Bæjarráð

Lagt var fram bréf frá Brynju leigufélagi ses., dags. 6. mars 2026, þar sem upplýst er um að félagið hafi lagt fram umsókn til Húsnæðis- og mannvirkjastofnunar um stofnframlag til kaupa á þremur íbúðum í Hveragerðisbæ á árinu 2026. Stofnframlag sveitarfélaga í slíkum íbúðum er 12%.

Eftirtalin skjöl voru lögð fram:

Umsókn um tækifærisleyfi, dags. 11. mars 2026.

Bréf frá sýslumanninum á Suðurlandi, dags. 24. mars 2026.



Sýslumaðurinn á Suðurlandi óskar eftir umsögn vegna útgáfu tækifærisleyfis til áfengisveitinga í tengslum við árshátíð Hveragerðisbæjar sem fyrirhuguð er 18. apríl 2026.

Lagt var fram bréf frá nefnda- og greiningasviði Alþingis, dags. 24. mars 2026, þar sem tilkynnt er um að atvinnuveganefnd Alþingis hafi sent 529. og 530. mál til umsagnar í umsagnargátt Alþingis. Málin varða fyrirhugaða lagasetningu um lagareldi og breytingu á lögum um lax- og silungsveiði. Umsagnarfrestur er til og með 10. apríl 2026.

Lagt var fram bréf frá nefnda- og greiningasviði Alþingis, dags. 26. mars 2026, þar sem tilkynnt er um að umhverfis- og samgöngunefnd Alþingis hafi sent 565. mál til umsagnar í umsagnargátt Alþingis. Málið varðar frumvarp til breytinga á lögum um verndar- og orkunýtingaráætlun. Umsagnarfrestur er til og með 14. apríl 2026.

Lagt var fram bréf frá nefnda- og greiningasviði Alþingis, dags. 30. mars 2026, þar sem tilkynnt er um að umhverfis- og samgöngunefnd Alþingis hafi sent 582. mál til umsagnar í umsagnargátt Alþingis. Málið varðar frumvarp til breytinga á ýmsum lögum sem miðar að því að einfalda regluverk og auka skilvirkni eftirlits með hollustuháttum og mengunarvörnum. Umsagnarfrestur er til og með 16. apríl 2026.

Lagt var fram bréf frá Sambandi íslenskra sveitarfélaga, dags. 27. mars 2026, ásamt drögum að stefnu um opinbera þjónustu sem hefur verið í vinnslu hjá fjármála- og efnahagsráðuneytinu.

Eftirtalin skjöl voru lögð fram:

Bréf frá slökkviliðsstjóra Brunavarna Árnessýslu, dags. 26. mars 2026.

Brunavarnaáætlun Brunavarna Árnessýslu með gildistíma frá febrúar 2026 til febrúar 2031 (auðkenni: 09-03-2026 09:00).



Í bréfi frá slökkviliðsstjóra kemur fram að brunavarnaáætlun Brunavarna Árnessýslu hafi verið samþykkt af Húsnæðis- og mannvirkjastofnun og hjá stjórn Brunavarna Árnessýslu.

Lagt var fram bréf frá Gallup, móttekið 25. mars 2026, þar sem Hveragerðisbæ er boðin þátttaka í könnuninni "Sveitarfélag ársins".

Lagt var fram bréf frá Samtökum sunnlenskra sveitarfélaga, dags. 1. apríl 2026, þar sem óskað er eftir fulltrúum frá Hveragerðisbæ á samráðsfund/vinnustofu um endurskoðun byggðaáætlunar þann 21. apríl n.k. Fundurinn er haldinn af Innviðaráðuneytinu og Byggðastofnun í samstarfi við SASS.

Lagður er fram ársreikningur 2025 fyrir Hveragerðisbæ.



Helga Kristjánsdóttir, skrifstofustjóri, kom inn á fundinn undir þessum fundarlið og kynnti ársreikninginn.

Lagt var fram minnisblað skrifstofustjóra, dags. 23. mars 2026, ásamt endurútgefnu vottorði vegna jafnlaunavottunar fyrir Hveragerðisbæ.



Helga Kristjánsdóttir, skrifstofustjóri, kom inn á fundinn undir þessum fundarlið og kynnti niðurstöður jafnlaunavottunar.

Lögð var fram umsögn Hveragerðisbæjar, dags. 20. mars 2026, um frumvarp til sveitarstjórnarlaga.

Á fundi öldungaráðs dags. 18. mars 2026, voru ræddir möguleikar og þörf á almenningssamgöngum innanbæjar í Hveragerði. Á fundinum var eftirfarandi bókað: Öldungaráð veltir fyrir sér hvort ekki sé kominn tími til að kanna þörf íbúa fyrir innanbæjar Strætó með stækkandi bæjarfélagi og vaxandi umferð á götum bæjarins. Óskað er eftir að Hveragerðisbær kanni áhuga íbúa á slíkri þjónustu.

Lagður var fram ársreikningur 2025 fyrir Heilbrigðiseftirlit Suðurlands bs.

Lagður var fram ársreikningur 2025 fyrir Sorpstöð Suðurlands bs.

Lagður var fram ársreikningur 2025 fyrir Almannavarnir Árnessýslu.

