Bæjarráð

Í bréfinu óskar umhverfis- og samgöngunefnd Alþingis eftir umsögn um frumvarp til laga um breytingu á sveitarstjórnarlögum, nr. 138/2011 (mat á fjárhagslegum áhrifum), 272. mál.

Lagt fram bréf frá Héraðssambandinu Skarphéðni með fréttum og tilkynningum.

Lögð fram ályktun aðalfundar Skógfræðingafélags Íslands frá 25. mars 2025.

Fulltrúi D-lista lagði fram eftirfarandi fyrirspurn.

Samkvæmt rekstrarniðurstöðu ársins 2024 námu vöru- og þjónustukaup í deild 09220 - Aðalskipulag alls 36.196.478 kr., sem er 18.946.478 kr. umfram samþykkta fjárhagsáætlun, 17.250.000 kr.

Í ljósi þessa óska ég eftir eftirfarandi upplýsingum:

1. Hverjir eru helstu skýringar á þessum vöru- og þjónustukaupum?

2. Hvaða aðilar eða verktakar tóku að sér verkefni eða þjónustu sem fellur undir þennan kostnað?

3. Var gerður samningur um gerð aðalskipulags og liggur fyrir samþykkt eða viðaukar bæjarráðs eða bæjarstjórnar vegna þessara umfram útgjalda?



Óskað er eftir því að svör við fyrirspurninni verði lögð fram skriflega á næsta fundi bæjarráðs.



Friðrik Sigurbjörnsson

Lögð fram tillaga að stefnu og aðgerðaráætlun vegna stafrænnar umbreytingar.

Lagt fram minnisblað skrifstofustjóra Hveragerðisbæjar um stöðu fjárfestinga ársins 2025 auk fylgigagna.

Lögð fram útboðs- og verklýsing vegna vatnsveitu að Reykjadals baðlóni.



Byggingarfulltrúi Hveragerðisbæjar kom inn á fundinn og kynnti útboðs- og verklýsingu.