Bæjarráð

Bæjarráð þakkar sviðsstjóranum fyrir kynninguna. Endaleg dagskrá íþróttaviku verður kynnt fyrir menningar-, atvinnu- og markaðsnefnd á næsta fundi nefndarinnar.

Bæjarráð samþykkir tillöguna samhljóða og felur mannauðsfulltrúa, í samstarfi við sviðsstjóra stjórnsýslusviðs og bæjarstjóra að vinna málið áfram og leggja fram tillögur að verklagi og eftir atvikum drög að mannauðs- og/eða ráðningarstefnu fyrir bæjarráð í desember 2026.

Skjölin eru lögð fram til kynningar.

Formaður bæjarráðs ber upp tillögu um að yfirkjörstjórn verði skipuð með eftirfarandi hætti:
Aðalmenn:
Fríða Margrét Þorsteinsdóttir, formaður
Margrét Haraldardóttir, varaformaður
Njörður Sigurðsson
Varamenn:
Guðríður Aadnegard
Auður Elísabet Guðjónsdóttir
Drífa Þrastardóttir

Bæjarráð samþykkir tillöguna samhljóða.

Formaður bæjarráðs ber upp tillögu um að undirkjörstjórn verði skipuð með eftirfarandi hætti:
Aðalmenn:
Margrét Harpa Garðarsdóttir, formaður
Sigrún Árnadóttir, varaformaður
Kristján Björnsson
Varamenn:
Oddur Benediktsson
Viktoría Sif Kristinsdóttir
Jóhanna Ýr Ólafsdóttir

Bæjarráð samþykkir tillöguna samhljóða.

Bæjarráð þakkar fulltrúum frá Veitum ohf. fyrir heimsóknina og upplýsingarnar.
Bæjarráð samþykkir samhljóða að fela bæjarstjóra að vinna að upplýsingagjöf til hagaðila og íbúa vegna stöðu gufuveitu í samráði við Veitur ohf.

Fulltrúar bæjarráðs, bæjarstjóri og áheyrnarfulltrúi leggja sameiginlega fram eftirfarandi bókun:
Í framlögðu árshlutauppgjöri, sem fulltrúar D-lista og S-lista lögðu til að yrði unnið fyrir Hveragerðisbæ, er dregin upp krefjandi mynd af rekstri sveitarfélagsins á fyrstu mánuðum ársins og þeim forsendum sem liggja að baki gildandi fjárhagsáætlun.

Bæjarráð telur afar mikilvægt að árshlutauppgjör sveitarfélagsins fyrir tímabilið 1. janúar til 31. maí 2026 verði nýtt sem grundvöllur að heildstæðu mati á fjárhagsstöðu sveitarfélagsins og þeim forsendum sem liggja að baki gildandi fjárhagsáætlun.

Við lok tímabilsins nam lausafjárstaða sveitarfélagsins aðeins um 100 þúsund krónum og hefur sveitarfélagið þegar þurft að nýta yfirdráttarheimildir til að tryggja eðlilegt sjóðstreymi. Notkun yfirdráttarheimilda hefur jafnframt verið meiri á þessu tímabili en á sambærilegu tímabili undanfarin ár sem undirstrikar þá þröngu lausafjárstöðu sem sveitarfélagið stendur frammi fyrir.

Jafnframt sýnir uppgjörið að bæði launakostnaður og annan rekstrarkostnaður hefur þróast umfram áætlanir. Almennar tekjur sveitarfélagsins, svo sem útsvar, fasteignaskattar og framlög úr Jöfnunarsjóði sveitarfélaga, hafa þróast með jákvæðari hætti en gert var ráð fyrir. Á sama tíma liggur fyrir að forsendur fjárhagsáætlunar ársins um tekjur hafa ekki gengið eftir og eru nú að stórum hluta brostnar. Þar vegur þyngst að tekjur af gatnagerðargjöldum, byggingarréttargjöldum og öðrum tekjum tengdum uppbyggingarverkefnum hafa reynst langt undir áætlunum.

Fjárhagsáætlun ársins byggði að verulegu leyti á þeim forsendum að um milljarður króna myndi skila sér á árinu í formi tekna sem tengjast uppbyggingu nýrra svæða og framkvæmda. Raunveruleg innheimta þessara tekna hefur hins vegar verið óveruleg hingað til og ljóst er að stór hluti þeirra muni ekki skila sér á þeim tíma eða í því umfangi sem áætlanir gerðu ráð fyrir.

Á sama tíma hefur sveitarfélagið unnið eftir samþykktri fjárfestingaáætlun og staðið í umfangsmiklum framkvæmdum og fjárfestingum. Sú staða sem nú blasir við sýnir að umfang fjárfestinga og skuldbindinga hefur að verulegu leyti byggst á tekjuforsendum sem ekki hafa gengið eftir og reynast ekki raunhæfar miðað við núverandi aðstæður.

