Verkefnastjóri þjónustuvers og þjónustuþróunar
Hveragerðisbær auglýsir laust til umsóknar nýtt starf verkefnastjóra þjónustuvers og þjónustuþróunar á stjórnsýslusviði sveitarfélagsins
Um er að ræða fjölbreytt og spennandi starf þar sem áhersla er lögð á framúrskarandi þjónustu, skilvirka stjórnsýslu, stafrænar lausnir og umbætur verkferla. Starfið felur í sér daglega þjónustu við íbúa og starfsfólk ásamt þátttöku í þróun og samræmingu þjónustuferla í nánu samstarfi við stjórnendur og starfsfólk sveitarfélagsins.
Helstu verkefni og ábyrgð
- Þátttaka í uppbyggingu, skipulagningu og þróun þjónustuvers sveitarfélagsins.
- Umsjón með daglegri þjónustu, upplýsingagjöf og afgreiðslu erinda til íbúa og annarra þjónustunotenda.
- Umsjón með upplýsingamiðlun sveitarfélagsins m.a. á vefsíðu og samfélagsmiðlum.
- Þátttaka í innleiðingu og þróun stafrænna þjónustulausna og umbótum á þjónustuferlum.
- Samræming og uppfærsla upplýsinga, eyðublaða, sniðmáta og verklags.
- Umsjón með skjalavörslu, skjalaskráningu og samræmingu verklags við skjalavistun.
- Samræming skrifstofuinnkaupa og þátttaka í kostnaðareftirliti og hagræðingu.
- Samstarf og verkefnastuðningur við stjórnendur og starfsfólk þvert á starfseiningar sveitarfélagsins.
- Þátttaka í undirbúningi funda bæjarstjórnar, ráða og nefnda auk tilfallandi fundarritun.
Menntunar- og hæfniskröfur
- Háskólamenntun sem nýtist í starfi.
- Mjög góð tölvukunnátta og hæfni til að tileinka sér ný upplýsingakerfi og stafrænar lausnir.
- Framúrskarandi samskipta- og samstarfshæfni ásamt ríkri þjónustulund.
- Sjálfstæði, frumkvæði og skipulögð vinnubrögð.
- Hæfni til að skipuleggja, samræma og fylgja eftir fjölbreyttum verkefnum.
- Góð greiningarhæfni og lausnamiðuð hugsun.
- Nákvæmni, áreiðanleiki og hæfni til að forgangsraða verkefnum.
- Mjög góð íslensku- og enskukunnátta í ræðu og riti.
Æskileg viðbótarhæfni
- Háskólamenntun á sviði opinberrar stjórnsýslu eða verkefnastjórnun.
- Reynsla af stjórnsýslu, verkefnastjórn, þjónustuþróun eða sambærilegum störfum.
- Þekking á starfsemi sveitarfélaga og opinberri stjórnsýslu.
- Reynsla af innleiðingu stafrænna lausna, umbótaverkefnum eða breytingastjórnun.
- Þekking á skjalavörslu- og málakerfum, svo sem OneCRM.
- Reynsla af upplýsingamiðlun, vefumsjón eða efnisgerð fyrir stafræna miðla.
Nánari upplýsingar
Um er að ræða 85% starf á stjórnsýslusviði Hveragerðisbæjar með möguleika á aukningu. Umsóknarfrestur er til og með 7. desember 2026. Æskilegt er að viðkomandi geti hafið störf sem fyrst. Með umsókn skal skila ferilskrá, kynningarbréfi og upplýsingum um meðmælendur.
Umsóknum skal skila rafrænt í gegnum íbúagátt Hveragerðisbæjar.
Starfsstöð: Bæjarskrifstofa Hveragerðisbæjar.
Ráðning er tímabundin til 31. janúar 2028.
Laun og starfskjör eru samkvæmt gildandi kjarasamningi Sambands íslenskra sveitarfélaga og viðkomandi aðildarfélags BHM.
Nánari upplýsingar veitir Steinunn Erla Kolbeinsdóttir, sviðsstjóri stjórnsýslusviðs Hveragerðisbæjar í síma 483-4000 eða með tölvupósti: steinunn@hveragerdi.is.
Hveragerðisbær hvetur öll áhugasöm sem uppfylla hæfniskröfur til að sækja um starfið. Athygli er vakin á að upplýsingar um nöfn og starfsheiti umsækjenda geta verið afhentar samkvæmt upplýsingalögum.