Bæjarstjórn

Liður 1 "Bréf frá Samgöngu- og sveitarstjórnarráðuneytinu frá 12. nóvember 2021" afgreiddur sérstaklega. Bæjarstjórn samþykkir afgreiðslu bæjarráðs.

Liður 4 "Bréf frá Sjóðnum góða ódagsett nóvember 2021" afgreiddur sérstaklega. Bæjarstjórn samþykkir afgreiðslu bæjarráðs

Fundargerðin að öðru leyti samþykkt samhljóða.

Liður 1 "Bréf frá Sýslumanninum á Suðurlandi frá 29. nóvember 2021" afgreiddur sérstaklega. Bæjarstjórn samþykkir afgreiðslu bæjarráðs.

Liður 2 "Bréf frá Sýslumanninum á Suðurlandi frá 29. nóvember 2021" afgreiddur sérstaklega. Bæjarstjórn samþykkir afgreiðslu bæjarráðs.

Liður 3 "Bréf frá stjórn Bergrisans frá 22. nóvember 2021" afgreiddur sérstaklega. Bæjarstjórn samþykkir að Hveragerðisbær gerist aðili að húsnæðissjálfseignarstofnunni.

Liður 13 "Minnisblað frá byggingarfulltrúa - Gatnagerð 2022" afgreiddur sérstaklega.Bæjarstjórn samþykkir að byggingafulltrúi muni auglýsa útboð vegna gatnagerðar ársins 2022 í samræmi við tillögu í minnisblaðinu.

Fundargerðin samþykkt samhljóða.

Liður 1 "Deiliskipulag við Varmá, breyting á staðsetningu skólpdælubrunns" afgreiddur sérstaklega. Bæjarstjórn samþykkir breytinguna en minnir um leið á að á þessum slóðum er hæsta tré Hveragerðisbæjar staðsett og því ber að gæta sérstakrar natni á svæðinu til að því verði ekki raskað með nokkrum hætti.

Liður 3 ",,ZIP LINE“ Svifbraut á Árhólmasvæði, tillaga að breytingu á aðalskipulagi" afgreiddur sérstaklega. Bæjarstjórn samþykkir að tillagan verði auglýst samhliða tillögu að breytingu á deiliskipulagi Árhólmasvæðis sem nær til svifbrautarinnar og fjölgun bílastæða á svæðinu.

Liður 4 "Árhólmasvæði, breyting á deiliskipulagi" afgreiddur sérstaklega. Bæjarstjórn samþykkir að deiliskipulagstillagan vegna svifbrautar og fjölgunar bílastæða, forsendur hennar og umhverfismat verði kynnt fyrir íbúum bæjarins og öðrum hagsmunaaðilum í samræmi við 3. mgr. 40. gr. skipulagslaga nr. 123/2010 og í framhaldi af því verði hún auglýst samhliða tillögu að breytingu á aðalskipulagi á Árhólmasvæðinu. Jafnframt verði Landform ehf. falið að vinna að gerð breytingartillögu við deiliskipulag Árhólmasvæðisins þar sem tillögur Reykjadalsfélagsins um ferðaþjónustumiðstöð verði hafðar til hliðsjónar. Vegna áherslu bæjarstjórnar á að stækka bílastæðin, sem allra fyrst þá samþykkir bæjarstjórn að umræddar deiliskipulagsbreytingar verði gerðar í tveimur áföngum þar sem breyting vegna fjölgunar bílastæða og svifbrautar er mun umfangsminni og óvissuþættir færri.

Liður 6 "Þórsmörk 3, umsókn um byggingarleyfi fyrir tveimur nýbyggingum og samtals 6 íbúðum á lóð, niðurstaða grenndarkynningar" afgreiddur sérstaklega. Bæjarstjórn samþykkir umsóknina.

Liður 8 "Laufskógar 3, fjölgun fasteigna á lóð, niðurstaða grenndarkynningar" afgreiddur sérstaklega. Bæjarstjórn samþykkir erindið.

