
Til skýringar viljum við benda á að samkvæmt okkar upplýsingum þá hefur upplegg Duol í pöntun á dúknum verið með þeim hætti að fengist samþykkt tilboð þá yrði í framhaldinu að undirrita verksamning og greiða 70% kaupverðs dúksins og þar með væri pöntun á dúknum komin af stað. Samkvæmt þeim upplýsingum sem við höfum fengið frá starfsmönnum bæjarins var fyrirhugað í verksamningnum að útlista tilteknar kröfur sem og nánari útfærsluatriði meðal annars varðandi styrkingu á dúknum og breytingar á honum með tilliti til þarfagreiningar Hamars. Slíkur verksamningur virðist ekki hafa verið gerður eins og áður er rakið og við höfum fengið það staðfest frá starfsmönnum bæjarins að greiðsla á 70% staðfestingargjalds hefur ekki farið fram.

Við í meirihluta Okkar Hveragerðis og Framsóknar viljum leiðrétta þá rangfærslu í máli Friðriks hér áður þess efnis að Okkar Hveragerði eða Framsókn hafi gefið það út fyrir kosningar að við vildum ekki koma upp loftbornu húsi, eða að það sé raunin í dag. Hið rétta er að við vildum frekari skoðun á öðrum hagkvæmum kostum sem unnt væri að koma upp innan skamms tíma. Við vildum þannig sjá vandaðri vinnubrögð við afgreiðslu málsins, enda um mikla hagsmuni að ræða fyrir íbúa Hveragerðisbæjar. Okkar Hveragerði var í samræmi við það með á sinni stefnuskrá að skoða hvort að hægt væri að endurskoða ákvörðun um uppbyggingu Hamarshallarinnar án þess að framkvæmdatími lengdist. Framsókn hafði síðan ákveðið að una þeirri ákvörðun kjörinna fulltrúa fyrrum meirihluta Sjálfstæðisflokksins að dúkurinn hefði þegar verið pantaður. Meðal annars í ljósi yfirlýsingar fyrrum bæjarstjóra eftir kosningar þess efnis að unnt væri að afpanta dúkinn var það hluti málefnasamnings hins nýja meirihluta Okkar Hveragerðis og Framsóknar að skoða kosti varðandi uppbyggingu Hamarshallarinnar og annarra íþróttamannvirkja.

Í samræmi við það mun nýr meirihluti taka ákvörðun sem allra fyrst um uppbyggingu Hamarshallarinnar, hvort sem það verður loftborið hús að nýju eða annar ákjósanlegur kostur með tilliti til tíma og fjármuna eins og rakið er í bókun okkar. Við áréttum að um leið og fyrir liggja nauðsynlegar upplýsingar til grundvallar slíkri ákvörðun um þá kosti sem eru í stöðunni og að fengnu samráði við íþróttafélagið Hamar, mun meirihluti Okkar Hveragerðis og Framsóknar boða til auka bæjarstjórnarfundar til að taka ákvörðun um málið.

Í ljósi stöðunnar og umræðunnar hér í dag viljum við beina eftirfarandi spurningu til bæjarfulltrúa Sjálfstæðisflokksins.

1.
Hvers vegna var ekki gengið frá verksamningi um dúkinn og gengið frá staðfestingargjaldi eftir ákvörðun bæjarstjórnar í apríl síðastliðnum?

Meirihluti Okkar Hveragerðis og Framsóknar fagnar því ef að bæjarfulltrúar Sjálfstæðisflokksins geta sýnt fram á að pöntun á dúknum hafi farið fram í kjölfar bæjarstjórnarfundarins í apríl síðastliðnum þar sem tekin var ákvörðun þar um og að dúkurinn muni koma hingað til lands í ágúst eins og fyrirhugað var. Af bókun bæjarfulltrúa Sjálfstæðisflokksins má þó ráða að það hafi ekki verið gert.

Tímabært er að sátt náist um þetta mál og við vonumst til þess að allir kjörnir bæjarfulltrúar geti unnið sameiginlega að úrlausn málsins.

Dagný Sif Sigurbjörnsdóttir
Halldór Benjamín Hreinsson
Jóhanna Ýr Jóhannsdóttir
Njörður Sigurðsson
Sandra Sigurðardóttir

Meirihluti Okkar Hveragerðis og Framsóknar leggur fram eftirfarandi bókun sem svar við erindi Íþróttafélagsins Hamars:

Meirihlutinn tekur undir og deilir áhyggjum Íþróttafélagsins Hamars um þá alvarlegu stöðu sem upp er komin vegna uppbyggingar Hamarshallarinnar. Ástæðu þeirrar stöðu má rekja til þess hvernig fyrrum meirihluti Sjálfstæðisflokksins hélt á málinu, eins og rakið var í svari við fyrirspurn Sjálfstæðisflokksins fyrr á fundinum. Það er gífurlega mikilvægt að Íþróttafélagið Hamar og bæjaryfirvöld vinni saman að lausn málsins.

