Skipulags- og umhverfisnefnd

Lögð er fram umsögn skipulagsfulltrúa dags. 20. mars 2026 vegna beiðni um umsögn vegna auglýstrar deiliskipulagsbreytingar á lóð Mýrarsels 9 í Ölfusi.

Deiliskipulagsbreytingin leggur til breytingu á nýtingu 2,67 ha lóðar þannig að í stað þess að reisa allt að 6 gróðurhús og 2 íbúðarhús er lóðinni skipt upp í 5 lóðir þar sem heimilt er að reisa einbýlishús með bílskúr og gróðurhúsi / vinnustofu á hverri lóð. Stærð lóða er um 0,53 ha og nýtingarhlutfall 0,15. Heimild er fyrir fleiri húsum á lóðunum.

Lagður fram tölvupóstur Ásthildar Maríu Árnadóttur frá 10. mars 2026 þar sem hún lýsir erfiðum aðstæðum á gangstétt við Heiðarbrún 1. Gangstétt endi skyndilega með háum kantsteini og byrji aftur stuttu síðar með öðrum háum kantsteini (mjór kantsteinn á milli). Segir hún aðstæður geta skapað hættu fyrir fólk í hjólastólum, á reiðhjólum, með barnavagna og gangandi vegfarendur. Þar sem þetta er á gönguleið við leikskóla væri æskilegt að skoða þetta sem fyrst.

Þann 2. desember 2025 var tillaga að frumhönnun Þela- og Sunnumerkur við Undraland vegna umferðaröryggismála tekin fyrir og kynnt fyrir skipulags- og umhverfisnefnd. Verður hönnunin lögð til grundvallar að því að leysa málið.

Lagt fram til kynningar tilboð Söru Løve Daðadóttur og samstarfsfélaga um gerð menningararfsgreiningar fyrir Hveragerðisbæ ásamt afrit af umsókn um styrk til Nýsköpunarsjóðs námsmanna til áframhaldandi vinnu við ofangreint. Einnig er lagt fram til kynningar dæmi um menningararfsgreiningu fyrir sveitarfélagið Syddjurs í Danmörku.

Ásdís Hlökk Theódórsdóttir aðjúnkt í skipulagsfræði við LBHÍ vinnur að rannsókn á staðargæðum nýlegra íbúðarhverfa á Íslandi. Hluti þeirrar rannsóknar felst í úttekt sem framkvæmd var árið 2024 á staðargæðum 23ja nýlegra íbúðarhverfa með aðferðafræði sem þróuð var í Englandi og hefur verið beitt til að meta staðargæði íbúðarhverfa þar í landi en staðfærð fyrir íslenskar aðstæður.

Helstu niðurstöður úttektarinnar voru kynntar á Skipulagsdeginum 2025 og voru tvö hverfi í Hveragerði skoðuð; „Vestan Grænumerkur“ og „Austan Grænumerkur“. Óskaði skipulagsfulltrúi í kjölfarið eftir að fá nánari upplýsingar um niðurstöður

úttektarinnar varðandi þau hverfi. Sendi Ásdís Hlökk almennar upplýsingar um staðargæðaúttektina og niðurstöður hennar varðandi hverfin tvö sérstaklega.

Á fundi skipulags- og umhverfisnefndar þann 3. febrúar 2026 var lögð fram til grenndarkynningar umsókn um byggingarleyfi fyrir stækkun Dynskóga 22. Grenndarkynning fór fram frá 5. febrúar til 6. mars s.l. á Skipulagsgátt og með bréfi til lóðarhafa nálægra lóða. Engar athugasemdir bárust.