Menningar-, atvinnu- og markaðsnefnd
Dagskrá
Formaður menningar-, atvinnu- og markaðsnefndar, Marta Rut Ólafsdóttir, setti fund og stjórnaði. Leitaði hún eftir athugasemdum við fundarboð en engar komu fram.
1.Umsókn í Afreks- og styrktarsjóð
2603071
Sótt er um styrk í Afreks- og styrktarsjóð fyrir Ástu Petreu Hannesdóttur keppanda í mótókrossi.
Menningar-, atvinnu- og markaðsnefnd ákveður að veita Ástu Petreu styrk að fjárhæð kr. 50.000,-. Fellur sú upphæð undir C-styrk sem samkvæmt vinnureglum sjóðsins er aðallega fyrir unga og efnilega íþróttamenn sem standa framarlega í sinni íþróttagrein, eru í úrvalshópum sinna sérsambanda eða í unglingalandsliðum.
2.Umsókn í Afreks- og styrktarsjóð
2602082
Sótt er um styrk í Afreks- og styrktarsjóð fyrir Dagbjart Finnsson kraftlyftingamann.
Nefndin samþykkir að veita Dagbjarti styrk að upphæð 75.000 kr., eða B-styrk skv. vinnureglum Afreks- og styrktarsjóðs. B-styrk fá umsækjendur sem eru í fremstu röð í sinni grein hér á landi.
3.Umsókn í Afreks- og styrktarsjóð
2601052
Guðbjörg Valdimarsdóttir sækir um styrk í Afreks- og styrktarsjóð vegna æfinga og keppni í „crossfit“.
Menningar-, atvinnu- og markaðsnefnd sammælist um að veita Guðbjörgu B-styrk sem hljóðar upp á kr. 75.000,-. B-styrkur er samkvæmt vinnureglum sjóðsins hugsaður fyrir íþróttafólk sem er í fremstu röð í sinni grein hér á landi.
4.Reglur um íþróttamann Hveragerðis
2604054
Lögð er fyrir nefndina tillaga að uppfærðum reglum um kjör íþróttamanns Hveragerðis.
Nefndin leggur til að tillaga að uppfærðum reglum verði samþykkt og birt á vef bæjarins.
5.Styrktarsjóður EBÍ 2026
2601126
Hveragerðisbær fékk styrk úr Styrktarsjóði EBÍ til að útbúa og setja upp skilti til minningar um kanadíska hermenn sem dvöldu í Hveragerði árið 1940.
Lagt fram til kynningar
6.Afmæli Hveragerðis 2026
2412055
Menningar-, atvinnu- og markaðsfulltrúi fer yfir dagskrána framundan vegna afmælis Hveragerðisbæjar.
Lagt fram til kynningar
7.Barnamenningardagar á Suðurlandi
2601148
Menningar-, atvinnu- og markaðsfulltrúi kynnir fyrir nefndinni dagskrá Barnamenningardaga sem haldnir verða dagana 23.-26. apríl nk. í Hveragerði.
Nefndin fagnar framtakinu og hvetur börn og ungmenni bæjarins til þátttöku.
8.Skilti
2403774
Verið er að steypa undirstöður fyrir nýtt bæjarskilti í Kömbunum og vonast er til að það verði komið upp fyrir afmælisdag bæjarins í lok apríl.
Lagt fram til kynningar.
Fundargerð lesin upp og samþykkt.
Fundi slitið - kl. 17:43.
Getum við bætt efni síðunnar?