Fréttir

Nýtt deiliskipulag vegna íbúðabyggðar á Eden- og Tívolíreitunum hefur verið samþykkt af bæjarstjórn. Í kjölfarið hefur verið gengið frá samkomulagi við Suðursali ehf um uppbyggingu á svæðinu. Heildarfjöldi íbúða verður 60-70 í tveggja til þriggja hæða fjölbýlishúsum með tveggja til fjögurra herbergja íbúðum frá 60-100m2 að stærð. Gert er ráð fyrir að framkvæmdir hefjist á haustmánuðum.

Viðurkenningar fyrir fegurstu garðana verða veittar í Hveragarðinum á morgun og verða garðarnir til sýnis á sunnudaginn, 25. júní.

Fjölbreytt dagskrá er samhliða íþróttakeppninni á Landsmóti 50+ í Hveragerði um komandi helgi. Tónlistarviðburðir, sýningar og opnar vinnustofur um allan bæ. Enn er opið fyrir skráningar í einstaka greinar og er um að gera að kynna sér það á heimasíðu UMFÍ.

Hveragerðisbær óskar eftir starfsmanni í íþróttamannvirki - sundlaug

Um er að ræða 100% starf sem felur m.a. í sér eftirliti með tækjabúnaði, baðgæslu í karlaklefa, laugargæslu, þrifum og afgreiðslustörfum. Unnið er á vöktum.

Nauðsynlegt er að viðkomandi hafi ánægju af því að starfa innan um börn, sé reglusamur, búi yfir hæfni í mannlegum samskiptum, nákvæmni og snyrtimennsku.

Gerð er krafa um að starfsmaður standist kröfur um hæfnispróf sundstaða. Æskilegur aldur 20 ára og eldri.

Nánari upplýsingar veitir Jóhanna M. Hjartardóttir, http://jmh@hveragerdi.is/

Umsóknareyðublöð liggja frammi í móttöku bæjarskrifstofu. Umsóknarfrestur er til og með 4. ágúst