Bæjarráð

Bæjarráð samþykkir að fela bæjarstjóra að svara erindinu í samræmi við umræður á fundinum.

Bæjarráð tekur undir sjónarmið bréfritara og þá sérstaklega hvatningu til að nýta virka ferðamáta innanbæjar. Í Hveragerði eru vegalengdir yfirleitt frekar stuttar svo flestir gætu sleppt notkun einkabílsins miklu oftar en gert er í dag. Menningar- og frístundafulltrúa falið að kynna áherslur samgönguviku fyrir bæjarbúum.

Bæjarráð samþykkir að auglýsa útboð á LED lömpum fyrir götu- og stígalýsingu í samræmi við gögn Lotu ehf. Verkinu verði skipt í tvo áfanga og kostnaði þannig dreift á tvö ár. Tekið verði tillit til þessa kostnaðar við gerð fjárhagsáætlunar.
Bæjarráð samþykkir einnig að fela Lotu ehf að sjá um útboð á uppsetningu lampanna.

Bæjarráð samþykkir viðaukann. Kostnaði vegna hans verði mætt með fjárveitingu af lið 21-01-9980.

Bæjarráð felst á rök skrifstofustjóra og samþykkir til reynslu eða að næstu sex mánuði verði bæjarskrifstofan lokuð eftir hádegi á föstudögum og þannig verði styttingu vinnutíma starfsmanna mætt.

Í ljósi mikillar eftirspurnar eftir lóðum í bæjarfélaginu samþykkir bæjarráð að fela skipulagsfulltrúa og byggingafulltrúa að kanna stöðu hönnunar á götum og veitulögnum í Hólmabrún með það fyrir augum að útboð á gatnagerð fari fram fyrir áramót og úthlutun þessara glæsilegu lóða geti þar með farið fram á vormánuðum 2022.

Bæjarráð óskar einnig eftir því að sömu aðilar geri tillögu til bæjarráðs varðandi tengingar Hólmabrúnar við nærliggjandi götur áður en endanleg ákvörðun um útboð verður tekin af bæjarráði.

Bæjarráð samþykkir þær breytingar á gjaldskrá sem hér eru lagðar fram. Jafnframt samþykkir bæjarráð að keypt verði greiðsluvél til að auðvelda ferðamönnum greiðslu stöðugjalda á Árhólmum.

Bæjarráð samþykkir að lóðir sem ætlaðar eru fyrir verslun og þjónustu á Friðarstöðum verði auglýstar lausar til úthlutunar með eftirfarandi hætti:

Fyrirkomulagið verði í samræmi við 11. gr samþykktar um úthlutun lóða. Eftir að hefðbundnum auglýsingatíma, sem er 4 vikur, er lokið verði þær hugmyndir sem þá hafa borist kynntar fyrir bæjarráði (á fyrri fundi október mánaðar). Í kjölfarið, mun bæjarráð að fengnu ráðgefandi áliti skipulagshöfunda og skipulagsfulltrúa, úthluta lóðunum.

Bæjarráð mun taka tillit til raunhæfni tillagna, vænts framkvæmdahraða en einnig þess með hvaða hætti tillögurnar geta aukið fjölbreytni hvað varðar þjónustu og atvinnu í bæjarfélaginu. Skulu tillögur taka tillit til skilmála í deiliskipulagi og forsendna í aðalskipulagi.

Bæjarráð mun einnig horfa til gæða þeirra hugmynda sem fram koma í samræmi við framangreint og á fundi sínum velja aðila til frekari viðræðna áður en til formlegrar úthlutunar kemur.

Þar sem hér er um einstakar lóðir að ræða hvað varðar staðsetningu þá samþykkir bæjarráð að gjald fyrir byggingarétt verði 0,6 og leggist ofan á gatnagerðargjöld í samræmi við heimild í samþykkt um byggingargjöld í Hveragerði nr. 457/2007.

Bæjarráð samþykkir erindið sem er í samræmi við mikinn meirihlutavilja foreldra leikskólabarna. Bæjarráð vekur athygli á að mikilvægt er að greiðsluþátttaka foreldra taki breytingum í samræmi við verðlagsþróun og felur leikskólastjórum að fylgjast með að svo sé. Bæjarráð vill jafnframt hvetja leikskólastarfsmenn til að taka vel í það ef að foreldrar/forráðamenn vilja nota taubleyjur fyrir börn sín. Einnig vill bæjarráð hvetja foreldra til að velja umhverfisvænar lausnir í stað mengandi einnota sem er í samræmi við stefnu og áherslur bæjarins í umhverfismálum.

Bæjarráð leggur til við bæjarstjórn að tilboði lægstbjóðenda Vélsmiðju Suðurlands ehf verði tekið.

Fundargerðin lögð fram til kynningar.

Fundargerðin lögð fram til kynningar.

Fundargerðin lögð fram til kynningar. Afgreiðslu samþykktar um vatnsvernd vísað til bæjarstjórnar

Fundargerðin lögð fram til kynningar.

Fundargerðin lögð fram til kynningar.

Fundargerðin lögð fram til kynningar.

Fundargerðin lögð fram til kynningar.