Þegar fyrirspurn Íþróttafélagsins Hamars barst Hveragerðisbæ voru þrír dagar síðan núverandi meirihluti tók til starfa samkvæmt sveitarstjórnarlögum en rétt er að benda á að nýkjörin sveitarstjórn hefur ekki umboð til að taka neinar ákvarðanir fyrr en 15 dögum eftir kjördag. Bæjarfulltrúar Okkar Hveragerðis og Framsóknar fóru þó strax eftir kosningar, og í raun nokkru fyrir þær, í að afla upplýsinga um stöðu á uppbyggingu Hamarshallarinnar. Eins og fram kemur í svari við fyrirspurn Sjálfstæðisflokksins fyrr á fundinum vantaði gögn um málið í málakerfi Hveragerðisbæjar og ekki fengust upplýsingar um stöðuna né gögn frá fyrrum bæjarstjóra og seinlega gekk að fá svör frá Duol í Slóveníu þegar eftir því var leitað. Upplýsingar um stöðuna hafa borist á síðustu dögum og síðast í gær. Staðan er sú að fyrrum meirihluti Sjálfstæðisflokksins virðist aldrei hafa pantað nýtt loftborið íþróttahús frá Duol þar sem aldrei var gengið frá samningi þar um og ekki var greitt 70% af kaupverði hússins til Duol eins og áskilið var við pöntun. Samkvæmt upplýsingum frá Duol samkvæmt svari sem barst í gær hefur framleiðsla á dúknum þar af leiðandi ekki farið af stað en ef ákveðið er að fara af stað strax telur Duol að hægt sé að afhenda dúkinn úr verksmiðju í byrjun október. Þá á eftir að flytja dúkinn til Íslands og koma honum upp.

Til að svara spurningum Íþróttafélagsins Hamars hefur nýr meirihluti ekki tekið ákvörðun um hvernig verður staðið að uppbyggingu Hamarshallarinnar vegna erfiðleika við að fá gögn og upplýsingar um stöðuna hjá Duol. Ákvörðun um uppbyggingu Hamarshallarinnar er vissulega á ábyrgð bæjaryfirvalda en þá ákvörðun vill meirihlutinn taka í samráði við Íþróttafélagið Hamar. Þá er ljóst að ný höll getur í fyrsta lagi verið komin upp í októbermánuði, mögulega síðar, miðað við þær upplýsingar sem liggja fyrir um málið á þessari stundu. En rétt er að hafa í huga að ekki er hægt að blása upp loftborið íþróttahús nema í logni og ekki er hægt að treysta á þannig veður í október- og nóvembermánuði. Eins og fram kemur í svari við fyrirspurn Sjálfstæðisflokksins hér fyrr á fundinum mun meirihluti Okkar Hveragerðis og Framsóknar boða til aukabæjarstjórnarfundar til þess að taka ákvörðun um uppbyggingu Hamarshallarinnar um leið og allar upplýsingar um málið liggja fyrir og samráð hefur verið haft við Hamar.

Fulltrúar meirihluta Okkar Hveragerðis og Framsóknar hafa undanfarið verið í sambandi við formann Hamars og upplýst hann um stöðu mála. Þá átti meirihlutinn góðan fund með aðalstjórn Hamars sl. föstudag og upplýsti um stöðu málsins. Um hvort að Íþróttafélagið Hamar fái fulltrúa í menningar-, íþrótta- og frístundanefnd hefur ekki verið sérstaklega rætt en slík ósk virðist ekki hafa verið tekin til umræðu í bæjarstjórn áður. Eins og hefur komið fram í samskiptum við formann og aðalstjórn Hamars, er það vilji meirihlutans að bæjaryfirvöld starfi í nánu samstarfi við íþróttafélagið um hagsmunamál þess. Rétt er að menningar-, íþrótta- og frístundanefnd ásamt menningar- og frístundafulltrúa hafi reglulegt samráð við íþróttafélagið um málefni sem viðkoma því. Það er sameiginlegt verkefni Hamars og bæjaryfirvalda að vinna að uppbyggingu íþróttamála í Hveragerði.

