Áform eru um stækkun núverandi íþróttahúss að Skólamörk 2-6.

Áform eru um stækkun núverandi íþróttahúss að Skólamörk 2-6.

Stækkun íþróttahúss að Skólamörk 2-6 Hveragerði
21.desember 2023

Ástæður

• Frestað hefur verið áformum um endurbyggingu Hamarshallar.
• Fimleikadeild Hamars er aðstöðulaus
• Körfuboltadeild Hamars hefur aðeins 1 æfingavöll
• Keppnisvöllur fyrir körfubolta í núverandi íþróttahúsi er fullþröngt og vantar hliðaraðstöðu fyrir dómara og varamenn.

Forsendur:

• Að núverandi íþróttahús geti notast áfram sem keppnishús á meðan og eftir að fyrri áfangi stækkunar er í framkvæmd.
• Að gert verði ráð fyrir seinni áfanga stækkunar með áhorfendastúkum fyrir 360 manns, gestaaðkomu / aðstöðu og aðstöðu fyrir hreyfihamlaða.
• Að í stækkun verði æfingaraðstaða fyrir hópfimleika með nauðsynlegum gryfjum.
• Að lofthæð og stærð í stækkun verði fullnægjandi fyrir keppnir í körfubolta, blaki og badminton.

Núverandi hús:

• Núverandi íþróttahús er alls 2323 m2 með 594 m2 íþróttagólfi og stúku fyrir allt að 400 manns.
• Aðgengi hreyfihamlaða er ekki fullnægjandi.
• Engin aðstaða er fyrir hópfimleika í núverandi húsi vegna nauðsynlegrar lengdar atrennu að stökkum og vöntun á gryfjum fyrir æfingar.
• Vegna stærðar íþróttagólfs er eingöngu hægt að æfa eina íþrótt í húsi í einu.
• Lofthæð í keppnissal er 7m. og því of lág fyrir keppni í blaki (8 m.) og badminton (9m.).
• Breidd keppnissal fyrir körfubolta er of þröng fyrir keppni.

Stækkunartillaga:

• Samkvæmt tillögu 10 (c+d) verður íþróttahúsið stækkað sem æfingahúsnæði til vesturs um ca 1470 m2 í fyrri áfanga og svo sem keppnishús um ca 420 m2 í seinni áfanga.
• Í tillögunni bætist aðstaða til íþróttaæfinga verulega . Hægt verður að æfa 2-3 íþróttir samtímis eða þá samtímis á fjölda valla sömu íþróttar,t.d. verður hægt að æfa á 2 körfuboltavöllum samtímis, 3 blakvöllum eða 10 badmintonvöllum.
• Núverandi hús nýtist áfram sem keppnishús á breytingatíma.
• Hægt verður að bæta breidd keppnisgólfs fyrir körfubolta í núverandi húsi þannig að það henti fyrir keppni.
• Hægt verður að útbúa keppnisaðstöðu fyrir fimleika þannig að hægt verði að nota áhorfendastúkur núverandi húss.
• Fullbúin aðstaða fyrir hópfimleika með gryfjum og nauðsynlegri lengd atrennu verður í stækkun æfingarýmis.

Efni og uppbygging:

• Í tillögu er gert ráð fyrir að stækkun verði stálgrindarhús á steyptri gólfplötu.
• Þak eru gitterstálbitar, veggir eru stálstoðir og yleiningar.
• Hús er klætt að utan með stáli.
• Þak situr að hluta á styrktum súlum í vesturvegg núverandi íþróttahúss.
• Vesturveggur núverandi íþróttahúss verður opnaður að hluta og tengir saman nýtt og gamalt íþróttahús.

Áfangar:

• Fyrri áfangi er 1470 m2 viðbótar æfingahúsnæði tengt núverandi íþróttahúsi. Aðkoma, búningsklefar, fylgirými og áhorfendaaðstaða er í núverandi íþróttahúsi.
• Seinni áfangi er stækkun til suðurs um 420 m2 með forrými, aðstöðu gesta, stoðrými og aðstöðu og aðgengi hreyfihamlaðra. Ennfremur verða settar útdraganlegar áhorfendastúkur í sal fyrir 360 manns og stækkun nýtt sem keppnishús. Þannig verður hægt að nýta báðar áhorfendaaðstöður samtímis í aðskildum keppnum.

Kostnaður:

• Fyrri áfangi:
  Nýtt æfingahúsnæði 1467 m2 með íþróttagólfi og fimleikagryfju og opnun inn í núverandi íþróttahús.  605.100.000 kr.
• Seinni áfangi
  420 m2 forrými með aðstöðu gesta, stoðrými og aðstöðu / aðgengi hreyfihamlaðra. Ennfremur verða settar útdraganlegar áhorfendastúkur í sal fyrir 360 manns. 194.800.000 kr.

Tillögur að áformum um stækkun íþróttahúss að Skólamörk 2