Fasteignafélag Hveragerðis ehf

Aðalfundur félagsins haldinn þann 14. september 2020. Formaður kynnti það sem helst var framkvæmt á árinu. Hefðbundið viðhald var á Hamarshöll en árlega þarf að yfirfara allan vélbúnað, endurnýja reimar og annað slíkt svo búnaður sé ávallt í góðu lagi. Svo virðist vera sem vararafstöð geti tæplega staðið af sér þau veður sem í Dalnum geta verið og í tvígang hefur hún ekki farið í gang þegar nauðsyn hefur verið á. Í annað skiptið vegna þess að fennt hafði inn á stjórnborð í ofsaveðri og hríð.

Fjárveiting var sett til yfirbyggingar á vélbúnaði árið 2019 en ekki tókst að koma því verki af stað vegna þess umfangs sem það endaði í í meðförum tæknimanna. Aftur hafa fjármunir verið settir í verkið núna árið 2020 og auknir um helming. Mikilvægt er að framkvæmdir hefjist við yfirbygginguna hið allra fyrsta svo vélbúnaðurinn fái nauðsynlegt skjól fyrir veðrum og vindum.

Á árinu var ráðist út í malbikun á bílaplani við Hamarshöll sem gert hefur allt umhverfi hallarinnar betra. Var sú framkvæmd fjármögnuð af bæjarsjóði. Framundan er að klára verkið en ríflega helmingur bílaplansins og endanlegur frágangur er eftir.

Að öðru leyti var rekstur félagsins með hefðbundnu sniði á árinu. Höllin hefur fyrir löngu sannað gildi sitt og er í stöðugri og fjölbreyttri notkun.

Stjórn samþykkir ársreikninginn og undirritar hann.

Í stjórn voru kosnir eftirfarandi: Aldís Hafsteinsdóttir, formaður, Eyþór H. Ólafsson og Njörður Sigurðsson.
Endurskoðendi verði Deloitte ehf.

Stjórn leggur til að tap ársins verði flutt til næsta árs.

Stjórn samþykkir óbreytta þóknun til stjórnarmanna sem er sú sama og greitt er fyrir nefndasetu hjá Hveragerðisbæ. Bæjarstjóri situr án þóknunar í stjórninni.

Lagningu gervigras er lokið. Við enda vallarins næst aðstöðuhúsi var sett gras sem nýtist líka golfurum. Áfram er unnið að undirbúningi að byggingu hús fyrir vélbúnað. Aðrar framkvæmdir eru minniháttar. Stjórn leggur ríka áherslu á að byggt verði yfir vélbúnað á þessu ári samkvæmt fjárhagsátlun.