Skipulags- og umhverfisnefnd

Lögð er fram skipulagslýsing fyrir aðalskipulagsbreytingu og nýtt deiliskipulag á svæði AT3 sem er land Fagrahvamms og Reykjamarkar 22 dagsett í maí 2025. Svæðið er 4,6 ha og er landnotkun í núgildandi aðalskipulagi athafnasvæði þar sem gert var ráð fyrir blandaðri notkun gróður- og íbúðarhúsa á reitnum. Breytt landnotkun miðast við að svæðið verði íbúðabyggð. Hverfisvernd er meðfram Varmá. Verndarákvæði eru einnig á nokkrum trjám innan svæðis.

Lögð er fram óveruleg breyting á deiliskipulagi Ás- og Grundarsvæðis vegna Hverahlíðar. Markmið breytingar er að skipta upp lóð hjúkrunarheimilisins, sem er 9.072m² að stærð og nær yfir allar byggingar og byggingarreiti milli Bröttuhlíðar og Hverahlíðar, upp í þrjár lóðir. Vegna breytingar lóðarmarka eru kvaðir um lagnaleiðir og aðkomu að sorpi nú sýndar á uppdrætti. Byggingarheimildir haldast óbreyttar. Ofangreindar breytingarnar eru í fullu samræmi við gildandi aðalskipulag. Breytingin er talin óveruleg, þar sem allar byggingarheimildir haldast óbreyttar. Að öðru leyti haldast gildandi skipulagsskilmálar einnig óbreyttir.

Lagðar eru fram reglur um girðingar, skjólveggi og smáhýsi. Einnig er lagt fram skýringarit og leiðbeiningarrit sem er hugsað er sem almennar leiðbeiningar við gerð skjólveggja og fleiri mála er snerta lóðir og lóðamörk í Hveragerði.

Með áframhaldandi uppbyggingu í Kambalandi sem og við íþróttasvæðið í Ölfusdal er lagt til að Hveragerðisbær fari í átak í skógrækt og óski eftir samstarfi og samvinnu Skógræktarfélags Hveragerðis.

Skógrækt við Hamarinn kemur til með að styrkja ásýnd svæðisins og skapa skjól fyrir íbúa og gesti. Með því að rækta fjölbreytt tré og runna má draga úr vindi og bæta loftgæði, sem er sérstaklega mikilvægt við íþróttasvæði og göngustíga þar sem fólk dvelur lengi utandyra. Skógræktin verður einnig náttúrulegur bakgrunnur fyrir Kambaland, sem stuðlar að heildrænu og samfelldu yfirbragði svæðisins.

Í samhengi við uppbyggingu íþróttamannvirkja í dalnum er sömuleiðis mikilvægt að leggja áherslu á samfellda skógrækt meðfram Hamrinum. Slík skógrækt hefur fjölþætt gildi sem fellur vel að markmiðum Hveragerðisbæjar sem „blómabæjar“, þar sem náttúrufegurð og grænar lausnir eru í brennidepli.

Skógrækt styður við sjálfbærni og vistvæna þróun í takt við stefnu Hveragerðisbæjar. Með gróðursetningu og vistvænni landnotkun má stuðla að bindingu kolefnis, auk þess sem gróðurlendi veitir búsvæði fyrir fugla og smádýr sem styrkja líffræðilega fjölbreytni.

Skógrækt meðfram Hamrinum og í kringum íþróttamannvirkin er til þess fallin að auka ánægju og vellíðan bæjarbúa. Fegurð og skjólgóður gróður eykur gildi útivistar og bætir upplifun gesta sem koma í íþróttamannvirkin og að Kambalandi. Með samstilltu átaki í skógrækt má því skapa bæði varanleg verðmæti fyrir samfélagið og treysta ímynd Hveragerðisbæjar sem græns og fallegs staðar.

Lagt er fram tilboð í forhönnun og samráð við næsta nágrenni, vegna hönnunar leikskvæðis við Heiðmörk 66 frá Dagnýju Bjarnadóttur landslagsarkitekt hjá DLD.

