Fræðslunefnd
Alda formaður nefndarinnar setti fund og stjórnaði. Leitaði hún eftir athugasemdum við fundarboð.
Eftirfarandi fært til bókar:
Dagskrá:
- Fundur settur
- Skýrslur skólastjórnenda
Óskaland
Tveir starfsmenn hættir vegna aldurs í nóvember og desember.
Vel hefur gengið að taka á móti og skila börnum utandyra. Engir foreldrar koma inn í leikskólann.
Foreldraviðtöl hafa gengið vel á Teams.
Árlegur föndurdagur með foreldrum og opið hús var fellt niður og verður föndurefni sent heim með hverju barni.
Eldri deildir fóru í gönguferð upp að Hamarshöll að sækja jólatré á lóðina.
Hljóm prófin eru búin og niðurstöðurnar voru mjög góðar.
Undraland
Áfram eru stóru mál haustsins aukinn undirbúningstími og stytting vinnuvikunnar.
Ágætlega hefur gengið að uppfylla kjarasamningsbundinn undirbúningstíma en enn erum við að þreifa okkur áfram með niðurröðun tímanna.
Tillögu leikskólana að styttingu vinnuviku sem send var inn í lok september hefur verið hafnað og ekki er búið að finna nýja lausn. Deildarstjórar hafa verið að skoða sínar deildir og komnar eru tillögur sem ætlunin er að prufukeyra fram að jólum.
Hljóm prófin eru búin og niðurstöðurnar voru mjög góðar.
Skipulagt hópastarf víkur fyrir aðventudagskrá frá og með 30. nóvember.
Vinnu við fjárhagsáætlun er lokið.
GíH
Sævar Þór fór yfir skýrslu skólastjóra þar sem meðal annars komu fram viðbrögð sem hafa verið í skólanum vegna Covid-19 og ágætar niðurstöður samræmdra könnunarprófa í 4. og 7. bekkjum.
Fundi slitið kl. 18.00
Næsti fundur: Mánudagur 25. janúar kl. 17.00