Fundargerðin samþykkt samhljóða.

Fundargerðin samþykkt samhljóða.

Bæjarstjórn samþykkir samninginn.

Bæjarstjórn samþykkir að taka tilboði Johans Rönning enda standist tilboð fyrirtækisins allar þær kröfur sem settar voru fram i útboðsgögnum.

Bæjarstjórn samþykkir að fresta afgreiðslu málsins til næsta fundar í bæjarstjórn.

Þjónustusamningurinn samþykktur samhljóða.

Bæjarstjórn gerir ekki athugasemdir við umsókn PFC Hveragerði kt. 661121-1060 um leyfi til reksturs veitingaleyfis flokkur II, A Veitingahús, Austurmörk 6, fasteignanúmer 235-7516, rýmisnúmer 01-0101.

Bæjarstjórn gerir ekki athugasemd við umsókn Nýlendurbarsins ehf, kt. 420620-0470 um leyfi til reksturs veitingaleyfi flokkur III, A Veitingahús, Austurmörk 6, fasteignanúmer 235-7516, rýmisnúmer 01-0101.

Bæjarstjórn gerir ekki athugsemd við umsókn Reykjavík Taco, kt. 600618-1050 um leyfi til reksturs veitingaleyfis flokkur II, A veitingahús, Austurmörk 6. fasteignanúmer 235-7516, rýmisnúmer 01-0101.

Bæjarstjórn samþykkir jafnframt að bæjarstjóri hafi heimild til að samþykkja önnur leyfi um restur í þessu húsi enda uppfylli þau öll skilyrði.

Bæjarstjórn tekur jákvætt í erindið og vísar því til Menningar-, íþrótta- og frístundanefndar til útfærslu.

Bæjarstjóri lagði fram eftirfarandi svar við fyrirspurninni:
Það þykir fullreynt að endurvekja Grýlu enda er sá hver einfaldlega það kraftlítill og þrýstingur í holunni með þeim hætti að engar líkur eru á gosum á þessum stað, því miður. Bæjarstjóri hefur átt nokkra fundi með Veitum þar sem rætt hefur verið um möguleikann á því að "endurvekja" Grýlu með tæknilegum hætti eða, ef að það hentar gufuveitunni betur, að finna slíktum tæknistýrðum goshver góðan stað. Hefur framkvæmdastjóri Veitna sýnt þessu verkefni mikinn áhuga og því er full ástæða til að binda vonir við að með hækkandi sól geti slíkur goshver orðið að veruleika á góðum og áberandi stað i bæjarfélaginu.

Bæjarstjóri lagði fram eftirfarandi svar við fyrirspurninni:

Strax í kjölfar fundar bæjarstjórnar í janúar s.l. hafði bæjarstjóri samband við forsætisráðuneytið en það heldur utan um samráðsgátt ríkisins. Fyrirspurnin laut að því hvort að samráðsgáttin gæti verið tæki til samráðs, vegna reglna og samþykkta, við íbúa Hveragerðisbæjar og annarra sem áhuga kunna að hafa þar sem henni er ætlað að vera fyrir alla opinbera aðila. Spurt var um þennan möguleika og ef að hann væri opinn fyrir sveitarfélög hver væri þá kostnaður sveitarfélagsins af slíku ferli, ef einhver.
Svar forsætisráðuneytis var svohljóðandi:

*Allt frá opnun samráðsgáttarinnar í febrúar 2018 hefur það verið yfirlýst stefna að fleiri opinberir aðilar gætu nýtt gáttina í starfsemi sinni en ráðuneytin. Í því samhengi hafa menn haft í huga ríkisstofnanir, sveitarfélög og jafnvel Alþingi, enda sé áhugi þessara aðila fyrir hendi.

