Fara í efni

Félagsleg heimaþjónusta

Markmið og hlutverk með félagslegri heimaþjónustu eru:

  • Að efla viðkomandi til sjálfshjálpar og gera honum kleift að búa sem lengst í heimahúsum við sem mest lífsgæði.
  • Félagsleg heimaþjónusta er fyrir þá sem búa í heimahúsum og geta ekki séð hjálpar­laust um heimilishald og persónulega umhirðu vegna skertrar getu, fjölskyldu­aðstæðna, álags, veikinda, barnsburðar eða fötlunar.

Forstöðumaður stuðningsþjónustu við eldra fólk er Rannveig Reynisdóttir.  Netfang:  rannveig@hveragerdi.is.

Deildarstjóri heimaþjónustu er Eygló H. Jóhannesdóttir. Netfang: eyglo@hveragerdi.is

Sjá reglur um félagslega heimaþjónustu.

Samkvæmt lögum um málefni aldraðra og lögum um félagslega þjónustu sveitarfélaga eiga þeir rétt á félagslegri heimaþjónustu sem búa í heimahúsum og geta ekki vegna skertrar getu, fjölskylduaðstæðna, álags, veikinda, barnsburðar eða fötlunar sinnt heimilishaldi eða öðru hjálparlaust.

Sækja þarf skriflega um félagslega heimaþjónustu. Hægt er að nálgast umsóknareyðublað á bæjarskrifstofunni eða hér neðar á síðunni. Eftir að umsókn hefur borist hefur forstöðumaður stuðningsþjónustu samband og ákveður heimsókn til að meta þörfina fyrir þjónustu, í samráði við umsækjanda. Þegar mat liggur fyrir er gengið frá þjónustusamningi þar sem nánar er tilekið hvaða verkefni starfsmaður skuli inna af hendi.

Forstöðumaður stuðningsþjónustu fer yfir umsóknir um félagslega heimaþjónustu, metur og endurmetur þjónustuþörf, gerir þjónustusamninga. Að auki veitir hann frekari upplýsingar er varða þjónustuna og breytingu á þjónustu til þjónustuþega.

Deildarstjóri heimaþjónustu skipuleggur vinnuáætlun starfsmanna í samvinnu við forstöðumann og tekur afleysingar.

Gjaldskrá fyrir félagslega heimaþjónustu

Umsóknareyðublað fyrir félagslega heimaþjónustu

Síðast breytt: 12.02.2020
Getum við bætt efni síðunnar?