Menningar-, atvinnu- og markaðsnefnd
Dagskrá
Formaður menningar-, atvinnu- og markaðsnefndar, Marta Rut Ólafsdóttir, setti fund og stjórnaði. Leitaði hún eftir athugasemdum við fundarboð en engar komu fram.
1.Fundadagskrá menningar-, atvinnu- og markaðsnefndar
2501123
Lagt er fram fundadagatal menningar-, atvinnu- og markaðsnefndar veturinn 2025-2026. Almennt eru fundir nefndarinnar fyrsta miðvikudag í mánuði.
Dagatalið er samþykkt með þeirri breytingu að fundur janúarmánaðar verður haldinn 14. janúar 2026.
2.Coming, Staying, Living - samstarf
2503098
Samtökin Landsbyggðin lifi leitar eftir samstarfi við sveitarfélög í dreifbýli vegna þátttöku í samstarfsverkefninu „Coming, Staying, Living ? Ruralizing Europe“
Menningar-, atvinnu- og markaðsnefnd þakkar gott boð um samstarf en telur ekki forsendur til að taka þátt í samstarfinu að þessu sinni.
3.Íþróttavika Evrópu - Heilsueflandi samfélög
2506074
Hin árlega Íþróttavika Evrópu verður haldin vikuna 23.-30. september þetta árið. ÍSÍ óskar eftir þátttöku sveitarfélagsins í Íþróttavikunni, sem felur í sér dagskrá með hreyfingu og fræðslu fyrir almenning undir slagorðinu #BeActive.
Menningar-, atvinnu- og markaðsnefnd fagnar erindinu og felur menningar-, atvinnu- og markaðsfulltrúa að útbúa dagskrá í samstarfi við íþróttafélög, félagasamtök, einstaklinga og stofnanir í Hveragerði.
4.Beiðni um stuðning Hvergerðisbæjar
2507029
Félagið Handverk og hugvit undir Hamri sendi nefndinni erindi er varðar aðstöðu og fjárhagsstyrk til að efla og styrkja listsköpun og listviðburði í bænum. Um leið fjölga tækifærum til frístunda fyrir alla aldurshópa.
Menningar-, atvinnu- og markaðsnefnd tekur vel í erindið og leggur til að gerður verði tímabundinn þjónustusamningur sem felur meðal annars í sér afnot af húsnæðinu að Breiðumörk 21. Eins verði liðkað til fyrir félaginu eins og frekast er unnt varðandi tilfallandi not af öðru húsnæði í eigu Hveragerðisbæjar. Menningar-, atvinnu- og markaðsfulltrúa falið að fylgja erindinu eftir.
5.Áfangastaðaáætlun á vef
2508056
Markaðsstofa Suðurlands vinnur nú að uppfærðri útgáfu af Áfangastaðaáætlun landshlutans og kallar eftir lista frá Hveragerðisbæ með þeim stöðum sem áhersla verður lögð á í uppbyggingu fyrir ferðamenn.
Samþykkt að eftirfarandi staðir verði á áherslulista Hveragerðisbæjar: Gönguleið og áfangastaður í Reykjadal, gönguleið meðfram Varmá, Heilsuhringurinn, Lystigarðurinn Fossflöt og Hveragarðurinn. Menningar-, atvinnu- og markaðsfulltrúa falið að vinna málið áfram.
6.Tónlistarhátíðin Hverafugl
2509009
Nefndinni barst erindi frá Halldóri Smárasyni sem óskar eftir stuðningi við nýja tónlistarhátíð sem mun bera heitið Hverafugl.
Menningar-, atvinnu- og markaðsnefnd tekur vel í þessa beiðni og leggur til að bæjarstjórn komi til móts við skipuleggjendur eftir því sem unnt er og vísi beiðni um styrkveitingu jafnframt til fjárhagsáætlunargerðar.
7.Byggðamerki Hveragerðisbæjar
2409010
Tillaga að uppfærðu byggðamerki ásamt leturgerð er lagt fram til samþykktar.
Menningar-, atvinnu- og markaðsnefnd leggur til að bæjarstjórn samþykki tillöguna og feli menningar-, atvinnu- og markaðsfulltrúa að undirbúa kynningu á uppfærðu byggðamerki og fylgi eftir innleiðingu þess. Menningar-, atvinnu- og markaðsnefnd leggur áherslu á að haldið verði á lofti sögu byggðamerkis Hveragerðisbæjar.
Fundargerðin upplesin og samþykkt.
Fundi slitið - kl. 18:51.
Getum við bætt efni síðunnar?