Umhverfisnefnd

Umhverfisfulltrúi og Garðyrkjufulltrúi fóru yfir það helsta sem unnið var að í sumar. Að venju voru verkefnin mörg og fjölbreitt. Sérstaklega var áhugavert að heyra frá starfi Garðyrkjufulltrúa en það er ný staða hjá Hveragerðisbæ.

Farið var yfir drög af skýrslu um Heimsmarkmið Sameinuðu þjóðanna frá því í vor en hún er langt komin.

Á 34. fundi Umhverfisnefndar var samþykkt að hefja vinnu við endurskoðun á umhverfisstefnu Hveragerðisbæjar. Framhald málsins var rætt á fundinum.

Hveragerði og Samtök sunnlenskra sveitarfélaga / SASS vinna saman að tvíþættu verkefni sem gengur út að máta hugmyndafræði Hringrásarhagkerfis (zero waste) við sunnlensk sveitarfélög og hefur Hveragerðisbær samþykkt að vera „tilraunasamfélag“ í þessu verkefni. Ætlunin er að nýta aðferðir samsköpunar (co-creation) við að innleiða hugmyndafræðina, en sú vinna er partur af Erasmus verkefninu Crethink sem SASS er þátttakandi í. Hlutverk Hveragerðis er að útvega fólk í svokallaða ráðgjafanefnd sem jafnframt gegna hlutverki breytingarstjóra innan Crethink verkefnisins.

Zero Waste ráðgjafanefnd/ Breytingastjórar Crethink
Til þess þurfum við breytingastjóra sem innihalda fulltrúa frá:

Íbúum: Kolbrún Vilhjálmsdóttir
Fyrirtækjum: Anton Tómasson
Sveitafélag: Bryndís Eir Þorsteinsdóttir
Frjáls félagssamtök: Sigríður Kristjánsdóttir

Búið er að laga skeifuna, raða grjóti meðfram henni, skipta víðinum út og setja elri í staðinn. Haldinn var sjálfboðaliðadagur 23. maí og mættu um það bil 20 manns, stefnt er að hafa vinnudag sem fyrst aftur og þá á að planta fjölærum plöntum í skeifuna.

Garðyrkjudeildin hreinsaði garðinn rækilega í sumar, reitti arfa, kantskar alla stíga og fl. Í vetur munum við síðan fara yfir garðinn og klippa trén og grisja eitthvað af gömlu trjánum. Markmiðið er síðan að viðhalda garðinum með starfsfólki garðyrkjunnar þannig að hann sé alltaf í góðu standi, og sjálfboðaliðarnir geta þá einbeitt sér meira að því að hjálpa til við endurnýjun garðsins.