Umhverfishreinsun og aðstoð við skólastarf

Skv. Samningnum munu nemendur mánaðarlega hreinsa ákveðnar götur og svæði í bænum og fá að launum styrk í ferðasjóð bekkjarins.

Samningurinn er liður í umhverfisverkefni Grunnskólans, Grænfánanum, og gildir út yfirstandandi skólaár.

 

Við sama tækifæri var undirritaður samningur við 10. bekk Grunnskólans í Hveragerði um aðstoð við skólasarf, þ.m.t. aðstoð í mötuneyti, aðstoð við gæslu í frímínútum og hádegi og á skólaskemmtunum elsta stigs.

Að launum fær 10. bekkur greiðslur í ferðasjóð bekkjarins og gildir samningurinn á skólaárinu 2023-2024.

 

Ánægjulegt að sjá ungmennin í bænum sýna ábyrgð í verki með þessum hætti.