Bæjarstjórn

Fundargerðin er staðfest samhljóða með 7 atkvæðum.

Bæjarstjórn leggur sameiginlega fram eftirfarandi bókun:

Bæjarstjórn þakkar öllum þeim sem komu að undirbúningi, skipulagningu og framkvæmd hátíðarhalda í tilefni af þjóðhátíðardeginum 17. júní fyrir metnaðarfullt starf og afar vel heppnaða dagskrá.
Jafnframt óskar bæjarstjórn Jónasi Sigurðssyni og Áslaugu Hönnu Baldursdóttur innilega til hamingju með Menningarverðlaun Hveragerðisbæjar árið 2026. Veiting verðlaunanna er verðskulduð viðurkenning á framlagi þeirra til menningarlífs bæjarins og óskar bæjarstjórn þeim velfarnaðar í áframhaldandi störfum.

Fundargerðin er staðfest samhljóða með 7 atkvæðum.

Fundargerðin er staðfest samhljóða með 7 atkvæðum.

Bæjarfulltrúar meirihluta S-lista og D-lista leggja sameiginlega fram eftirfarandi bókun:

Bókun og tillaga vegna dagskrárliða 12, 13, 14, 17 og 18.
Þarna er m.a. fjallað um ábendingar frá íbúum um hraðakstur á Sunnumörk, Finnmörk, Hrauntungu og Heiðmörk. Meirihluti bæjarstjórnar tekur undir áhyggjur íbúa og bókanir skipulags- og umhverfisnefndar. Í því sambandi viljum við árétta það sem fram kemur í málefnasamningi D- og S-lista að eitt af forgangsverkefnum kjörtímabilsins eigi að vera endurnýjun merkinga á gangbrautum og hraðahindrunum og bæta við þar sem þörf er á og aðstæður leyfa.

Lagt er til að málið verði tekið til frekari skoðunar í bæjarráði með þátttöku umhverfisfulltrúa og sviðsstjóra tækni- og umhverfissviðs. Heildstætt yfirlit þarf að fá frá þeim um það hvar við stöndum í þessum málum og byrja sem fyrst á úrbótaverkefnum sem draga úr hraðakstri í Hveragerði.

Ingimar Guðmundsson
María Rún Þorsteinsdóttir
Sigmar Karlsson
Þorsteinn Hjartarson

Fundargerðin er staðfest samhljóða með 7 atkvæðum.

Bæjarstjórn gerir ekki athugasemdir við útgáfu veitingaleyfis til umsækjanda og samþykkir samhljóða, með 7 atkvæðum, að veita jákvæða umsögn.

Bæjarstjórn samþykkir að taka tilboði lægstbjóðanda frá Terra umhverfisþjónustu hf. í verkið og felur bæjarstjóra að undirrita verksamning.

Bæjarstjórn samþykkir samhljóða, með 7 atkvæðum, innkaup á sorpílátunum fyrir samtals kr. 9.600.000.- og felur bæjarstjóra að ganga frá kaupunum.

Bæjarfulltrúar meirihluta S-lista og D-lista leggja sameiginlega fram eftirfarandi bókun:
Meirhlutinn fagnar því að taka eigi í notkun leikskólakerfið Völu fyrir leikskólana í Hveragerði. Eins og fram kemur í minnisblaði er um að ræða umsóknar- og gjaldskráningarkerfi sem er samþætt bókhalds- og reikniskerfi bæjarfélagsins. Með notkun Völu er verið að einfalda ferlið og losna við tví- og þrískráningar þegar börn og foreldra þeirra eru skráðir.

Meginmarkmið með notkun kerfisins að fækka margskráningum og draga úr vinnu starfsfólks við innritun og innheimtu leikskólagjalda. Þá verður umsóknarferli foreldra barnanna, m.a. með tilliti til mismunandi vinnslu umsókna, systkinaafsláttar og breytinga á vistun, mun notendavænna.

Sviðsstjóra mennta-, menningar- og lýðheilsusviðs er falið að tryggja gott upplýsingaflæði til foreldra vegna innleiðingar á Völu leikskólakerfi.

Ingimar Guðmundsson
María Rún Þorsteinsdóttir
Sigmar Karlsson
Þorsteinn Hjartarson

Bæjarstjórn samþykkir samhljóða, með 7 atkvæðum, nytjaleyfis- og þjónustusamning um leikskólakerfið Völu og felur bæjarstjóra að undirrita samninginn. Sviðsstjóra mennta-, menningar- og lýðheilsusviðs er falið að tryggja gott upplýsingaflæði til foreldra vegna innleiðingar á Völu leikskólakerfi.

Bæjarstjórn samþykkir samhljóða, með 7 atkvæðum, að ganga til samninga við Húsameistara ehf. um viðbótarverk skv. framlagðri verklýsingu og felur bæjarstjóra undirritun samnings þess efnis.

