Bæjarstjórn

Fundargerðin var lögð fram.



Enginn tók til máls.

Fundargerðin var lögð fram.



Enginn tók til máls.

Fundargerðirnar voru lagðar fram.



Enginn tók til máls.

Fundargerðin var lögð fram.



Enginn tók til máls.

Fundargerðin var lögð fram.



Enginn tók til máls.

Fundargerðin var lögð fram.



Enginn tók til máls.

Fundargerðin var lögð fram.



Enginn tók til máls.

Fundargerðin var lögð fram.



Enginn tók til máls.

Fundargerðin var lögð fram.



Enginn tók til máls.

Fundargerðin var lögð fram.



Enginn tók til máls.

Fundargerðin var lögð fram.



Enginn tók til máls.

Fundargerðin var lögð fram.



Enginn tók til máls.

Fundargerðin var lögð fram.



Enginn tók til máls.

Fundargerðin var lögð fram.



Enginn tók til máls.

Fundargerðin var lögð fram.



Enginn tók til máls.

Lagður var fram til síðari umræðu ársreikningur Hveragerðisbæjar fyrir árið 2025 ásamt endurskoðunarskýrslu.



Meirihluti Okkar Hveragerðis og Framsóknar lagði sameiginlega fram eftirfarandi bókun:

Jákvæð rekstrarniðurstaða um 100 milljónir

Rekstrarniðurstaða Hveragerðisbæjar fyrir árið 2025 var jákvæð um 102 milljónir í A hluta samstæðunnar og jákvæð um 100 milljónir í A og B hluta samstæðunnar. Uppsafnaður rekstrarafgangur A hluta síðustu tveggja ára er 321 milljón og samstæðunnar 269 milljónir. Þetta er ánægjuleg niðurstaða og mikill frá viðsnúningur í rekstri frá fyrri árum.

Í fjárhagsáætlun fyrir árið 2026 er gert ráð fyrir 500 milljón króna jákvæðri rekstrarniðurstöðu samstæðunnar.

Skuldaviðmið samstæðu bæjarins er 126%. Ráðgert er í fjárhagsáætlun ársins að skuldaviðmið bæjarins verði komið niður í 118% við lok ársins 2026.

Þá hafa heildareignir Hveragerðisbæjar aukist á kjörtímabilinu um 86% - úr rúmlega 6 milljörðum í 11,5 milljarð.

Ljóst er að mikill jákvæður viðsnúningur hefur orðið á rekstri Hveragerðisbæjar. Það er fagnaðarefni. Samhliða mikilli innviðauppbyggingu hefur bærinn aukið við lántöku tímabundið sem hefur áhrif á skuldaálag bæjarins. Fjárhagsáætlun Hveragerðisbæjar gerir ráð fyrir að skuldálag bæjarins léttist strax við lok ársins 2026 og fari jafnt og örugglega niður næstu ár.



Sandra Sigurðardóttir

Dagný Sif Sigurbjörnsdóttir

Jóhanna Ýr Jóhannsdóttir

Njörður Sigurðsson

Halldór Benjamín Hreinsson



Minnishluti D-lista lagði fram eftirfarandi bókun:

Hér er lagður fyrir ársreikningur Hveragerðisbæjar fyrir árið 2025. Við fyrstu sýn lítur ársreikningurinn vel út, enda sýnir ársreikningurinn hagnað upp á um 100 milljónir króna. En staðreyndin er hins vegar allt önnur.



Raunverulegur hagnaður bæjarins er nefnilega ekki um 100 milljónir króna, heldur um 25 milljónir króna.



Þetta sést þegar að hagnaður af samstarfsverkefnum sunnlenskra sveitarfélaga þar sem hlutur Hveragerðisbæjar, sem er hagnaður upp á rúmar 75 milljónir króna, er dreginn frá. Sá hagnaður verður eftir hjá samstarfsverkefnunum og er ekki hluti af raunverulegum rekstri Hveragerðisbæjar, þó hann sé talinn fram í samstæðu sveitarfélagsins eins og skylt varð að gera eftir 2021. Það er því ljóst að sá afgangur sem meirihlutinn hefur vísað í og sést í ársreikningnum gefur ekki rétta mynd af rekstri bæjarins.



