Bæjarráð

684. fundur 04. október 2017 kl. 08:00 - 09:00 í fundarsal Breiðumörk 20

Nefndarmenn

Unnur Þormóðsdóttir formaður
Aldís Hafsteinsdóttir
Njörður Sigurðsson
Helga Kristjánsdóttir skrifstofustjóri

Fundargerð ritaði: Helga Kristjánsdóttir skrifstofustjóri

Dagskrá

Unnur Þormóðsdóttir, formaður, setti fund og stjórnaði. Leitaði hún eftir athugasemdum við fundarboð en engar komu fram.

1.Bréf frá Sýslumanninum á Suðurlandi frá 20.september 2017.

1709027

Aldís Hafsteinsdóttir vék af fundi meðan á afgreiðslu liðarins stóð.

Í bréfinu er óskað eftir umsögn Hveragerðisbæjar vegna umsóknar Ölverks Pizz&Brugghús um lengri opnun sem er í dag til 23:00 en óskað er eftir opnun til 01.00 alla daga.

Bæjarráð gerir ekki athugasemdir við lengri opnun hjá Ölverk Pizz&Brugghús.

2.Bréf frá Öryrkjabandalaginu frá 25.september 2017. - Trúnaðarmál.

1710001

Erindið fært í trúnaðarmálabók.

3.Bréf frá Neytendasamtökunum frá 14.september 2017.

1709028

Í bréfinu óska Neytendasamtökin eftir styrk frá Hveragerðisbæ.

Því miður sér bæjarráð sér ekki fært að verða við erindinu.

4.Bréf frá Mannvirkjastofnun frá 27.september 2017.

1710003

Í bréfinu óskar Mannvirkjastofnun eftir að Hveragerðisbær verði annað tveggja sveitarfélaga til að prufukeyra nýja byggingargátt.

Bæjarráð samþykkir að Hveragerðisbær muni prufukeyra nýju byggingargáttina.

5.Minnisblað frá bæjarstjóra vegna húsnæðis frístundaskólans.

1710002

Lagt fram minnisblað frá bæjarstjóra frá 2. október vegna húsnæðis fyrir frístundaskóla.

Bæjarráð samþykkir að leigja húsnæði Skátafélagsins Stróks undir frístundaskóla þar til eldra húsnæði leikskólans Undralands verður laust í október. Leigugreiðsla verði kr. 100.000.- á mánuði auk þess sem salur verði málaður að notkun lokinni

6.Minnisblað frá bæjarstjóra vegna Kambalands.

1710009

Lagt fram minnisblað frá bæjarstjóra frá 2. október vegna kaupa á byggingarlandi í Hveragerði "Kambaland".

Bæjarráð samþykkir að kaupa 22 hektara af byggingarlandi innan marka Hveragerðisbæjar, Kambaland. Allt svæðið hefur þegar verið deiliskipulagt en þar er gert ráð fyrir allt að 143 einbýlishúsalóðum, 2 parhúsalóðum og 11 raðhúsalóðum auk tveggja atvinnulóða.
Viðauki vegna kaupanna og tillaga að fjármögnun á þeim verður lögð fram þegar viðræðum um greiðslutilhögun lýkur.