Einar Áskell í Hveragerðiskirkju

Sunnudaginn 15.mars verður boðið upp á brúðuleiksýninguna um Einar Áskel eftir brúðmeistarann Bernd Ogrodnik sem byggir á heimsþekktum sögum Gunillu Bergström um hinn uppátækjasama Einar Áskel.   Við fylgjumst með viðburðaríkum degi í lífi feðganna Einars Áskels og pabba hans þar sem daglegt líf fær á sig ljóma ævintýrs eins og tilvera okkar allra getur gert á augabragði ef við opnum fyrir leikinn, sköpunina og ímyndunaraflið.

Leiksýningin er samstarfsverkefni Eyrarbakkaprestakalls, Hveragerðisprestakalls og Selfossprestakalls og er kostuð af Héraðssjóði Suðurprófastdæmis.  Aðgangur er ókeypis og allir hjartanlega velkomnir!