Ef horft er síðan á upprunalegu fjárhagsáætlun Hveragerðisbæjar fyrir árið 2025 þá var gert ráð fyrir að rekstrarniðurstaða A og B hluta yrði jákvæð um rúmar 177 milljónir króna. Niðurstaða ársreikningsins er því 152 milljónum krónum lakari en fjárhagsáætlun gerði ráð fyrir.



Á sama tíma og reksturinn stendur varla undir sér halda skuldir áfram að vaxa hratt. Skuldir bæjarins eru nú komnar í um 9,6 milljarða króna. Til samanburðar voru þær í upphafi kjörtímabilsins rúmir 5 milljarðar króna. Sú þróun sem hefur orðið á kjörtímabilinu í skuldasöfnun dregur úr svigrúmi bæjarins til þess að byggja upp til framtíðar.



Athyglisvert er síðan að sjá að veltufé frá rekstri A og B hluta er 478 milljónir króna á meðan að næsta árs afborganir langtímaskulda eru 560 milljónir króna og eru þá ótaldar afborganir vegna leiguskuldarinnar sem nema rúmum 40 milljónum króna.



Í flestra augum er allt þetta staðreynd um að reksturinn sé á hættulegri braut.



Uppbygging þjónustu bæjarfélags í vexti er ánægjuleg og nauðsynleg. En það verður að gera það með skynsamlegum hætti. Þegar reksturinn skilar nánast engum afgangi, uppbygging innviða er takmörkuð en skuldir halda áfram að vaxa þá er eitthvað ekki að ganga upp.



Það verður að fara varlega, forgangsraða betur og tryggja að rekstur bæjarins standi undir þeirri uppbyggingu sem ráðist er í. Verkefni þeirra sem taka við á nýju kjörtímabili verður því stórt og vandasamt, en það er ljóst að taka þarf til í rekstri bæjarins eftir meirihluta Framsóknar og Okkar Hveragerðis á þessu kjörtímabili.



Friðrik Sigurbjörnsson

Alda Pálsdóttir



Eftirtaldir tóku til máls: Sandra Sigurðardóttir, Jóhanna Ýr Jóhannsdóttir, Friðrik Sigurbjörnsson, Njörður Sigurðsson og Dagný Sif Sigurbjörnsdóttir.

Lagt var fram minnisblað Helgu Kristjánsdóttur, skrifstofustjóra, dags. 20. apríl 2026, ásamt fylgiskjali, þar sem gerð er tillaga að viðauka nr. 3 við fjárhagsáætlun 2026 vegna veikinda starfsmanns á bæjarskrifstofu, að fjárhæð kr. 3.000.000.-. Lagt er til að auknum útgjöldum verði mætt af liðnum annar kostnaður bæjarstjórnar vegna launa nr. 21010-9980.



Málið var tekið fyrir í bæjarráði þann 7. maí s.l. og lagði bæjarráð til við bæjarstjórn að samþykkja viðaukann.



Enginn tók til máls.

Lögð voru fram drög að samningi milli Hveragerðisbæjar og Veiðifélags Varmár og Þorleifslækjar um greiðslur vegna veiðibanns í Varmá á árunum 2026 og 2027.



Málið var tekið fyrir í bæjarráði þann 7. maí s.l. og lagði bæjarráð til við bæjarstjórn að samþykkja samninginn.



Enginn tók til máls.

Lögð var fram umsókn Jónasar Sigurðssonar, dags. 20. mars 2026, um styrk til húsverndar vegna Breiðumarkar 14 í Hveragerði, ásamt fylgiskjölum.



Umsóknin var tekin fyrir í skipulags- og umhverfisnefnd þann 21. apríl s.l. þar sem lagt var til við bæjarstjórn að samþykkja að veita umsækjanda styrk til húsverndar í samræmi við umsókn um að færa skilti í upprunalegt horf.



Umsóknin var tekin fyrir í bæjarráði þann 7. maí s.l. þar sem meirihluti bæjarráðs, fulltrúar Okkar Hveragerði og Framsókn, lögðu til við bæjarstjórn að samþykkja umsóknina og veita umsækjanda kr. 1.000.000.- í styrk í því skyni að breyta skilti á framhlið Breiðumarkar 14 til samræmis við upprunalegt horf. Fulltrúi D-lista sat hjá.



Minnihluti D-lista lagði fram eftirfarandi bókun:

Þar sem að bæjarfulltrúar D-listans greiddu atkvæði gegn því að reglur um styrki til húsverndunar í Hveragerði tækju gildi sitja bæjarfulltrúar D-listans hjá við afgreiðslu þessa umsóknar.



