Bæjarráð

698. fundur 21. júní 2018 kl. 08:00 - 08:50 í fundarsal Breiðumörk 20

Nefndarmenn

Friðrik Sigurbjörnsson formaður
Bryndís Eir Þorsteinsdóttir
Njörður Sigurðsson
Aldís Hafsteinsdóttir bæjarstjóri
Helga Kristjánsdóttir skrifstofustjóri

Fundargerð ritaði: Helga Kristjánsdóttir bæjarstjóri

Dagskrá

Í upphafi fundar leitaði formaður eftir athugasemdum við fundarboð en engar komu fram. Bauð hann einnig Bryndísi Eir velkomna til starfa í bæjarráði en hún hefur ekki áður gengt stöðu bæjarfulltrúa.

Hér var gengið til dagskrár:

1.Bréf frá Samgöngu-og sveitarstjórnarráðuneytinu frá 18.maí 2018.

1806023

Í bréfinu er gerð grein fyrir hlutverki Fasteignasjóðs Jöfnunarsjóðs sveitarfélaga. En sjóðurinn hefur það hlutverk að jafna aðstöðu sveitarfélaga við uppbyggingu eða breytingar á fasteingum sem nýttar eru í þjónustu við fatlað folk með miklar og/eða sértækar stuðningsþarfir.

Lagt fram til kynningar.

2.Bréf frá Sambandi íslenskra sveitarfélaga frá 4.júní 2018.

1806024

Í bréfinu er kynnt landsþing Sambands íslenskra sveitarfélaga sem haldið verður á Akureyri í haust. Hvergerðingar eiga þar tvo fulltrúa og hafa þeir þegar verið kosnir.

Lagt fram til kynningar.

3.Bréf frá Samtökum sunnlenskra sveitarfélaga frá 7.júní 2018.

1806028

Með bréfinu er boðað til aukaaðalfundar SASS í Vestamannaeyjum þann 27. júní n.k.

Lagt fram til kynningar.

4.Bréf frá Sýslumanninum á Suðurlandi frá 4.júní 2018.

1806020

Með bréfinu er óskað umsagnar um umsókn um rekstrarleyfi til sölu veitinga í flokki II frá Al-Bakstri ehf, kt. 660209-0420.

Bæjarráð gerir ekki athugasemdir við að leyfið sé veitt.

5.Bréf frá Jafnréttisstofu frá 29.maí 2018.

1806018

Í bréfinu minnir Jafnréttisstofa sveitarstjórnir á ákvæði laga nr. 10/2008 um jafna stöðu og jafnan rétt karla og kvenna sem lúta að skyldum sveitarfélaga. Jafnframt er minnt á samráðsfund sveitarfélaga um jafnréttismál sem haldinn verður í Mosfellsbæ 20. September n.k.

Lagt fram til kynningar.

6.TRÚNAÐARMÁL - Bréf frá Öryrkjabandalagi Íslands frá 1.júní 2018

1806019

Fært í trúnaðarmálabók.

7.Bréf frá Íslenskri orkumiðlun frá 4.júní 2018.

1806025

Í bréfinu, sem einnig hefur borist flestum öðrum sveitarfélögum á landinu, óskar fyrirtækið eftir upplýsingum og gögnum í tengslum við raforkukaup sveitarfélagsins.

Bæjarstjóra falið að svara erindinu.

8.Samningur um lagningu og rekstur reiðvegar um Litla- Saurbæ, Stóra-Saurbæ og Öxnalæk spildu.

1806022

Lagður fram samningur milli Hveragerðisbæjar, Tálkna ehf og Hestamannafélagsins Ljúfs vegna lagningar reiðvegar um lönd í eigu Tálkna ehf.

Bæjarráð fagnar áformum Hestamannafélagsins Ljúfs um lagninu reiðstígs en með honum mun skapast nauðsynleg tenging við þá reiðstíga sem fyrir eru. Lega stígsins er í fullu samræmi við gildandi aðalskipulag. Gerð stígsins er án kostnaðar fyrir bæjarfélagið.
Bæjarráð samþykkir samninginn fyrir sitt leyti og felur bæjarstjóra að undirrita hann.

9.Tónlistarskóli Árnesinga - Ný áætlun og kostnaðarskipting.