Í ljósi þeirrar stöðu sem upp er kominn og þess að ljóst er að íþróttaaðstaða í Hamarshöll verður ekki komin upp við upphaf skólaárs leggur meirihluti Okkar Hveragerðis og Framsóknar til að menningar- og frístundafulltrúa verði falið að setja strax af stað vinnu í samstarfi við Íþróttafélagið Hamar um að leita lausna og eftir samstarfi við nágrannasveitarfélögin um aðstöðu fyrir íþróttaæfingar í haust og fram á vetur eða þar til ný Hamarshöll verður risin. Upplýsingar um hvenær Hamarshöllin verður risin að nýju mun vonandi liggja fyrir á næstu dögum. Því er mikilvægt að hafa áætlun tilbúna um hvernig er hægt að leysa til bráðabirgða æfingaaðstöðu þar til Hamarshöllin rís. Meirihluti Okkar Hveragerðis og Framsóknar leggur ríka áherslu á að leitað verði leiða til stuðnings við Íþróttafélagið Hamar til að styrkja og efla starfið sem fram fer á vegum þess, og þá einkum í ljósi þeirra áskorana sem eru fyrirsjáanlegar á komandi misserum vegna þeirrar stöðu sem upp er komin samkvæmt framangreindu. Það er ánægjulegt að sjá að í forystu Hamars eru öflugir málsvarar sem beita sér með virkum hætti fyrir hagsmunum félagsins og er mikilvægt að samtal og samstarf milli félagsins og bæjaryfirvalda sé virkt og í góðum farvegi.

Dagný Sif Sigurbjörnsdóttir
Halldór Benjamín Hreinsson
Jóhanna Ýr Jóhannsdóttir
Njörður Sigurðsson
Sandra Sigurðardóttir

Kl. 20:19 var gert fundarhlé.
Kl. 20:39 hélt fundur áfram.

Bæjarfulltrúar D-listans taka undir áhyggjur Íþróttafélagsins Hamars og lýsa yfir þungum áhyggjum varðandi starfsemi Íþróttafélagsins Hamars næsta haust og til framtíðar. Augljóst er að fulltrúar O-listans og Framsóknar hafa frá upphafi reynt að tefja ákvörðun og framkvæmd uppbyggingar Hamarshallarinnar og ekkert sem þau segja núna getur hrakið þá staðreynd, í stað þess reyna þau að skella skuld á fyrrverandi meirihluta D-listans. Sem alveg frá upphafi var ákveðin í því að reisa loftborið íþróttahús. Hefðu þau áhuga á að koma sem fyrst af stað uppbyggingu Hamarshallarinnar að nýju væru þau búin að klára samning við Duol um pöntun á loftbornu íþróttahúsi sem D-listinn var kominn af stað með. Öll grunnvinna við uppbyggingu loftborins íþróttahúss liggur fyrir. Spyrja má sig hversu langan tíma fulltrúar O-listans og Framsóknar ætli sér að taka í uppbyggingu Hamarshallarinnar.

Við ítrekum að ákvörðum um uppbyggingu íþróttaaðstöðu til framtíðar er ykkar.

Friðrik Sigurbjörnsson
Alda Pálsdóttir

Lagt fram til kynningar en fulltrúar Hveragerðis á aukaaðalfundi SASS eru Dagný Sif Sigurbjörnsdóttir, Njörður Sigurðsson, Jóhanna Ýr Jóhannsdóttir, Halldór Benjamín Hreinsson og Alda Pálsdóttir.

Fulltrúar Hveragerðis á aukaaðalfundi HSL verða Dagný Sif Sigurbjörnsdóttir, Njörður Sigurðsson, Jóhanna Ýr Jóhannsdóttir, Halldór Benjamín Hreinsson og Friðrik Sigurbjörnsson.

Fulltrúi Hveragerðis á SOS verður Halldór Benjamín Hreinsson.

Fulltrúar D-listans lögðu fram eftirfarandi bókun

Bæjarfulltrúar D-listans telja brýnt að nýr bæjarstjóri sé ráðinn sem fyrst, enda eru næg verkefni framundan í sístækkandi sveitarfélagi.
Fulltrúar D-listans óska eftir svörum við eftirfarandi spurningum :
Í tillögu O-listans og Framsóknar á að óska eftir tilboðum frá ráðningastofum, þar er einnig gert ráð fyrir að „fela einni þeirra að auglýsa eftir bæjarstjóra sem fyrst og aðstoða í ráðningarferlinu eins og við á.“, á að taka hagkvæmasta tilboðinu eða hvað mun ráða því hvaða ráðningastofu verður falið að sjá um ráðninguna?
Verða einhver tímamörk sett á ráðningarferlið?
Mun listi um umsækjendur vera birtur opinberlega, t.d. á vefsíðu Hveragerðisbæjar?
Hvaða hæfnis- og menntunarkröfur verða settar fram. Munu O-listinn og Framsókn nota þá atvinnuauglýsingu sem O-listinn birti á samfélagsmiðlum í aðdraganda kosninga?
Verður sett skilyrði fyrir búsetu í Hveragerði fyrir nýjan bæjarstjóra?

Friðrik Sigurbjörnsson
Alda Pálsdóttir

Tillagan samþykkt með fimm atkvæðum meirihlutans, fulltrúar D-listans sátu hjá.