Hlutverk Skólasels er að mæta þörfum fjölskyldna í bæjarfélaginu og skapa yngstu nemendum grunnskólans tryggan samverustað eftir að skóla lýkur þar sem þeir taka þátt í skipulögðum tómstundum, frjálsum leik úti og inni og hvíld.

Markmið Skólaselsins eru:

• Að skapa börnunum öruggt, hlýlegt og notalegt umhverfi þar sem þau fá notið sín í leik og starfi.
• Að gefa börnunum tækifæri til að leika í frjálsum leik með félögum sínum en þó í vernduðu umhverfi.
• Að gera börnunum kleift að stunda tónlistarnám á viðverutíma.
• Að gera börnunum kleift að stunda tómstundir á viðverutíma.
• Að stuðla að því að börnin upplifi sig á jákvæðan hátt og fái aukið sjálfstraust.
• Að efla hreyfi- og tjáningarfærni barnanna.
• Að stuðla að því að börn upplifi íþróttir sem jákvæða og ánægjulega reynslu.