1806026

Með bréfinu er send ný fjárhagsáætlun tónlistarskólans vegna ársins 2018 og endurnýjuð kostnaðarskipting á milli sveitarfélaga. Nauðsynlegt er að endurskoða áætlunina vegna nýs kjarasamnings tónlistarkennara og vegna afborgunar á láni sem tekið er vegna Brúar lífeyrissjóðs.

Bæjarráð samþykkir fyrirliggjandi breytingar á fjárhagsáætlun tónlistarskólans.

10.Bréf frá Eignarhaldsfélaginu Brunabótafélag Íslands frá 15.maí 2018.

1806029

Í bréfinu er tilkynnt að Hveragerðisbær hafi hlotið styrk úr Styrktarsjóði EBÍ til gerðar söguskiltis við Hveragerðiskirkju. Styrkurinn nemur kr. 390.000,-.

Bæjarráð þakkar góðar viðtökur við styrkumsókn bæjarins og felur menningar- og frístundafulltrúa að sjá um gerð skiltisins sem gera myndi grein fyrir sögu kirkjustarfs í og við Hveragerði í gegnum árin.

11.Auka - Aðalfundur Sorpstöðvar Suðurlands bs.

1806033

Í bréfinu er boðað til aukaaðalfundar Sorpstöðvar Suðurlands í Vestmannaeyjum þann 27. júní n.k.

Lagt fram til kynningar.

12.Bréf frá Fullveldi Íslands frá maí 2018.

1806034

Í bréfinu er kynnt starf afmælisnefndar vegna hátíðahalda og viðburða í tilefni af 100 ára afmæli fullveldis Íslands. Sveitarfélög eru hvött til að taka virkan þátt í afmælisárinu og nýta fjölbreytt fræðsluefni sem finna má á vefsíðu afmælisnefndar. Einnig er kynnt tilboð á fánum sem öllum standa til boða.

Bæjarstjóra falið að koma upplýsingunum til skólastjóra leik- og grunnskóla og að sjá um að viðburðir í tilefni af afmælisárinu sem fram fara hér í Hveragerði verði vel kynntir. Ennfremur er umhverfisfulltrúa falið að kaupa nokkra fána með merki afmælisins og flagga þeim á áberandi stað í bæjarfélaginu í sumar.

13.Bréf frá sjónvarpstöðinni Hringbraut ódagsett.

1806021

Með erindinu er Hveragerðisbæ boðin þátttaka í sjónvarpsþáttunum Súrefni sem fjalla um umhverfisvernd og er ætlað að auka umhverfisvitund almennings.

Því miður sér bæjarráð sér ekki fært að taka þátt í verkefninu.

14.Bréf frá Lyftingafélaginu Hengli frá 4.júní 2018.

1806041

Í bréfinu er gert grein fyrir áformum félagsins um að halda hér í Hveragerði Norðurlandamót fullorðinna í ólympískum lyftingum. Verður mótið haldið í október.
Óskar félagið eftir stuðningi bæjarins við mótshaldið.

Bæjarráð samþykkir að greiða götu mótsins með því að sjá um flutninga keppenda og fylgdarliðs þeirra til og frá Keflavíkurflugvelli. Jafnframt verði keppendum boðinn endurgjaldslaus aðgangur að Sundlauginni Laugaskarði á meðan á mótinu stendur.

15.Bréf frá Tónlistarskóla Árnesinga frá 8.júní 2018.

1806027

Í bréfinu kemur fram að 47 nemendur frá Hveragerði eru nú skráðir til náms næsta vetur við Tónlistarskólann. Enn eru samt 10 nemendur á biðlista og hefur þeim fjölgað á milli ára. Óskar skólinn eftir auknum kennslukvóta frá bæjarfélaginu svo mögulegt sé að koma til móts við fjölgun á biðlista.

Bæjarráð samþykkir að auka kennslukvóta um tvær klukkustundir næsta vetur. Kostnaður við aukninguna nemur kr. 1.130.000,-.
Kostnaðrauka vegan þessa og eins vegna hækkaðs framlags vegna launahækkana hjá Tónlistarskólanum verði mætt með aukningu á tekjulið útsvars.

16.Verkfundur - "Gatnagerð Vorsabæ" frá 28. maí 2017.

1806031

Fundargerðin samþykkt samhljóða.

17.Verkfundur - "Fráveitulögn Sunnumörk - Austurmörk" frá 29. maí 2018.

1806032

Fundargerðin samþykkt samhljóða.