Friðrik Sigurbjörnsson

Alda Pálsdóttir



Eftirtaldir tóku til máls: Sandra Sigurðardóttir, Njörður Sigurðsson og Friðrik Sigurbjörnsson.

Lagt var fram minnisblað Guðjónu Bjarkar Sigurðardóttur, framkvæmdastjóra Íþróttafélagsins Hamars, og Elfu Birkisdóttur, sviðsstjóra mennta-, menningar- og lýðheilsusviðs, dags. 27. apríl 2026, þar sem óskað er eftir styrk vegna fjölgreinaverkefnis fyrir börn í 1. og 2. bekk vegna ársins 2026 að fjárhæð kr. 3.190.000.-



Málið var tekið fyrir í bæjarráði þann 7. maí s.l. þar sem lagt var til við bæjarstjórn að samþykkja greiðslur til Íþróttafélagsins Hamars vegna fjölgreinaverkefnis fyrir nemendur í 1. og 2. bekk á árinu 2026 að fjárhæð kr. 3.190.000.-



Eftirtaldir tóku til máls: Sandra Sigurðardóttir og Jóhanna Ýr Jóhannsdóttir.

Lagt var fram minnisblað Steinunnar Erlu Kolbeinsdóttur, bæjarritara, dags. 4. maí 2026, ásamt fylgiskjali, þar sem gerð er tillaga að viðauka nr. 6 við fjárhagsáætlun 2026, að fjárhæð kr. 3.190.000.- vegna áframhaldandi samstarfs við Íþróttafélagið Hamar um fjölgreinaverkefni iðkenda í 1. og 2. bekk grunnskóla. Um er að ræða tillögu á hækkun liðar nr. 06810-9420 og auknum útgjöldum mætt af handbæru fé.



Málið var tekið fyrir í bæjarráði þann 7. maí s.l. og lagði bæjarráð til við bæjarstjórn að samþykkja viðaukann.



Enginn tók til máls.

Eftirtalin skjöl voru lögð fram:

Drög að samningi við Advania Ísland ehf.

Minnisblað Röðuls Reys Kárasonar, stafræns leiðtoga, dags. 13. apríl 2026.



Samningurinn gerir ráð fyrir kaupum Hveragerðisbæjar á hugbúnaðarleyfum vegna leitarvélar og spjallmennis til þess að bæta við heimasíðu Hveragerðisbæjar.



Málið var tekið fyrir í bæjarráði þann 16. apríl s.l. og lagði bæjarráð til við bæjarstjórn að samþykkja samninginn og fela bæjarstjóra undirritun hans.



Eftirtaldir tóku til máls: Sandra Sigurðardóttir og Njörður Sigurðsson.

Eftirtalin skjöl voru lögð fram:

Þjónustusamningur við Nexum ehf. um Icepets gæludýraskráningarkerfið.

Tilboð í merki með QR kóða fyrir gæludýr.

Minnisblað Röðuls Reys Kárasonar, stafræns leiðtoga, dags. 8. apríl 2026.

Kynning á Icepets gæludýraskráningarkerfinu.



Samningurinn við Nexum ehf. gerir ráð fyrir kaupum Hveragerðisbæjar á hugbúnaðarleyfum vegna Icepets sem er rafrænt skráningarkerfi fyrir gæludýr. Þá er ráðgert að merkingar skráðra gæludýra verði framvegis merki með QR kóða.



Málið var tekið fyrir í bæjarráði þann 16. apríl s.l. og lagði bæjarráð til við bæjarstjórn að samþykkja samning um Icepets gæludýraskráningarkerfið og fela bæjarstjóra undirritun hans.



Enginn tók til máls.

Lagt var fram minnisblað Péturs G. Markan, bæjarstjóra, dags. 13. apríl 2026, þar sem gerð er tillaga um að veita styrk vegna hreinsunar á orgeli Hveragerðiskirkju.



Málið var tekið fyrir í bæjarráði þann 16. apríl s.l. og lagði bæjarráð til við bæjarstjórn að samþykkja að veita Hveragerðiskirkju kr. 100.000.- í styrk vegna hreinsunar á orgeli.



Enginn tók til máls.

Á fundi bæjarstjórnar þann 9. apríl s.l. var samþykkt tillaga um stofnun hóps sem falið var að vinna stefnu um varðveislu sögu og ásýndar gróðurhúsarfleiðar í Hveragerðisbæ. Þá var bæjarstjóra falið að gera tillögu að skipan hópsins og koma með inn í bæjarráð þann 16. apríl.