Bæjarstjórn samþykkir samhljóða, með 7 atkvæðum, viðauka nr. 7 við fjárhagsáætlun 2026 að fjárhæð kr. 23.000.000.- vegna endurnýjunar á þaki lágbyggingar íþróttahúss.

Bæjarstjórn samþykkir samhljóða, með 7 atkvæðum, tillögu um hreinsunarviku og fegrunarátak í samstarfi við íbúa skv. framlögðu minnisblaði og felur umhverfisfulltrúa að hafa umsjón með verkefninu og vinna áfram í samstarfi við menningar-, atvinnu- og markaðsfulltrúa. Þá er umhverfisfulltrúa og menningar-, atvinnu- og markaðsfulltrúa falið að meta ávinning að verkefni loknu og skila stöðuyfirliti til bæjarstjórnar.

Bæjarstjórn samþykkir samhljóða, með 7 atkvæðum, deiliskipulagsbreytinguna sem er óveruleg sbr. 2. og 3. mgr. 43. gr. skipulagslaga nr. 123/2010.

Bæjarstjórn samþykkir samhljóða, með 7 atkvæðum, deiliskipulagsbreytinguna með áorðnum breytingum í samræmi við 3. mgr. 41. gr. skipulagslaga nr. 123/2010 og að í umsögn skipulagsfulltrúa felist afstaða bæjarstjórnar við innkomnum athugasemdum og umsögnum.

Bæjarstjórn samþykkir tillöguna samhljóða, með 7 atkvæðum, og hefur bæjarráð því umboð til fullnaðarafgreiðslu mála frá og með 3. júlí og til og með 31. ágúst 2026 vegna sumarleyfis bæjarstjórnar.

Bæjarstjórn samþykkir tillöguna samhljóða, með 7 atkvæðum.

Bæjarstjórn samþykkir samhljóða, með 7 atkvæðum, tillögu um breytingar á samþykktum Héraðsnefndar Árnesinga bs. og vísar málinu til síðari umræðu.

Bæjarfulltrúar minnihluta Okkar Hveragerði og Framsóknar leggja fram sameiginlega bókun:

Fulltrúar Framsóknar og Okkar Hveragerðis telja mikilvægt að nefndakerfi Hveragerðisbæjar sé reglulega endurskoðað og að stjórnsýsla sveitarfélagsins þróist í takt við breytt verkefni og þarfir samfélagsins. Til þess að hægt sé að taka upplýsta afstöðu til slíkra breytinga verður þó að liggja fyrir fullnægjandi greining og nauðsynleg gögn.

Í því máli sem hér liggur fyrir skortir verulega á þær upplýsingar sem nauðsynlegar eru til að meta tillöguna. Ekki liggur fyrir mat á kostnaði við að stofna nýja umhverfis- og veitunefnd, né hvaða áhrif breytingin hefur á rekstur, stjórnsýslu eða verkaskiptingu innan sveitarfélagsins. Þá er í greinargerð vísað til þess að efla eigi umfjöllun um íþrótta- og æskulýðsmál, án þess að nokkur skýring fylgi um hvernig það markmið verði útfært eða hvaða breytingar eru fyrirhugaðar á þeim málaflokkum.
Jafnframt er vísað til þess að verkefnaálag sveitarfélagsins hafi aukist vegna „breytinga á skipan eftirlitsmála“. Fulltrúar Framsóknar og Okkar Hveragerðis hafa hvorki fengið kynningu á þeim breytingum né gögn sem varpa ljósi á hvaða nýju verkefni um ræðir, umfang þeirra eða hvernig þau kalla á breytta nefndaskipan. Ekki er ásættanlegt að byggja veigamiklar skipulagsbreytingar á forsendum sem bæjarfulltrúum hafa ekki verið kynntar.

Fulltrúar Framsóknar og Okkar Hveragerðis telja því gagnrýnivert hvernig staðið er að undirbúningi tillögunnar. Bæjarfulltrúar eiga að geta byggt afstöðu sína á skýrum gögnum, faglegri greiningu og mati á áhrifum breytinga. Án slíks undirbúnings er ekki unnt að taka upplýsta afstöðu til málsins.
Að lokum leggja fulltrúar Framsóknar og Okkar Hveragerðis áherslu á að endurskoðun nefndakerfisins sé verkefni sem varðar allt sveitarfélagið en ekki aðeins starfandi meirihluta. Mikilvægt er að fulltrúar allra framboða fái virka aðkomu að þeirri vinnu frá upphafi, þannig að breytingarnar byggist á breiðri samstöðu og hagsmunum Hveragerðisbæjar til lengri tíma.