Lagður var fram ársreikningur 2025 fyrir Arnardrang hses.

Lagður var fram ársreikningur 2025 fyrir Byggðasafn Árnesinga bs.

Lagður var fram ársreikningur 2025 fyrir Brunavarnir Árnessýslu bs.

Lagður var fram ársreikningur 2025 fyrir Bergrisann bs.

Lagður var fram ársreikningur 2025 fyrir Tónlistarskóla Árnesinga bs.

Kynnt er tillaga sem lögð verður fyrir bæjarstjórn um að bæjarstjórnarfundur sem fyrirhugaður var þann 13. maí n.k. verði færður til 12. maí 2026.

Eftirtalin skjöl voru lögð fram:

Skipulagsuppdráttur með skilmálum, dags. 27. janúar 2026.

Greinargerð, dags. mars 2026.

Skýringaruppdráttur, dags. 27. janúar 2026.

Skuggavarpsuppdráttur, dags. 27. janúar 2026.



Hildur Gunnarsdóttir, skipulagsfulltrúi, kom inn á fundinn og kynnti deiliskipulagstillöguna.

Lögð er fram eftirfarandi fyrirspurn frá fulltrúa D-lista:



Fulltrúi D-listans óskar eftir skriflegum svörum með sundurliðun á kostnaði vegna síðustu tveggja bæjarstjórnarfunda sem haldnir hafa verið í sal Grunnskólans í Hveragerði.



Óskað er eftir kostnaði við kaup eða leigu á búnaði til upptöku, kostnaði tæknimanna og einnig kostnaði vegna launa starfsmanna grunnskólans sem komu að uppsetningu á sal fyrir bæjarstjórnarfundina. Ásamt öðrum kostnaði sem kann að hafa fallið til vegna fundarhalda í grunnskólanum.



Friðrik Sigurbjörnsson

Lögð er fram eftirfarandi fyrirspurn frá fulltrúa D-lista:



Fulltrúi D-lista óskar eftir skriflegum upplýsingum um stöðu mála varðandi uppbyggingu íþróttamannvirkja í Hveragerði. Óskað er eftir uppfærðum kostnaðar- og tímaáætlunum vegna þeirra verkefna sem um ræðir.



Gervigrasvöllur

Óskað er eftir að tekin verði saman heildaryfirlit yfir þann kostnað sem fallið hefur á Hveragerðisbæ vegna uppbyggingar gervigrasvallar í dalnum. Í því yfirliti komi fram sundurliðun kostnaðar, m.a. vegna hönnunar, útboða, jarðvegsframkvæmda, lagna, tæknirýmis og lagningar gervigrass.



Jafnframt er óskað eftir:

-kostnaðaráætlun vegna fyrirhugaðrar fjárfestingar í ljósabúnaði við völlinn

-uppfærðri tímaáætlun verksins, þar sem skýrt komi fram hvenær gert er ráð fyrir að völlurinn verði tekinn í notkun annars vegar og hvenær uppsetningu ljósabúnaðar verði lokið hins vegar.



Íþróttahús við Skólamörk

Óskað er eftir að tekin verði saman heildaryfirlit yfir þann kostnað sem fallið hefur á Hveragerðisbæ vegna viðbyggingar við íþróttahúsið við Skólamörk. Í því yfirliti komi fram sundurliðun kostnaðar, m.a. vegna hönnunar, útboða og jarðvegsframkvæmda.



Jafnframt er óskað eftir:

- uppfærðri kostnaðaráætlun vegna verksins

- uppfærðri tímaáætlun, þar sem skýrt komi fram hvenær gert er ráð fyrir að viðbyggingin verði tekin í notkun

- áætluðum heildarkostnaði verksins við verklok



Þá óskar fulltrúi D-listans einnig eftir upplýsingum heildarkostnað við hönnun og útboði ásamt öðrum kostnaðarliðum sem tengjast hugmyndum að uppbyggingu íþróttamannvirkja á kjörtímabílinu. Svo sem vegna byggingar íþróttahús á grunni Hamarshallarinnar og vegna þeirra hugmynda sem uppi voru um bráðabirgða íþróttaaðstöðu í iðnaðarhúsnæði við Vorsabæ.



Friðrik Sigurbjörnsson

Lögð var fram verkfundargerð frá 4. mars 2026 vegna lagningar veitulagna í Reykjadal.

Lögð var fram verkfundargerð frá 19. mars 2026 vegna byggingar 1. áfanga íþróttahúss.

Lögð var fram verkfundargerð frá 5. mars 2026 vegna gatnagerðar í Hrauntungu og Tröllahrauni.

Lögð var fram fundargerð afgreiðslufundar byggingarfulltrúa frá 13. mars 2026.

Lögð var fram fundargerð afgreiðslufundar byggingarfulltrúa frá 26. mars 2026.

Lögð var fram fundargerð stjórnar Heilbrigðiseftirlits Suðurlands bs. frá 24. mars 2026.

Lögð var fram fundargerð stjórnar Tónlistarskóla Árnesinga bs. frá 24. mars 2026.

Lögð var fram fundargerð stjórnar Arnardrangs hses. frá 23. mars 2026.

Lögð var fram fundargerð stjórnar Sambands íslenskra sveitarfélaga frá 10. mars 2026.