Hafsteinn íþróttamaður Hveragerðis 2022

Hafsteinn Valdimarsson blakmaður var kjörinn íþróttamaður Hveragerðis 2022. Hann er fyrirliði blakliðs Hamars sem leikur í efstu deild. Hann fór fyrir liði sínu þegar liðið vann deildar-, bikar- og Íslandsmeistaratitil. Hafsteinn var einnig valin í  A landslið BLÍ.

Alls voru 7 íþróttamenn tilnefndir í kjöri til íþróttamanns Hveragerðis 2022 og fengu viðurkenningu fyrir góðan árangur á árinu. Allir íþróttamennirnir hafa sýnt mikinn metnað til að ná langt í sinni íþróttagrein og eru svo sannarlega góð fyrirmynd fyrir bæinn og yngri íþróttamenn.

Eftirfarandi íþróttamenn voru í kjöri íþróttamanns Hveragerðis 2022:

• Atli Þór Jónasson fyrir góðan árangur í knattspyrnu
• Hrund Guðmundsdóttir fyrir góðan árangur í badminton
• Helga María Janusdóttir fyrir góðan árangur körfuknattleik
• Björn Ásgeir Ásgeirsson fyrir góðan árangur í körfuknattleik
• Fannar Ingi Steingrímsson fyrir góðan árangur í körfuknattleik
• Hafsteinn Valdimarsson fyrir góðan árangur í blaki
• Ragnheiður Brynjólfsdóttir fyrir góðan árangur í motocross

Alls voru 17 íþróttamenn sem fengu viðkenningu fyrir góðan árangur á árinu og hafa orðið íslandsmeistarar, bikarmeistarar eða verið valin landsliðshóp á árinu.

• Viðurkenningu fyrir góðan árangur í golfi fékk Erlingur Arthursson.
• Viðurkenningu fyrir góðan árangur í körfuknattleik fengu Haukur Davíðsson, Birkir Máni Daðason, Lúkas Aron Stefánsson og Kristófer Kató Kristófersson.
• Viðurkenningu fyrir góðan árangur í blaki fengu Hafsteinn Valdimarsson, Kristján Valdimarsson og Haraldur Örn Björnsson. 
• Viðurkenningu fyrir góðan árangur í fimleikum fengu Guðlaug Björg Ólafsdóttir, Írena Linddal Hallgrímsdóttir, Karen Edda Þórarinsdóttir, Karítas Gígja Helgadóttir og Mábil Smáradóttir og Steinunn Inga Örvar.
• Viðurkenningu fyrir góðan árangur í badminton fengu Úlfur Þórhallsson og Hrund Guðmundsdóttir.
• Viðurkenningu fyrir góðan árangur í motocross fékk Eric Máni Guðmundsson.