Menningar-, atvinnu- og markaðsnefnd
Dagskrá
Formaður menningar-, atvinnu- og markaðsnefndar, Marta Rut Ólafsdóttir, setti fund og stjórnaði. Leitaði hún eftir athugasemdum við fundarboð en engar komu fram.
1.Málefni Hamars
2512043
Framkvæmdastjóri Hamars kemur inn á fundinn til að ræða ýmis mál sem snerta rekstur íþróttafélagsins.
Nefndin þakkar framkvæmdastjóra Hamars fyrir góða yfirferð og hrósar félaginu fyrir gott starf, sér í lagi þann árangur að verða fyrirmyndarfélag ÍSÍ. Nefndin vísar beiðni um fjárstyrk vegna fjölgreinaverkefnis til afgreiðslu í bæjarráði. Samstarfssamningur verður tekinn til endurskoðunar í heild sinni árið 2026 og þá er mikilvægt að endurskoða upphæðir fjárstuðnings út frá breyttum forsendum.
2.Íþróttamaður Hveragerðis 2025
2512032
Átta tilnefningar bárust til nafnbótarinnar Íþróttamaður Hveragerðis 2025.
Nefndin hefur valið Íþróttamann Hveragerðis 2025 og verður hann heiðraður við sérstaka athöfn í Listasafni Árnesinga þann 6. janúar 2026.
3.Varmahlíð 2026
2512033
Alls bárust 28 umsóknir um dvöl í listamannahúsinu Varmahlíð árið 2026.
Lögð er fram tillaga að úthlutun til 17 listamanna en enn á eftir að ákveða úthlutun fyrir nóvember og desember.
4.Fundargerð Markaðsstofu Suðurlands
2512034
Fundargerðin lögð fram til kynningar
Lagt fram til kynningar
5.Þjónustusamningur við Handverk og hugvit undir Hamri 2025-2026
2511127
Handverk og hugvit undir Hamri er félag listamanna í Hveragerði. Félagið hefur fengið afnot af hluta hússins við Breiðumörk 21 til leirvinnslu og -brennslu. Lagður er fyrir samningur til áframhaldandi notkunar í eitt ár.
Nefndin leggur til við bæjarstjórn að samningurinn verði samþykktur.
6.Beiðni frá Fiðlufjöri slf.
2510114
Fiðlufjör slf. óskar eftir styrk til að halda helgarnámskeið fyrir fiðluleikara í Hveragerði í byrjun júní.
Nefndin fagnar framtakinu og leggur til við bæjarstjórn að koma til móts við verkefnið með fjárstuðningi.
7.Áskoranir og hvatningar frá Sambandsþingi UMFÍ 2025
2511097
Skjal lagt fram til kynningar
Lagt fram til kynningar
8.Fjárhagsáætlun 2026
2512041
Kynning á fjárhagsáætlun fyrir helstu málefni sem heyra undir menningar-, atvinnu- og markaðsmál.
Lagt fram til kynningar
Fundargerð lesin upp og samþykkt.
Fundi slitið - kl. 19:32.
Getum við bætt efni síðunnar?