Samráðshópur um málefni fatlaðs fólks

Starfsmaður samráðshóps kynnti stöðu mála varðandi skipan fulltrúa hagsmunasamtaka í samráðshópinn fyrir starfstímabilið 2026-2027.

Fram kom að óskað hefur verið eftir tilnefningum frá hagsmunasamtökum fatlaðs fólks. Svör hafa borist frá Umhyggju, félagi langveikra barna, og Blindrafélaginu vegna erindisins.

Jafnframt hefur verið birt auglýsing á heimasíðu og Facebook-síðu Hveragerðisbæjar þar sem óskað er eftir áhugasömum fulltrúum hagsmunasamtaka til þátttöku í starfi samráðshópsins.

Samráðshópurinn leggur áherslu á mikilvægi þess að tryggja aðkomu og þátttöku fatlaðs fólks og hagsmunasamtaka þess í starfi hópsins.

Samráðshópur felur starfsmanni að hafa samband við tilnefnda aðila og stefnt verður á að þeir verði kynntir á næsta fundi samráðshóps.

Samráðshópur um málefni fatlaðs fólks fór yfir erindisbréf hópsins, dags. 29. janúar 2025, og fjallaði sérstaklega um 6. gr. erindisbréfsins.

Samráðshópurinn leggur áherslu á mikilvægi þess að framangreind ákvæði séu höfð til hliðsjónar við skipulagningu starfs hópsins og að tryggt sé að þeim verði fylgt eftir.

Samráðshópurinn felur starfsmanni hópsins, í samráði við formann og varaformann, að undirbúa tillögur að fyrirkomulagi árlegs samráðsfundar með hagsmunaaðilum og gerð árlegrar starfsskýrslu til kynningar fyrir bæjarráði. Tillögurnar verði í kjölfarið lagðar fyrir fulltrúa samráðshópinn til frekari umfjöllunar og ákvörðunar.

Starfsmaður samráðshóps kynnti málefnið og fór yfir mikilvægi þess að upplýsingar á vegum sveitarfélagsins séu aðgengilegar og settar fram á skýru og auðskildu máli.

Samráðshópurinn tekur jákvætt í kynninguna og leggur áherslu á mikilvægi auðlesins máls til að stuðla að auknu upplýsingaaðgengi, sjálfstæði og þátttöku fatlaðs fólks í sveitarfélaginu.

Samráðshópurinn vill hvetja allar stofnanir sveitafélagsins til að kynna sér verkefnið auðlesið Ísland og tileinka sér auðlesið mál við miðlun upplýsinga til íbúa. Einnig hvetur samráðshópurinn bæjarstjórn og stofnanir bæjarins til að skoða möguleikann á að fá kynningu um auðlesið mál frá verkefnastjóra Miðstöðvar um auðlesið mál.

Starfsmaður samráðshóps kynnti erindi sem sent var til stjórnenda Hveragerðisbæjar í tengslum við undirbúning fjárhagsáætlunar sveitarfélagsins fyrir árið 2027.

Í erindinu er vakin athygli á mikilvægi þess að huga að atvinnumöguleikum fyrir fatlað fólk og einstaklinga með skerta starfsgetu innan starfsstöðva sveitarfélagsins. Sérstaklega er hvatt til þess að stjórnendur skoði möguleika á sértækum sumarstörfum fyrir ungmenni, líkt og boðið hefur verið upp á undanfarin ár, sem og hlutastörfum og atvinnu með stuðningi, og geri ráð fyrir slíkum störfum í fjárhagsáætlunum sínum þar sem því verður við komið.

Samráðshópurinn leggur áherslu á mikilvægi þess að skapa fjölbreytt og aðgengileg atvinnutækifæri fyrir fatlað fólk og einstaklinga með skerta starfsgetu og stuðla þannig að aukinni atvinnuþátttöku, sjálfstæði og virkni í samfélaginu.

Samráðshópur leggur til við bæjarráð að taka málefnið sérstaklega til skoðunar við undirbúning fjárhagsáætlunar og fylgja erindi starfsmanns samráðshóps eftir við stjórnendur starfsstöðva sveitarfélagsins.