Bæjarstjórn

Liður 5 "Bréf frá Tónlistarskólanum á Akureyri frá 12. ágúst 2019" afgreiddur sérstaklega. Bæjarstjórn samþykkir bókun bæjarráðs.

Liður 15 "Umsókn um námsvist utan lögheimilissveitarfélags" afgreiddur sérstaklega. Bæjarstjórn samþykkir bókun bæjarráðs.

Liður 16 "Umsókn um námsvist utan lögheimilissveitarfélags" afgreiddur sérstaklega. Bæjarstjórn samþykkir bókun bæjarráðs.

Liður 17 "Umsókn um námsvist utan lögheimilissveitarfélags" afgreiddur sérstaklega. Bæjarstjórn samþykkir bókun bæjarráðs.

Liður 18 "Minnisblað frá umhverfisfulltrúa: Endurnýjun fráveitu í hluta Heiðmerkur" afgreiddur sérstaklega. Bæjarstjórn samþykkir framkvæmdina.

Liður 19 "Tillaga að viðauka við fjárhagsáætlun - Bókasafn" afgreiddur sérstaklega. Bæjarstjórn samþykkir viðaukann.

Liður 20 "Tillaga að viðauka við fjárhagsáætlun - Óskaland" afgreiddur sérstaklega. Bæjarstjórn samþykkir viðaukann.

Liður 21 "Minnisblað frá skrifstofustjóra - Jafnlaunavottun" afgreiddur sérstaklega. Bæjarstjórn samþykkir að gera samning við Strategiu um jafnlaunavottun.

Liður 22 "Minnisblað frá bæjarstjóra - Gufulögn til golfskála" afgreiddur sérstaklega. Bæjarstjórn samþykkir styrk til Golfklúbbsins í Gufudal að upphæð 2,5 m.kr. til lagfæringar á gufulögninni að húsnæði klúbbsins.

Fundargerðin að öðru leyti samþykkt samhljóða.

Fundargerðin samþykkt samhljóða um leið og umhverfisfulltrúa er falið að ræða við Veitur varðandi athugasemdir er fram koma í lið 3. Varðandi sumarleyfi leikskólanna samþykkir bæjarstjórn að gerð verði könnun meðal starfsmanna og foreldra um sumarleyfi ársins 2020. Valið standi á milli tveggja tímabila annars vegar að sumarfrí hefjist þann 22. júní og börnin mæti aftur þann 23. júlí og hins vegar að sumarfrí hefjist þann 2. júlí og börnin mæti aftur þann 5. ágúst. Niðurstaðan ráði sumarfrístímabili ársins 2020.

Bæjarstjórn samþykkir með sex atkvæðum viðauka upp á kr. 49.000.000.- vegna kaupa á félagslegu leiguhúsnæði og að kaupin verði fjármögnuð með láni. Friðrik Sigurbjörnsson sat hjá.

Bæjarstjórn Hveragerðisbæjar samþykkir með sex atkvæðum hér með á bæjarstjórnarfundi að taka lán hjá Lánasjóði sveitarfélaga að höfuðstólsfjárhæð allt að kr. 45.366.307, með útgreiðslufjárhæð allt að kr. 49.000.000.- með lokagjalddaga þann 5. nóvember 2055, í samræmi við skilmála að lánasamningi sem liggja fyrir á fundinum og sem bæjarstjórnin hefur kynnt sér.

Bæjarstjórn samþykkir að til tryggingar láninu (höfuðstól auk vaxta, dráttarvaxta og kostnaðar), standa tekjur sveitarfélagsins, sbr. heimild í 2. mgr. 68. gr. sveitarstjórnarlaga nr. 138/2011, nánar tiltekið útsvarstekjum sínum og framlögum til sveitarfélagsins úr Jöfnunarsjóði sveitarfélaga.

Er lánið tekið til fjármögnunar til kaupa á félagslegu húsnæði sem felur í sér að vera verkefni sem hefur almenna efnahagslega þýðingu, sbr. 3. gr. laga um stofnun opinbers hlutafélags um Lánasjóð sveitarfélaga nr. 150/2006.

Jafnframt er Aldísi Hafsteinsdóttur, kt. 211264-5009, veitt fullt og ótakmarkað umboð til þess f.h. Hveragerðisbæjar að undirrita lánssamning við Lánasjóð sveitarfélaga sbr. framangreint, sem og til þess að móttaka, undirrita og gefa út, og afhenda hvers kyns skjöl, fyrirmæli og tilkynningar, sem tengjast lántöku þessari, þ.m.t. beiðni um útborgun láns.
Friðrik Sigurbjörnsson sat hjá.

Bæjarstjórn hefur kynnt sér ítarlega þau gögn sem fyrir liggja og samþykkir með sex atkvæðum að ráða Önnu Erlu Valdimarsdóttur sem leikskólastjóra Leikskólans Undralands. Friðrik Örn Emilsson sat hjá.

Bæjarstjórn samþykkir samþykktina en með breytingunni er forstöðumaður stuðningsþjónustu og málefna aldraðra orðinn tengiliður Hveragerðisbæjar við ráðið í stað menningar- og frístundafulltrúa eins og áður var.

Bæjarstjórn veitir heimild til að bjórhátíðin verði haldin á þessum stað og að götunni verði lokað með þeim hætti sem lýst er í erindinu enda muni aðrir þeir umsagnaraðilar sem gefa þurfa leyfi fyrir hátíð á þessum stað gera slíkt hið sama.