Ungmennaráðstefna fyrir 15-25 ára

Ungmennaráð Ungmennafélags Íslands stendur fyrir ráðstefnunni dagana 18.–20. september í Skólabúðum UMFÍ á Reykjum í Hrútafirði. Öll ungmenni á aldrinum 15–25 ára eru velkomin, hvort sem þau taka þátt í starfi ungmennaráðs eða ekki.

Yfirskrift ráðstefnunnar í ár er „Blómstrum. Styrkjumst. Tengjumst.“ Þar gefst þátttakendum tækifæri til að staldra við, skoða eigin líðan og ræða um það sem skiptir ungt fólk máli í dag – meðal annars sjálfsmynd, skjánotkun, samfélagsmiðla, jafnvægi í daglegu lífi og mikilvægi góðra tengsla.

Meðal gesta verða Ólafur Stefánsson, sem deilir reynslu sinni úr íþróttum og lífinu, og Skúli Bragi Geirdal hjá Netvís, sem fjallar um stafrænt umhverfi ungs fólks, samfélagsmiðla og netöryggi. Auk fyrirlestra verður boðið upp á fjölbreyttar vinnustofur, hópefli, kvöldvökur og skemmtilega samveru þar sem þátttakendur fá tækifæri til að eignast nýja vini og taka með sér dýrmæta reynslu heim.

Þátttökugjaldið er 15.000 krónur og innifalið er gisting í tvær nætur, allar máltíðir, ráðstefnugögn og ferðir að mestu eða öllu leyti. Rútur fara frá Reykjavík og Akureyri og hægt er að sækja um styrk vegna ferðakostnaðar ef þeirra verður ekki notið.

Skráning stendur til 8. september, eða þar til uppselt verður. Þar sem fjöldi þátttakenda er takmarkaður eru ungmenni hvött til að tryggja sér pláss sem fyrst.

Þetta er einstakt tækifæri til að verja helgi með jafnöldrum víðs vegar að af landinu, læra eitthvað nýtt um sjálfan sig, mynda ný tengsl og eiga góðar stundir í jákvæðu og styðjandi umhverfi.