*Umtalsverð reynsla er nú komin á gáttina og auðvitað hefur orðið að gera ýmsar lagfæringar og setja inn nýjungar. Fram undan er nú t.d. lokahnykkurinn við að gera stjórnborðið notendavænna fyrir stjórnendur samráðsmála, skýrara og sveigjanlegra, enda fáist til þess fjármagn. Til dæmis er fyrirkomulag hagsmunaaðilalista nú per málefnasvið ráðuneyta en uppi eru hugmyndir um að listarnir miðist frekar við ráðuneyti/stofnun og að þeir geti verið fleiri eða færri per ráðuneyti/annan aðila, eftir hentugleikum. Auk þess er stefnt á að sýnilegt verði út á við hverjir fái sérstakt boð um umsögn. Jafnframt sjáum við fyrir okkur að hvert ráðuneyti/stofnun þyrfti að vera með „yfirnotanda“ sem annaðist þessa lista, veitti samstarfsfólki aðgang að stjórnborði (umboð) o.fl. Í dag annast ritstjórn þessi verkefni, í samvinnu við Ísland.is/Þjóðskrá, og leitast einnig við að þrýsta á frágang mála o.þ.h.

*Það er mat ritstjórnar að æskilegt sé að ljúka við að sníða af framangreinda hnökra áður en stjórnborð gáttarinnar er opnað fyrir stærri hópi. Fleiri athugunarefni í því sambandi eru sjónrænn aðskilnaður slíkra mismunandi aðila í gáttinni, t.d. flipar eða spjöld á upphafssíðu, skipan ritstjórnar og kostnaður.

*Annað mál er að þið gætuð hugsanlega viljað setja mál í gáttina í samvinnu við ykkar fagráðuneyti, þannig að þeirra aðgangur sé nýttur enda fallist ráðuneytið á það.
Það væri líka gagnlegt fyrir okkur að heyra nánar um ykkar sjónarmið í þessum efnum, svo sem varðandi fyrirkomulag hagsmunaaðilalista.

Bæjarstjóri hefur ekki haft samband við samgöngu- og sveitarstjórnarráðuneyti vegna þessa enda hefur ekkert það mál komið upp frá þessari umræðu sem krafist hefur vinnubragða af þessum toga.
Þegar slíkt verður reyndin er sjálfsagt að hafa samband við okkar fagráðuneyti til að kanna hvort að það geti verið "yfirnotandi" í okkar málum í samráðsgáttinni.

Bæjarstjóri lagð fram eftirfarandi svar við fyrirspurninni:
Strax í kjölfar fundarins í maí hafði bæjarstjóri samband við útvarsstjóra vegna móttökuskilyrða útvarps í Hveragerði. Svar frá honum barst ekki fyrr en síðla í október. Eftir gott samtal milli bæjarstjóra og útvarpsstjóra vegna málsins varð niðurstaðan sú að ræða við Neyðarlínuna um þann möguleika að nýta framkvæmdina við Zip line brautina til uppsetningar fjarskiptamastur er nýst gæti bæði til betri fjarskipta í Reykjadal sem og til bættra útvarpsskilyrða í Hveragerði. Þessi fundur okkar þriggja hefur enn ekki farið fram en fyrirspurn Okkar Hveragerðis er ágætis áminning um að nú þegar annríki við fjárhagsáætlunargerð er að ljúka sé gott að boða til umrædds fundar þessara aðila.

Gjaldskrárnar samþykktar samhljóða.

Gjaldskráin samþykkt samhljóða.

Gjaldskráin samþykkt samhljóða.

Gjaldskráin samþykkt samhljóða.

Gjaldskráin samþykkt samhljóða.

Gjaldskráin samþykkt samhljóða.

