Skipulags- og umhverfisnefnd

Lögð er fram til tillaga að gjaldskrá fyrir djúpgáma og 1100 lítra sorpílát til breytingar á gjaldskrá Hveragerðisbæjar fyrir sorphirðu.

Djúpgámar fyrir sorp eru á íbúðarlóð í Lindarbrún. Fyrirséð er að djúpgámum á eftir að fjölga í bænum með nýrri íbúðabyggð og mikilvægt er að gjaldskrá vegna sorphirðu endurspegli það.

Lögð er fram til grenndarkynningar byggingarleyfisumsókn um bæjarskilti fyrir Hveragerðisbæ. Bæjarskiltið er staðsett við Hringveg innan við bæjarmörk í Kömbum.

Lögð er fram eftir auglýsingu deiliskipulagsbreyting vegna Grænumerkur 10 Heilsustofnun - deiliskipulagsbreyting vegna sólskála við Lækjarbrún 1 - 43. Markmið breytingarinnar er að heimila byggingu sólskála á sérafnotareitum við raðhúsin. Skilmálar eru um samræmda útfærslu, umfang og litaval. Á fundi bæjarstjórnar þann 12. desember 2024 var tillagan samþykkt í auglýsingu og í kjölfarið birt í Skipulagsgátt. Barst umsögn frá Veitum dags. 23. desember 2024. Deiliskipulagstillagan var auglýst frá 16. desember 2025 til 27. janúar 2026 í Lögbirtingablaðinu og bréf send til fasteignaeigenda sem breytingin nær til. Bárust engar athugasemdir.

Lögð er fram tillaga að deiliskipulagsbreytingu ásamt uppfærðri greinargerð vegna ferðaþjónustusvæðis við Árhólma í Hveragerði vegna gistiskála. Með breytingu er hugtakinu gistiskáli bætt við fyrra heiti, smáhýsi, þar sem orðið gistiskáli lýsir betur fyrirhugaðri notkun. Hluti byggingarmagns fyrir gistiskála er fært á milli þegar skilgreindra lóða fyrir gistiskála, frá A10 til A9. Byggingarmagn A9 eykst um 150 fermetra úr 700 m2 í 850 m2 og byggingarmagn A10 lækkar um 150 fermetra úr 700 m2 í 550 m2. Skilmálar um stærðir og útlit eru óbreyttar. Ekki er um aðrar breytingar að ræða.

Lögð er fram til grenndarkynningar umsókn um byggingarleyfi fyrir stækkun Dynskóga 22. Núverandi einbýlishús er stækkað. Gólfplata og veggur við lóðarmörk heldur sér annað er endurbyggt. Gólfplatan er stækkuð til norðausturs, suðausturs og suðvesturs og myndar u-form í kringum inngarð með stórum hlyn. Stærð fyrir stækkun 66,8 m2. Stærð eftir stækkun 190 m2, nýtingarhlutfall lóðar eftir stækkun 0,15. Tillaga að samskonar stækkun var grenndarkynnt og samþykkt árið 2023 en rann út á tíma. Er grenndarkynning því endurtekin.

Dynskógar 22 eru á íbúðasvæði ÍB7. Reiturinn nær yfir elsta hluta bæjarins og á honum er hverfisvernd. Möguleiki er á að stækka hús og fjölga, einkum á baklóðum. Nýtingarhlutfall 0,3-0,4 að hámarki.

Lögð eru fram til kynningar og umsagnar drög að reglum um styrki til húsverndar. Á fundi bæjarráðs þann 15. janúar 2026 samþykkti meirihluti að óska eftir umsögnum menningar-, atvinnu- og markaðsnefndar og skipulags- og umhverfisnefndar um drög að reglum um styrki til húsverndar.

Lagt er fram minnisblað skipulagsfulltrúa um leikvelli. Margir og fjölbreyttir leikvellir eru innan bæjarmarka Hveragerðisbæjar s.s hefðbundin leiksvæði, þemavellir, andrými og hverfisgarðar. Mikilvægt er að bæjarbúar þekki nöfn leikvallanna og nýti sér þá til leikja og skemmtunar.

Heiðmörk 66 er lóð í eigu Hveragerðisbæjar sem skilgreind er fyrir leiksvæði skv. gildandi deiliskipulagi fyrir Heiðmörk - Þelamörk sem samþykkt var í bæjarstjórn í nóvember 2007. Unnið er að lóðarhönnun fyrir fjölbreyttan hóp notenda með áherslu á eldri íbúa og ung börn. Er gert ráð fyrir að halda opinn fund með íbúum og áhugasömum um frumdrög hönnunarinnar á næstu vikum.

Lagt er fram að nýju minnisblað vegna skjól- og garðveggja sem lagt var fyrir fund skipulags- og umhverfisnefndar ásamt tilheyrandi reglum og leiðbeiningum þann 3. júní og fyrir bæjarstjórn þann 12. júní þar sem bæjarstjórn samþykkti að drög að reglum um girðingar, skjólveggi og smáhýsi verði kynntar fyrir bæjarbúum, tekið verði við ábendingum og unnið úr þeim áður en reglurnar verða bornar upp til samþykktar.

Íbúðareigandi í Dalahrauni bendir á að næstu hleðstöðvar eru í talsverðri fjarlægð frá heimili hennar, í Sunnumörkinni og Austumörkinni. Spyr hún hvort að von sé á hverfishleðslustöð í hverfið þar sem margir íbúar og gestir séu á rafmagnsbílum og þætti gott að geta hlaðið bíla í nágrenninu.

Lögð er fram til kynningar fundargerð frá 10. fundi byggingarnefndar um viðbyggingu við íþróttahús.