Bæjarstjórn

Liður 1 "Umsagnarbeiðni - Rekstrarleyfi, Breiðamörk 25, gistileyfi í flokki II" afgreiddur sérstaklega.
Bæjarstjórn samþykkir afgreiðslu bæjarráðs.

Liður 3 "Rannsóknir á lífríki Varmár vegna fráveitu skólps frá Hveragerði" afgreiddur sérstaklega.
Bæjarstjórn samþykkir áætlun um rannsóknir á efnabúskap og lífríki í Varmá auk kostnaðaráætlunar.

Liður 4 "Umsókn um styrk til Sigurhæða, frestað á fundi bæjarráðs þann 2. nóvember 2023" afgreiddur sérstaklega.
Bæjarstjórn samþykkir tillögu bæjarráðs um að styrkja Sigurhæðir um kr. 1.345.437,-.

Liður 8 "Tillaga að tekjuviðmiði vegna afsláttar af fasteignagjöldum til öryrkja og ellilífeyrisþega vegna ársins 2024" afgreiddur sérstaklega.
Bæjarstjórn samþykkir afgreiðslu bæjarráðs.

Liður 9 "Samningur um rekstur umdæmisráðs Landsbyggða" afgreiddur sérstaklega.
Bæjarstjórn samþykkir samning umdæmisráðs Landsbyggða.

Liður 11 "Beiðni um forgang fyrir barn starfsmanns í leikskóla" afgreiddur sérstaklega.
Bæjarstjórn samþykkir afgreiðslu bæjarráðs.

Liður 12 "Fundargerð Héraðsskjalasafns Árnesinga frá 10. nóvember 2023" afgreiddur sérstaklega.
Bæjarstjórn samþykkir húsaleigusamning milli Héraðsskjalasafns Árnesinga og Sveitarfélagsins Árborgar.

Fundargerðin að öðru leyti samþykkt samhljóða.

Liður 5 "Athafnasvæði við Vorsabæ - deiliskipulagsbreyting vegna Vorsabæjar 8 og 10" afgreiddur sérstaklega.
Meirihluti bæjarstjórnar samþykkir óverulega deiliskipulagsbreytingu Athafnasvæðis við Vorsabæ í samræmi við 2. mgr. 43. gr. skipulagslaga nr. 123/2010. Breytingin er óveruleg og varðar ekki hagsmuni annarra en Hveragerðisbæjar og lóðarhafa.
Fulltrúar minnihlutans sátu hjá.

Liður 6 "Umsagnarbeiðni vegna skipulags og matslýsingar - iðnaðarsvæði vegna rannsókna og orkuvinnslu Hverahlíð II og Meitlum" afgreiddur sérstaklega.
Bæjarstjórn tekur undir bókun skipulags- og umhverfisnefndar og áréttar að virkjanir og aukin nýting jarðvarma á þessu svæði hafa umfangsmest áhrif á gæði byggðar í Hveragerði. Nauðsynlegt er að tryggja að íbúar Hveragerðisbæjar fái að hafa áhrif á það hvernig og hvort slík starfsemi muni eiga sér stað í slíkri nálægð við bæinn. Jafnframt eru líkur á að aukin nýting á þessu svæði geti valdið niðurdrætti og hafi þannig áhrif á möguleika á orkuöflun í og við Hveragerði. Bæjarstjórn felur skipulagsfulltrúa að senda umsögnina til Sveitarfélagsins Ölfuss.

Fundargerðin að öðru leyti samþykkt samhljóða.

Meirihlutinn lagði fram eftirfarandi bókun:
Í málefnasamningi Okkar Hveragerðis og Framsóknar kemur fram að ein af megináherslumálum kjörtímabilsins verði að „[t]ryggja fjölbreytt búsetuúrræði í Hveragerði, þ.m.t. að stuðla að fjölgun félagslegs leiguhúsnæðis og leiguíbúða í gegnum íbúðarfélög sem eru rekin án hagnaðarsjónarmiða“. Húsnæðisáætlun 2024, sem nær yfir árin 2024-2033, styður vel við þessi markmið um fjölbreytt húsnæðisform svo að íbúar Hveragerðis hafi öruggt húsnæði á viðráðanlegu verði, og hvort sem fólk þurfi á stuðningi að halda með sín húsnæðismál eða ekki. Í áætluninni eru m.a. markmið um fjölgun félagslegs leiguhúsnæðis, um byggingu námsmannaíbúða og fjölgun íbúða óhagnaðardrifinna leigu- og búseturéttarfélaga. Húsnæðisöryggi er eitt stærsta velferðarmál samfélagsins og þar eru sveitarfélög stefnumarkandi aðili. Hveragerðisbær mun leggja sitt af mörkum til að ná rammasamningi ríkis og sveitarfélaga um aukið framboð íbúða og hlutfall íbúða á viðráðanlegu verði. Í húsnæðisáætlun Hveragerðis er gert ráð fyrir að á næstu tíu árum verði byggðar allt frá 310 íbúðum (lágspá) til allt að 771 (háspá) íbúða og mun skipulag nýrra hverfa taka mið af þessari áætlun.

Dagný Sif Sigurbjörnsdóttir
Halldór Benjamín Hreinsson
Jóhanna Ýr Jóhannsdóttir
Njörður Sigurðsson
Sandra Sigurðardóttir

Bæjarstjórn samþykkir húsnæðisáætlun Hveragerðisbæjar fyrir árið 2024.