Fulltrúar D-listans lögðu fram eftirfarandi bókun:

Nú þegar síðasta fjárhagsáætlun þessa kjörtímabils er lögð fram er hollt að horfa til baka og minnast þess hvað hefur áunnist og hvað hefur breyst í bæjarfélaginu okkar. Undir styrkri stjórn D-listans og með góðu samstarfi allra flokka í sveitarstjórn hefur sveitarfélagið okkar eflst og dafnað þannig að eftir er tekið. Fjárhagslega hefur verið tekist faglega og vel á við þær áskoranir sem fylgdu heimsfaraldri en einnig og ekki síður þeim áskorunum sem fylgja fjölgun íbúa en hér hefur fjölgað um 1217 manns frá árinu 2000. Er það óneitanlega áskorun að taka við jafnmörgum íbúum og hér hefur orðið að veruleika. Þeirri áskorun hefur verið mætt með þeim hætti að góð þjónusta og fjölgun íbúa hefur fylgst að. Er slíkt ekki sjálfgefið eins og víða má sjá merki um.

Tekjugrunnur Hveragerðisbæjar byggir að stærstu leyti á útsvari og fasteignagjöldum þeirra íbúa sem hér búa. Því er mikilvægt að byggt sé upp fjölbreytt atvinnulíf sem byggir húsnæði yfir starfsemi sína því með stærri og fleiri aðilum sem hér greiða fasteignagjöld verða fleiri um að draga vagninn fjárhagslega þegar kemur að því að greiða fyrir þjónustu bæjarbúa. Þessum fyrirtækjum hefur fjölgað og þeim mun fjölga verulega á næstu misserum. Slíkt gerist ekki af sjálfu sér heldur þarf að vinna að slíkum verkefnum af alúð og framsækni. Tækifæri sveitarfélagsins okkar eru fjölmörg. Mörg þessara tækifæra eru að verða að veruleika í dag, önnur eru á teikniborðinu og enn önnur í hugmyndavinnu. Með sterkri stjórn og skýrri sýn á það hvað Hveragerðisbær stendur fyrir ásamt ríkri réttlætiskennd og umhyggju fyrir þeim einstaklingum sem hér búa mun bæjarfélaginu áfram farnast vel.

Meirihluti D-listans leggur stoltur fram fjárhagsáætlun ársins 2022 vitandi það að bjart er framundan bæði í mannlífi Hvergerðinga sem og í rekstri sveitarfélagsins.

Eyþór H.Ólafsson
Bryndís Eir Þorsteinsdóttir
Friðrik Sigurbjörnsson
Aldís Hafsteinsdóttir

Fulltrúar Okkar Hveragerði lögðu fram eftirfarandi bókun.

Bæjarfulltrúar Okkar Hveragerðis þakka fyrir ágætt samstarf við vinnslu fjárhagsáætlunarinnar. Eins og áður hefur samstarf allra bæjarfulltrúa um fjárhagsáætlun skilað betri og vandaðri áætlun en ef meirihlutinn hefði einn staðið að gerð hennar. Það er þó rétt að hafa í huga að Sjálfstæðisflokkurinn fer með meirihluta atkvæða í bæjarstjórn og ræður þar af leiðandi för í stjórn bæjarins. Fyrir okkur sem störfum í minnihlutanum fæst góð yfirsýn um rekstur sveitarfélagsins í fjárhagsáætlunarvinnunni, og getum við þar af leiðandi tekið betri ákvarðanir um stjórn bæjarfélagsins.

