Bæjarráð

Í bréfinu kemur fram að Innviðaráðuneytið hafi, í samstarfi við Byggðastofnun, gefið út skilgreiningu á opinberri grunnþjónustu ásamt leiðbeiningum fyrir stjórnvöld um mótun og framkvæmd stefna. Leiðbeiningaritið "Opinber þjónusta og jöfnun aðgengis. Leiðbeiningar fyrir stjórnvöld um mótun og framkvæmd stefna" fylgdi bréfi ráðuneytisins.

Í bréfinu er þakkað það óeigingjarna starf þeirra sem sáu um og störfuðu við að skipuleggja minningardaginn um fórnarlömb umferðarslysa um allt land.

Í bréfinu er vísað til fyrra erindis kirkjugarðsnefndar Kotstrandarkirkju sem tekið var fyrir í bæjarráði í ágúst 2022 (2208006), þar sem farið er yfir skyldu Hveragerðisbæjar og Sveitarfélagsins Ölfus til greiðslu kostnaðar af verkum og viðhaldi Kotstrandarkirkjugarðs. Í því erindi kom fram að þörf væri á talsverðu viðhaldi aðkomuvegar og allra stíga í kirkjugarðinum.



Á fundi bæjarráðs 18. ágúst 2022 var eftirfarandi bókað vegna fyrra erindis kirkjugarðsnefndarinnar: "Bæjarráð samþykkir að kaupa bekk til afnota í kirkjugarðinum við Kotströnd. Bæjarráð samþykkir að ákvörðun varðandi viðhald á aðkomuvegi og stígum verði tekin þegar kostnaðaráætlun liggur fyrir."



Í bréfi kirkjugarðsnefndar Kotstrandarkirkju sem móttekið var hjá Hveragerðisbæ þann 18. nóvember 2025 kemur fram að viðhald hafi farið fram á hluta stíga í kirkjugarðinum og að fyrirliggi það efnismagn sem þarf til að viðhalda stígunum en það mun vera 153 rúmmetrar af mulningi. Kostnaður er áætlaður kr. 745.030.- m. vsk.

Í bréfinu er tiltekið að hlutfall Hveragerðisbæjar vegna sóknarbarna í sveitarfélaginu sé 89% af kostnaðaráætluninni.



Einnig er óskað eftir að fá einn starfsmann frá vinnuskóla Hveragerðisbæjar til aðstoðar í garðinum næsta sumar en kirkjugarðsnefndin óskar eftir því sama hjá Sveitarfélaginu Ölfusi.

Í bréfinu er óskað eftir styrk vegna barnadagskrár á Norrænni menningarhátíð heyrnalausra sem fer fram á Selfossi dagana 28. júlí - 2. ágúst 2026.

Í bréfinu óska ADHD samtökin eftir stuðningi frá Hveragerðisbæ í formi styrks að fjárhæð kr. 100.000.- til kr. 500.000.- sem nýttur yrði samkvæmt nánara samkomulagi en samtökin bjóða upp á margskonar fræðslu og námskeið.

Lögð eru fram drög að Húsnæðisáætlun Hveragerðisbæjar fyrir árið 2026.

Lagt er fram minnisblað frá bæjarstjóra þar sem gerð er tillaga um að unnin verði úttekt á skólastofnunum og frístundaheimili Hveragerðisbæjar m.t.t. þess að greina rými með gluggalausum hurðum. Í framhaldi verður unnin úrbótaáætlun á grundvelli úttektarinnar sem lögð verður fyrir bæjarráð.

Lagt er fram minnisblað skrifstofustjóra með uppfærslu á tekjuviðmiðum vegna tekjutengds afsláttar af fasteignaskatti til öryrkja og ellilífeyrisþega vegna ársins 2026.

Lagt er fram minnisblað frá Verkfræðistofunni Eflu, dags. 26. nóvember 2025, um samanburð á tilboðum í ræstingar í stofnunum Hveragerðisbæjar.

Alls bárust 6 tilboð í útboðsverkið.

Dagar hf. átti lægsta tilboð í verkið að fjárhæð kr. 55.948.838 án vsk. og uppfyllti allar kröfur útboðsgagna.

Lögð eru fram drög að bréfi til eigenda fasteignarinnar Hrauntungu 13-13B, F2343274 og drög að kauptilboði Hveragerðisbæjar í fasteignina Hrauntungu 13-13B, F2343274. Einnig eru lögð fram eftirtalin skjöl: hnitsettur uppdráttur frá Eflu verkfræðistofu dags. 3.6.2025, veðbandayfirlit fyrir Hrauntungu 13-13B, dags. 29.10.2025, yfirlit úr fasteignaskrá fyrir Hrauntungu 13-13B og samþykktur skipulagsuppdráttur fyrir Kambaland í Hveragerði.

Þrjár gildar umsóknir bárust um lóðina Tröllahraun 50, en tvær þeirra voru dregnar til baka. Aðstoðarmaður í tæknideild hefur yfirfarið umsóknina sem eftir stendur og öll gögn umsækjanda sem uppfyllir skilyrði til þess að fá lóðinni úthlutað.

Lagt er fram minnisblað bæjarstjóra þar sem er gerð tillaga um gerð þjónustusamnings við Auðnast á grundvelli fyrirliggjandi tilboðs.

Lagt er fram minnisblað skrifstofustjóra með tillögu að viðauka við fjárhagsáætlun ársins 2025 vegna samnings við Eik fasteignafélag um uppgjör vegna framkvæmda við leikskólann Óskaland.

Lögð er fram fundargerð af afgreiðslufundi byggingarfulltrúa nr. 12, dags. 21. nóvember 2025.