Brýnt er að bregðast við án tafar við þeirri stöðu sem komin er upp. Nauðsynlegt er að endurmeta forgangsröðun fjárfestinga, tímasetningu einstakra verkefna og umfang framkvæmda með hliðsjón af raunverulegri greiðslugetu sveitarfélagsins. Jafnframt þarf að fara ítarlega yfir rekstur allra málaflokka með það að markmiði að tryggja að almennar tekjur sveitarfélagsins nýtist fyrst og fremst til lögbundinnar þjónustu, daglegs rekstrar og til að standa undir skuldbindingum sveitarfélagsins.

Þrátt fyrir nauðsynlegt endurmat á fjárfestingum er mikilvægt að ekki verði frestað framkvæmdum sem teljast nauðsynlegar, svo sem viðbyggingu við íþróttahúsið.

Mikilvægt er að ná upp raunhæfum fjárhagsforsendum, tryggja sjálfbærni í rekstri og skapa svigrúm til nauðsynlegra framkvæmda án þess að sveitarfélagið reiði sig á tekjur sem ekki er tryggt að skili sér á þeim tíma eða í því umfangi sem áætlanir gera ráð fyrir.

Þrátt fyrir þær áskoranir sem uppgjörið dregur fram er talið að staðan sé viðráðanleg ef gripið verður tímanlega til markvissra aðgerða. Lykilaðgerð er að sækja tekjur þar sem kostur er. Framundan er vinna við endurskoðun fjárhagsáætlunar, fjárfestingaáætlunar og á lausafjárstöðu sveitarfélagsins með það að markmiði að tryggja traustan og sjálfbæran rekstrargrundvöll til framtíðar.

Sigmar Karlsson
Birgitta Ragnarsdóttir
Lárus Jónsson
Ingimar Guðmundsson
Marta Rut Ólafsdóttir

Bæjarráð samþykkir samhljóða að fela bæjarstjóra og sviðsstjóra stjórnsýslusviðs að vinna heildstæða tillögu að viðbrögðum við þeirri stöðu sem árshlutauppgjörið sýnir. Í þeirri vinnu verði meðal annars lagt mat á fjárfestingaáætlun sveitarfélagsins, forgangsröðun framkvæmda, rekstrarútgjöld, lausafjárstöðu og fjármögnunarþörf sveitarfélagsins næstu misserin. Í þeirri vinnu verður áhersla á að vernda grunnþjónustu við íbúa og lögbundin verkefni.

Jafnframt verði unnið að tillögum um hagræðingu og aukið aðhald í rekstri þar sem við á, með það að markmiði að styrkja fjárhagsstöðu sveitarfélagsins, tryggja sjálfbæran rekstur og verja lögbundna þjónustu og almenna þjónustu við íbúa.
Fyrstu tillögur og stöðumat verði lögð fyrir bæjarráð svo fljótt sem auðið er.

Bæjarráð samþykkir samhljóða, í umboði bæjarstjórnar, að veita heimild til aukinnar lántöku á árinu hjá Lánasjóði sveitarfélaga að upphæð 600 milljónir króna.

Bæjarráð Hveragerðisbæjar sem hefur vald til fullnaðarafgreiðslu mála í umboði bæjarstjórnar á þessum fundi bæjarráðs samþykkir hér með samhljóða að taka lán hjá Lánasjóði sveitarfélaga að fjárhæð allt að kr. 600.000.000,- samkvæmt þeim lánaskilmálum sem í boði eru á þeim tíma sem lánið er tekið. Lántakan getur verið í formi skammtímaláns, sem forvera langtímaláns, eða sem langtímalán í þeim skuldabréfaflokkum sem Lánasjóðurinn býður hverju sinni. Bæjarráð hefur kynnt sér skilmála viðkomandi skuldabréfaflokka eins og þeir birtast á heimasíðu Lánasjóðsins.

Til tryggingar láninu - þ.m.t. höfuðstól, vöxtum, verðbótum, dráttarvöxtum, uppgreiðslugjaldi og öðrum kostnaði - samþykkir bæjarráð í umboði bæjarstjórnar að tekjur sveitarfélagsins, sbr. heimild í 2. mgr. 68. gr. sveitarstjórnarlaga nr. 138/2011, nánar tiltekið útsvarstekjur og framlög úr Jöfnunarsjóði sveitarfélaga, verði veðsettar.

Lánið er tekið til fjármagna fjárfestingar og framkvæmdir ársins sem gert er ráð fyrir í fjárhagsáætlun. Um er að ræða verkefni sem hefur almenna efnahagslega þýðingu, sbr. 3. gr. laga nr. 150/2006 um stofnun opinbers hlutafélags um Lánasjóð sveitarfélaga.

Jafnframt er Ingimari Guðmundssyni, bæjarstjóra, kt. 210894-2929, veitt fullt og ótakmarkað umboð til að undirrita lánasamning við Lánasjóð sveitarfélaga f.h. Hveragerðisbæjar, sem og til að móttaka, undirrita, gefa út og afhenda öll skjöl, fyrirmæli og tilkynningar sem tengjast lántökunni, þar á meðal beiðni um útborgun láns.

Bæjarráð samþykkir samhljóða að fela bæjarstjóra að sjá um að óskað verði eftir umsögn frá Skipulagsstofnun um að hefja eignarnámsferli vegna Hrauntungu 13-13B.