Fjárhagsáætlunin ber merki þess að Hveragerði er í örum vexti og uppbygging innviða er í forgrunni, s.s. með uppbygging nýrra hverfa og stofnana sveitarfélagsins. Framundan eru t.d. frekari framkvæmdir við uppbyggingu grunnskóla, leikskóla og félagslegs leiguhúsnæðis til að mæta aukinni íbúafjölgun. Í fjárhagsáætlun sést að ekki er ætlunin að kaupa félagslegt húsnæði á vegum sveitarfélagsins á næsta ári. En rétt er að það komi fram að í fjárhagsáætlunarvinnunni var ákveðið að af öllum bæjarfulltrúum að taka í langtímaleigu húsnæði sem yrði notað á félagslegum grunni. Það er mikilvægt að sú bæjarstjórn sem tekur við völdum eftir sveitarstjórnarkosningar á næsta ári fylgi þessari ákvörðun fast eftir og sjái til þess að Hveragerðisbær standi sig að þessu leyti, sem hann hefur hingað til gert illa. Þá er líka rétt að minna bæjarstjórn á, bæði þá sem nú situr og þá sem taka mun við í maí á næsta ári, að gefa ekki afslátt af vönduðum vinnubrögðum og faglegri stjórnsýslu þó að hraða þurfi uppbyggingu innviða í samfélagi sem vex hratt. Það er mikilvægt að skoða mál frá öllum hliðum og hafa til staðar gögn fyrir alla bæjarfulltrúa svo að þeir geti tekið upplýstar ákvarðanir í öllum málum, sérstaklega þegar verið er að taka ákvarðanir sem munu að lokum kosta sveitarfélagið hundruð milljónir króna.

Að lokum vilja bæjarfulltrúar Okkar Hveragerðis þakka starfsfólki Hveragerðisbæjar fyrir góð störf í þágu sveitarfélagsins, og sérstaklega í heimsfaraldri þar sem hver hefur lagt sitt af mörkum til að þjónustan skerðist sem minnst og að samfélagið geti gengið eins hnökralaust og hægt er. Starfsfólk Hveragerðisbæjar, takk fyrir ykkar mikilvæga framlag!

Njörður Sigurðsson
Sigrún Árnadóttir

Fulltrúi Frjálsra með Framsókn lögðu fram eftirfarandi bókun.
Fljótt á litið virðist fjárhagsáætlun einungis vera tölur á blaði en hún er svo sannarlega miklu meira en það. Allar tölur fjárhagsáætlunar bera vott um stöðu á rekstri sveitarfélagsins sem og hefur áhrif á líf allra Hvergerðinga. Við vinnslu fjárhagsáætlunar að þessu sinni hefur verið kappkostað að leggja til bestu þjónustuna sem völ er á hverju sinni án þess að það komi til með að íþyngja bæjarbúum verulega fjárhagslega. Í bæ sem er í örum vexti er nauðsynlegt að hugsa til framtíðar og því er lagður metnaður í áætlunina næstu fjögur árin. Nauðsynlegt er að fjölga stöðugildum og fjárfesta í innviðum til að anna þeirri eftirspurn sem verið hefur á bæjarfélaginu. Í ljósi krefjandi aðstæðna í samfélaginu vegna heimsfaraldurs er mikilvægt að huga að heilsunni og er því rétt að minna á að öllum starfsmönnum Hveragerðisbæjar gefst kostur á að nýta sér sundlaug bæjarins sér að kostnaðarlausu. Í þessu samhengi eru Hvergerðingar allir hvattir til að hlúa að sjálfum sér og fjölskyldum sínum með öllum þeim möguleikum sem Hveragerði hefur upp á að bjóða. Það eru spennandi tímar framundan í Hveragerði, uppbygging er mikil og áhuginn gríðarlegur.
Bæjarfulltrúi Frjálsra með Framsókn vill þakka öllum bæjarfulltrúum fyrir samstarf við vinnslu fjárhagsáætlunarinnar og er sannfærður um að slíkt vinnulag skili traustari og vandaðri áætlun. Einnig vill bæjarfulltrúi senda bestu þakkir til stjórnenda stofnana sveitarfélagsins sem og allra starfsmanna fyrir vel unnin störf á árinu sem er að líða.


Jóhanna Ýr Jóhannsdóttir


Fjárhagsáætlun Hveragerðisbæjar fyrir árið 2022 samþykkt samhljóða.

Þriggja ára fjárhagsáætlun Hveragerðisbæjar 2023-2025 samþykkt samhljóða.