Með bréfi dags. 5 maí 2025 óskar Elfa D. Þórðardóttir eftir breytingu á notkun efri hæðar Breiðumarkar 25 úr íbúð í gistiheimili. Kemur fram í umsókn að gistiheimili hafi verið rekið í húsinu frá árinu 2016.

Breiðamörk 25 er á miðsvæði M1 skv. gildandi aðalskipulagi. Segir að á reitnum skuli gera ráð fyrir blandaðri 1-2 hæða byggð sem falli vel að miðbæjarstarfsemi. Miðsvæði er í skipulagsreglugerð skilgreint sem svæði fyrir verslunar- og þjónustustarfsemi og stjórnsýslu sem þjónar heilu landsvæði, þéttbýlisstað eða fleiri en einu bæjarhverfi, svo sem verslanir, skrifstofur, þjónustustofnanir, hótel, veitinga- og gistihús, menningarstofnanir og önnur hreinleg atvinnustarfsemi sem talin er samræmast yfirbragði og eðli starfsemi miðsvæðis. Í gildandi deiliskipulagi sem samþykkt var 13. desember 1990 er Breiðamörk 25 tilgreind sem verslun- og þjónustustarfsemi og merkt hótel. Síðari breytingar á deiliskipulagi hafa ekki haft áhrif á notkun þó að í síðustu breytingu sé upprunalegt heiti hússins notað, sem er Þinghús.

Með bréfi dags. 12. maí 2025 óskar Geir Steinþórsson f.h. A3 fasteigna eftir heimild til að skipta eign 0101 að Hveramörk 19 upp í tvo eignarhluta.

Hveramörk 19 er tvíbýlishús með íbúð á sitthvorri hæðinni. Heimilað var árið 2003 að byggja bílskúr við íbúð 1. hæðar. Seinna var heimilað að byggja hæð ofan á húsið. Óskað er eftir að samþykkja íbúð í bílskúr. Á sömu lóð er einnig einbýlishús Hveramörk 19A í eigu þriðja aðila.

Í gildi er deilskipulag miðbæjarsvæðis samþykkt árið 1990. Engir skilmálar eru fyrir lóðina í deiliskipulaginu.

Lagt er fram breytt merkjalýsing með tilheyrandi lóðarblaði vegna lóðar við Borgarhraun 1. Bréf var sent til allra lóðarhafa dags. 5. maí 2025 og gefinn frestur til 23. maí til athugasemda. Engar athugasemdir bárust.

Lagt er fram breytt merkjalýsing með tilheyrandi lóðarblaði vegna lóðar við Borgarhraun 2. Bréf var sent til allra lóðarhafa dags. 5. maí 2025 og gefinn frestur til 23. maí til athugasemda. Engar athugasemdir bárust.

Lagt er fram breytt merkjalýsing með tilheyrandi lóðarblaði vegna lóðar við Borgarhraun 3. Bréf var sent til allra lóðarhafa dags. 5. maí 2025 og gefinn frestur til 23. maí til athugasemda. Engar athugasemdir bárust.

Lagt er fram breytt merkjalýsing með tilheyrandi lóðarblaði vegna lóðar við Borgarhraun 4. Bréf var sent til allra lóðarhafa dags. 5. maí 2025 og gefinn frestur til 23. maí til athugasemda. Engar athugasemdir bárust.

Lagt er fram breytt merkjalýsing með tilheyrandi lóðarblaði vegna lóðar við Borgarhraun 5. Bréf var sent til allra lóðarhafa dags. 5. maí 2025 og gefinn frestur til 23. maí til athugasemda. Engar athugasemdir bárust.

Lagt er fram breytt merkjalýsing með tilheyrandi lóðarblaði vegna lóðar við Borgarhraun 6. Bréf var sent til allra lóðarhafa dags. 5. maí 2025 og gefinn frestur til 23. maí til athugasemda. Engar athugasemdir bárust.