Marta Rut Ólafsdóttir
Jónas Guðnason
Sandra Lind Brynjarsdóttir

Fundarhlé kl. 17:50
Fundurinn hélt áfram kl. 18:14

Bæjarfulltrúar meirihluta S-lista og D-lista leggja sameiginlega fram eftirfarandi bókun:

Meirihluti er með viðkomandi tillögu að leggja til að bæjarstjóra verði falið í samstarfi við sviðsstjóra að vinna málið áfram og leggja fram tillögur til bæjarstjórnar um nauðsynlegar breytingar á skipulagi nefnda og erindisbréfum þeirra. Í þeirri vinnu munu allir bæjarfulltrúar hafa tækifæri til að koma sínum sjónarmiðum á framfæri.
Það liggur fyrir að með breytingum sem gerðar voru á stjórnsýslu sveitarfélagsins með stofnun fagsviða þarf að endurskoða verkefni og erindisbréf nefnda sveitarfélagsins. Hér er ekki um að ræða kollvörpun heldur aðeins það að skoða þetta í ljósi breytinganna.

Þá liggur fyrir að fyrirhugað afnám Heilbrigðiseftirlita Sveitarfélaga sem fjallað hefur verið um á Alþingi og gaumgæfilega í fjölmiðlum mun hafa áhrif á verkefni sveitarfélaga en eitt mikilvægasta úrlausnarefnið fyrir sveitarstjórnir þeirra fjórtán sveitarfélaga sem standa að HSL er að skýra hvaða verkefni verða áfram á sveitarstjórnarstigi eftir 1.janúar 2027.
Þá er ljóst að skipulags og umhverfisnefnd hefur verið verkum hlaðin. Umhverfis-og veitumál hafa fengið lítið vægi þar þó verkefnin hafi verið stór, sbr. gufuveitan, fyrirhugaðar virkjanir í Ölfusdal, vatnsgæði Varmár, neysluvatnsmegnum sem upp kom og almenn loftslagsmál. Sökum þessa teljum við mikilvægt að skoða hvort forsendur séu til að stofna aðra nefnd um þessi mikilvægu mál.
Hvað eflingu íþróttamála-og æskulýðsmála varðar þá þykir meirihluta brýnt að bregðast við þeirri gagnrýni sem hefur heyrst frá íþrótta-og æskulýðshreyfingunni varðandi samráðsleysi og óljósa ábyrgð á málflokknum sem tók breytingum nokkrum sinnum á síðasta kjörtímabili.
Varðandi kostnað vegna stofnunar nýrrar nefndar, þá liggja fyrir upplýsingar um kostnað vegna nefndastarfa í fjárhagsáætlun bæjarins.

Að lokum skal áréttað að hér er verið að leggja til að málið verði skoðað og um það snýst tillagan.

Ingimar Guðmundsson
María Rún Þorsteinsdóttir
Sigmar Karlsson
Þorsteinn Hjartarson

Samþykkt er með 4 atkvæðum bæjarfulltrúa D-lista og S-lista að hefja endurskoðun nefndakerfis Hveragerðisbæjar og að fela bæjarstjóra, í samstarfi við sviðsstjóra stjórnsýslusviðs og sviðsstjóra tækni- og umhverfissviðs, að vinna málið áfram og leggja fram tillögur til bæjarstjórnar um nauðsynlegar breytingar á skipulagi nefnda og erindisbréfum þeirra.
Bæjarfulltrúar Okkar Hveragerði og Framsóknar sitja hjá við atkvæðagreiðslu.

Bæjarfulltrúar minnihluta Okkar Hveragerði og Framsóknar leggja fram sameiginlega bókun:
Fulltrúar Framsóknar og Okkar Hveragerðis telja mikilvægt að bæjarstjórn hafi á hverjum tíma skýra yfirsýn yfir fjárhagsstöðu sveitarfélagsins og styðja markmið um ábyrga fjármálastjórn. Hins vegar fá fulltrúar Framsóknar og Okkar Hveragerðis ekki séð að þörf sé á sérstöku milliuppgjöri af þeim toga sem hér er lagt til.

Fjármálastjóri Hveragerðisbæjar leggur nú þegar fram ársfjórðungsleg uppgjör þar sem rekstur sveitarfélagsins er borinn saman við samþykkta fjárhagsáætlun og raunstaða metin. Þau uppgjör eru mikilvæg stjórntæki sem veita bæjarstjórn reglulega yfirsýn yfir rekstur, fjárhag og frávik frá áætlunum og skapa þannig forsendur fyrir upplýstri ákvarðanatöku.

Það vekur jafnframt athygli að ekki liggur fyrir kostnaðarmat vegna þeirrar vinnu sem hér er lögð til. Milliuppgjör af þessum toga kallar að jafnaði á aðkomu endurskoðenda og þar með aukinn kostnað vegna aðkeyptrar sérfræðiþjónustu. Það samræmist illa þeim yfirlýstu markmiðum meirihlutans, og sérstaklega D-lista, um að draga úr útgjöldum vegna aðkeyptrar þjónustu.