Málið var tekið fyrir í bæjarráði þann 16. apríl s.l. þar sem lagt var fram minnisblað Péturs G. Markan bæjarstjóra, dags. 13. apríl 2026. Í tillögu bæjarstjóra var mælt með að skipað yrði í hópinn á fyrstu fundum nýrrar bæjarstjórnar þannig tryggt yrði að það mikilvæga verkefni sem hópnum er ætlað að vinna, raskist ekki vegna fyrirséðra mannabreytingar í bæjarstjórn, í kjölfar sveitarstjórnarkosninga 16. maí n.k. Þá yrði einnig lagt fram, á sama fundi, verklýsing í erindisbréfi sem hópnum er ætlað að vinna eftir. Á fundi bæjarráðs var samþykkt að leggja til við bæjarstjórn að skipa í hópinn á fyrsta fundi eftir sveitarstjórnarkosningar til þess að tryggja samfellu í vinnu hópsins.



Meirihluti Okkar Hveragerðis og Framsóknar lagði sameiginlega fram eftirfarandi bókun:



Með samþykkt tillögu Okkar Hveragerðis og Framsóknar um stofnun starfshóps til að móta stefnu um varðveislu sögu og ásýndar gróðurhúsaarfleiðar Hveragerðis er stigið mikilvægt skref til að tryggja að þessi sérstaki þáttur í sögu og bæjarmynd Hveragerðis fái aukið vægi í þeirri miklu uppbyggingu sem fram undan er. Skipað verður í hópinn strax að loknum kosningum og mun hann hefja störf á næstu vikum. Með þessu er viðurkennt að gróðurhúsin eru ekki aðeins hluti af atvinnusögu bæjarins heldur einnig mikilvægur þáttur í sjálfsmynd og sérstöðu Hveragerðis. Markviss stefnumótun og vandað skipulag skapa þannig tækifæri til að varðveita og þróa þessa arfleifð áfram til framtíðar.



Sandra Sigurðardóttir

Dagný Sif Sigurbjörnsdóttir

Jóhanna Ýr Jóhannsdóttir

Njörður Sigurðsson

Halldór Benjamín Hreinsson



Eftirtaldir tóku til máls: Sandra Sigurðardóttir og Njörður Sigurðsson.

Lagt var fram minnisblað Jóns Friðriks Matthíassonar, sviðsstjóra tækni- og umhverfissviðs, dags. 13. apríl 2026 vegna opnunar tilboða í öryggisvörslu fyrir Hveragerðisbæ til næstu fjögurra ára.



Eftirtalin tilboð bárust í þjónustu vegna öryggisvörslu:

Securitas, tilboð að fjárhæð kr. 15.570.568.-

Öryggismiðstöðin, tilboð að fjárhæð kr 18.346.200.-



Málið var tekið fyrir í bæjarráði þann 16. apríl s.l. og lagði bæjarráð til við bæjarstjórn að samþykkja tilboð Securitas að fjárhæð kr. 15.570.568.- í þjónustu vegna öryggisvörslu fyrir Hveragerðisbæ og fela bæjarstjóra að ganga til samninga á grundvelli tilboðsins.



Enginn tók til máls.

Lagt var fram minnisblað Péturs. G. Markan, bæjarstjóra, dags. 14. apríl 2026, þar sem gerð er tillaga um að samþykkt verði tilfærsla stöðugildis af velferðarsviði yfir á stjórnsýslusvið.



Málið var tekið fyrir í bæjarráði þann 16. apríl s.l. og lagði bæjarráð til við bæjarstjórn að samþykkja að breytingu á hlutverki forstöðumanns stuðningsþjónustu á velferðarsviði og bjóða starfsmanni nýja stöðu á stjórnsýslusviði m.a. vegna vinnslu mannauðsmála.



Enginn tók til máls.

Lagt var fram minnisblað Steinunnar Erlu Kolbeinsdóttur, bæjarritara, dags. 4. maí 2026, ásamt fylgiskjali, þar sem gerð er tillaga að viðauka nr. 4 við fjárhagsáætlun 2026, að fjárhæð kr. 9.800.000.- vegna tilfærslu á kostnaði af lið nr. 02430 stuðningsþjónusta og á lið nr. 21400 bæjarskrifstofa, vegna vinnslu mannauðsmála.



