Hafsteinn íþróttamaður Hveragerðis 2021
Hafsteinn Valdimarsson blakmaður var kjörinn íþróttamaður Hveragerðis 2021. Hann er fyrirliði blakliðs Hamars sem leikur í efstu deild. Hann fór fyrir liði sínu þegar liðið vann sína fyrstu titla síðastliðið vor og fagnaði deildar-, bikar- og Íslandsmeistaratitlum. Hafsteinn var valinn í lið ársins hjá Blaksambandi Íslands. Í desember síðastliðinn var Hafsteinn valinn í lið BLÍ fyrri hluta tímabils 2021-2022 en Hamarsliðið var í efsta sæti deildarinnar nú um áramótin.
Alls voru 8 íþróttamenn tilnefndir í kjöri til íþróttamanns Hveragerðis 2021 og fengu viðurkenningu fyrir góðan árangur á árinu. Allir íþróttamennirnir hafa sýnt mikinn metnað til að ná langt í sinni íþróttagrein og eru svo sannarlega góð fyrirmynd fyrir bæinn og yngri íþróttamenn.
Þeir íþróttamenn sem voru í kjöri til íþróttamanns Hveragerðis 2021:
- Dagný Lísa Davíðsdóttir fyrir góðan árangur í körfuknattleik
- Dagný Rún Gísladóttir fyrir góðan árangur í knattspyrnu
- Fannar Ingi Steingrímsson fyrir góðan árangur í golfi
- Hafsteinn Valdimarsson fyrir góðan árangur í blaki
- Haukur Davíðsson fyrir góðan árangur í körfuknattleik
- Óliver Þorkelsson fyrir góðan árangur í knattspyrnu
- Ragnheiður Brynjólfsdóttir fyrir góðan árangur í motocross
- Úlfar Jón Andrésson fyrir góðan árangur í íshokkí
Hér er hægt að lesa nánar um íþróttamennina
Einnig voru veittar viðurkenningar til 17 íþróttamanna sem hafa orðið Íslands- og bikarmeistarar og verið í landsliðshópum á árinu:
- Viðurkenningu fyrir góðan árangur í badminton fengu Margrét Guangbing Hu og Úlfur Þórhallsson.
- Viðurkenningu fyrir góðan árangur í körfuknattleik fengu Dagný Lísa Davíðsdóttir, Haukur Davíðsson, Helga María Janusdóttir og Ása Lind Wolfram.
- Viðurkenningu fyrir góðan árangur í blaki fengu Hafsteinn Valdimarsson, Kristján Valdimarsson, Damian Sapór, Jakub Madej, Haraldur Örn Björnsson og Wiktor Mielczarek
- Viðurkenningu fyrir góðan árangur í knattspyrnu fengu Dagný Rún Gísladóttir, Ólíver Þorkelsson og Ívar Dagur Sævarsson.
- Viðurkenningu fyrir góðan árangur í lyftingum fengu Heiðrún Stella Þorvaldsdóttir og Bríet Anna Heiðarsdóttir.
- Viðurkenningu fyrir góðan árangur í golfi fengu Fannar Ingi Steingrímsson, Erlingur Arthússon og Hjörtur Björgvin Árnason.
Vegna mistaka gleymdist að veita tveimur íþróttamönnum viðurkenningu fyrir þátttöku í U15 ára landsliði í körfubolta á árinu 2021. Við biðjum þá Lúkas Aron Stefánsson og Birki Mána Daðason innilegar afsökunar á þessum mistökum en þeir fá viðurkenningu fyrir afrek sín
