Hveragerði fær Grænar greinar.

Orkusalan setur sér háleit markmið þegar kemur að umhverfismálum, en fyrirtækið náði stórum áfanga á síðasta ári og varð fyrsta og eina raforkufyrirtækið hér á landi til að kolefnisjafna bæði rekstur og vinnslu raforku.

Kolefnisjöfnunin felur í sér að afhenda sveitarfélögum landsins grænar greinar til gróðursetningar.

Kristín Snorradóttir, garðyrkjufulltrúi Hveragerðisbæjar tók á móti 40 birkiplöntum frá starfsmönnum Orkusölunnar í júni og munu þær fá að vaxa og dafna í lystigarðinum.