Málið var tekið fyrir í bæjarráði þann 7. maí s.l. og lagði bæjarráð til við bæjarstjórn að samþykkja viðaukann.



Enginn tók til máls.

Lögð var fram ósk frá ungmennaráði sem samþykkt var á fundi ungmennaráðs þann 9. apríl 2026, um aukið fjármagn til starfsemi ungmennaráðs.



Eftirtaldir tóku til máls: Sandra Sigurðardóttir.

Lögð var fram ósk frá ungmennaráði sem samþykkt var á fundi ungmennaráðs þann 9. apríl 2026, um þátttöku í undirbúningi fyrir hátíðir bæjarins.



Eftirtaldir tóku til máls: Sandra Sigurðardóttir og Friðrik Sigurbjörnsson.

Lögð var fram áskorun frá ungmennaráði sem samþykkt var á fundi ungmennaráðs þann 9. apríl 2026 um að fulltrúar ungmennaráðs fái tækifæri til þess að sitja í fastanefndum bæjarins í samræmi við íþrótta- og frístundastefnu Hveragerðisbæjar.



Eftirtaldir tóku til máls: Sandra Sigurðardóttir.

Lagðar voru fram endurskoðaðar reglur um kjör íþróttamanns Hveragerðis.



Málið var tekið fyrir í menningar-, atvinnu- og markaðsnefnd þann 14. apríl s.l. þar sem lagt var til við bæjarstjórn að samþykkja uppfærðar reglur um kjör íþróttamanns Hveragerðis og láta birta þær á heimasíðu Hveragerðisbæjar.



Eftirtaldir tóku til máls: Sandra Sigurðardóttir.

Lagt var fram erindi frá Tónræktinni ehf., dags. 5. mars 2026, vegna tónlistarhátíðar í Lystigarðinum dagana 4.-5. júlí 2026, þar sem óskað er eftir styrk frá Hveragerðisbæ að fjárhæð kr. 2.900.000.-



Málið var tekið fyrir í bæjarráði þann 7. maí s.l. þar sem lagt var til við bæjarstjórn að samþykkja styrk til Tónræktarinnar ehf. vegna tónlistarhátíðarinnar Allt í blóma sem fram fer í Lystigarðinum í Hveragerði dagana 4.-5. júlí 2026, að fjárhæð kr. 2.000.000.- að því tilskyldu að viðeigandi leyfi fáist fyrir hátíðinni. Fram kom að um væri að ræða hækkun um kr. 1.000.000.- frá því á árinu 2025 í tilefni að 80 ára afmæli bæjarins.



Enginn tók til máls.

Lagt var fram bréf til bæjarstjórnar Hveragerðisbæjar, dags. 30. apríl 2026, frá Lindu Sif Brynjarsdóttur og Einari Sigurðssyni, þar sem lögð er fram beiðni um niðurfellingu fasteignagjalda vegna eignarinnar Laufskóga 19 þar sem jarðhiti hefur valdið skemmdum á fasteigninni.



Málið var tekið fyrir í bæjarráði þann 7. maí s.l. þar sem eftirfarandi var bókað: "Bæjarráð telur skilgreiningu náttúruhamfara í 2. gr. reglugerðar um Náttúruhamfaratryggingu Íslands nr. 770/2023 vera ófullnægjandi þar sem jarðhiti virðist ekki falla undir skilgreininguna og felur bæjarstjóra að senda Sambandi íslenskra sveitarfélaga og fjármála- og efnahagsráðherra erindi vegna þessa. Þá leggur bæjarráð til við bæjarstjórn að fela bæjarstjóra að afla upplýsinga um hvort lagaheimildir séu til staðar fyrir niðurfellingar á fasteignagjöldum."



Eftirtaldir tóku til máls: Sandra Sigurðardóttir og Halldór Benjamín Hreinsson.

Lögð var fram skýrsla starfshóps um félags- og þjónustukjarna fyrir 60 plús í Hveragerði, dags. 14. apríl 2026.



Málið var tekið fyrir í bæjarráði þann 7. maí s.l. þar sem eftirfarandi var bókað: "Bæjarráð fagnar og þakkar fyrir vel unna og efnismikla þarfagreiningar- og staðarvalsskýrslu þjónustukjarna fyrir 60 plús í Hveragerði. Ljóst er að næsti kafli í verkefninu verður unninn á skipulagsstigi. Bæjarráð vísar skýrslunni til umræðu og vinnslu í skipulags- og umhverfisnefnd."