Jafnframt vekur athygli að undir fundarlið 10 samþykkti bæjarstjórn viðauka við fjárhagsáætlun þar sem auknar útsvarstekjur umfram áætlanir voru lagðar til grundvallar. Þar liggja fyrir upplýsingar um jákvæða þróun rekstrartekna sveitarfélagsins sem nýtast við mat á fjárhagsstöðu þess. Því verður ekki séð að sýnt hafi verið fram á brýna nauðsyn þess að ráðast í kostnaðarsamt milliuppgjör umfram þá reglubundnu fjárhagsupplýsingagjöf sem þegar fer fram.

Fulltrúar Framsóknar og Okkar Hveragerðis telja að áður en ráðist er í kostnaðarsama viðbótargreiningu þyrfti að leggja fram skýran rökstuðning fyrir því hvers vegna fyrirliggjandi ársfjórðungsuppgjör og önnur reglubundin fjárhagsgögn teljast ekki fullnægjandi, ásamt mati á kostnaði og ávinningi verkefnisins.

Marta Rut Ólafsdóttir
Jónas Guðnason
Sandra Lind Brynjarsdóttir

Fundarhlé kl. 18:24.
Fundur hélt áfram kl. 18:44.

Bæjarfulltrúar meirihluta S-lista og D-listans leggja sameiginlega fram eftirfarandi bókun:

Sú staða sem blasir við núverandi meirihluta varðandi fjárhagsstöðu sveitarfélagsins er í engu samræmi við málflutning fyrrum meirihluta í aðdraganda kosninganna í vor. Í því samhengi má nefna að fyrsta verkefni núverandi meirihluta var að samþykkja fyrirliggjandi lánsbeiðni að upphæð 265.000.000 m.a. til þess að standa straum af hefðbundnum rekstrarkostnaði og ekki eru fyrirhugaðar frekar lántökur á árinu miðað við núgildandi fjárhagsáætlun.

Því þykir meirihlutanum mikilvægt að fá faglegt mat á stöðunni og fjárhagslegu svigrúmi sveitarfélagsins varðandi fyrirliggjandi verkefni. Markmiðið með milliuppgjörinu er ekki einungis að líta til baka eða skoða núverand stöðu, heldur einnig að horfa fram á við í tengslum við rekstur, fjárfrek fyrirliggjandi verkefni og nauðsynlegar fjárfestingar. Horft verður til þess að halda kostnaði í lágmarki við uppgjörið og nýta m.a. mannauð sveitarfélagsins við vinnslu þess eins og kostur er.

Ljóst er að tekjur sveitarfélagsins eru ekki í takt við fjárhagsáætun, forsendur varðandi íbúafjölgun, vexti og verðbólgumarkmið eru brostnar, líkt og D og S listi bentu á ítrekað í nýlokinni kosningabaráttu. Sú staða kallar á viðbragð. Í kosningabaráttunni voru settar fram misvísandi fullyrðingar um fjárhagsstöðu sveitarfélagsins og því þykir okkur mikilvægt að fá skýrt hlutlaust mat á stöðunni.

Ingimar Guðmundsson
María Rún Þorsteinsdóttir
Sigmar Karlsson
Þorsteinn Hjartarson

Samþykkt er með 4 atkvæðum bæjarfulltrúa D-lista og S-lista að gera milliuppgjör á rekstri sveitarfélagsins miðað við 31. maí 2026 og að fela bæjarstjóra í samstarfi við sviðsstjóra stjórnsýslusviðs, að vinna málið áfram, hafa umsjón með framkvæmd og úrvinnslu milliuppgjörs og eftir atvikum leita utanaðkomandi ráðgjafar varðandi málið. Niðurstöður úr vinnunni verði kynnt fyrir bæjarstjórn.
Bæjarfulltrúar Okkar Hveragerði og Framsóknar sitja hjá við atkvæðagreiðslu.

Bæjarstjórn samþykkir samhljóða, með 7 atkvæðum, að hefja ferli við innkaup á sérfræðiþjónustu við endurskoðun og tengda þjónustu fyrir Hveragerðisbæ og felur bæjarstjóra í samstarfi við sviðsstjóra stjórnsýslusviðs, að vinna málið áfram og undirbúa tillögu að samstarfssamningi við löggiltan endurskoðanda eða endurskoðunarfyrirtæki.

Bæjarstjórn samþykkir samhljóða, með 7 atkvæðum, að gera bókasafnsþjónustu gjaldfrjálsa fyrir íbúa 67 ára og eldri frá og með 3. júlí 2026 og felur sviðsstjóra mennta-, menningar- og lýðheilsusviðs í samstarfi við forstöðumann bókasafnsins að gera tillögu um breytingu á gjaldskrá.