Enginn tók til máls.

Lagt var fram bréf frá Brynju leigufélagi ses., dags. 6. mars 2026, þar sem upplýst er um að félagið hafi lagt fram umsókn til Húsnæðis- og mannvirkjastofnunar um stofnframlag til kaupa á þremur íbúðum í Hveragerðisbæ á árinu 2026. Stofnframlag sveitarfélaga í slíkum íbúðum er 12%.

Þá er lagt fram minnisblað frá samráðshópi um málefni fatlaðs fólks í Hveragerði, dags. 28. apríl 2026, þar sem fram kemur að þörf sé á húsnæði í Hveragerði fyrir þann hóp sem uppfyllir skilyrði Brynju leigufélags ses. til úthlutunar húsnæðis.



Málið var tekið fyrir í bæjarráði þann 7. maí s.l. og lagði bæjarráð til við bæjarstjórn að samþykkja að leggja til 12% stofnframlag til Brynju leigufélags ses. vegna kaupa á þremur íbúðum í Hveragerðisbæ með þeim fyrirvara að framlagið sé innan þeirra marka sem ætlað er til félagslegs leiguhúsnæðis í fjárfestingaráætlun Hveragerðisbæjar á árinu 2026.



Eftirtaldir tóku til máls: Sandra Sigurðardóttir og Njörður Sigurðsson.

Lagt var fram minnisblað Guðjónu Bjarkar Sigurðardóttur, framkvæmdastjóra Íþróttafélagsins Hamars, og Kolbrúnar Tönju Eggertsdóttur, forstöðumanns stuðningsþjónustu og málefna eldri borgara, þar sem gerð er tillaga um að samþykkja að hækka greiðslur vegna námskeiðsins Heilsuefling 60 plús á vegum Íþróttafélagsins Hamars um kr. 1.300.000.- þar sem þörf er á aðstoðarþjálfara vegna ásóknar í námskeiðið.



Málið var tekið fyrir í bæjarráði þann 7. maí s.l. og lagði bæjarráð til við bæjarstjórn að samþykkja að hækka greiðslur til Íþróttafélagsins Hamars vegna aukningu á kostnaði vegna námskeiðsins Heilsuefling 60 plús á árinu 2026 að fjárhæð kr. 1.300.000.-



Enginn tók til máls.

Lagt er fram minnisblað Steinunnar Erlu Kolbeinsdóttur, bæjarritara, dags. 6. maí 2026, ásamt fylgiskjali, þar sem gerð er tillaga að viðauka nr. 5 við fjárhagsáætlun 2026, að fjárhæð kr. 1.300.000.- vegna kostnaðarauka við heilsueflingu 60 plús. Um er að ræða hækkun liðar nr. 02480-9990 og er kostnaðurinn tekinn af handbæru fé.



Málið var tekið fyrir í bæjarráði þann 7. maí s.l. og lagði bæjarráð til við bæjarstjórn að samþykkja viðaukann.



Enginn tók til máls.

Lagt var fram minnisblað Snjólaugar Sigurjónsdóttur, félagsráðgjafa á velferðarsviði, dags. 13. apríl 2026, þar sem gerð er tillaga um að fjárhagsaðstoð til framfærslu hjá Hveragerðisbæ verði hækkuð frá og með 1. maí 2026, miðað við tilgreiningu í minnisblaðinu.



Málið var tekið fyrir hjá velferðar- og fræðslunefnd þann 5. maí s.l. þar sem nefndin samþykkti fyrir sitt leyti hækkun á fjárhagsaðstoð til framfærslu.

Málið var tekið fyrir hjá bæjarráði þann 7. maí s.l. og lagði bæjarráð til við bæjarstjórn að samþykkja tillögu í framlögðu minnisblaði um hækkun fjárhagsaðstoðar til framfærslu hjá Hveragerðisbæ frá og með 1. maí 2026.



Enginn tók til máls.

Lagt er fram minnisblað Árnýjar G. Guðfinnsdóttur, garðyrkjustjóra, dags. 17. mars 2026, vegna kaupa og uppsetningar á ærslabelg í Hveragerðisbæ.



Málið var tekið fyrir í skipulags- og umhverfisnefnd þann 5. maí s.l. og lagði nefndin til við bæjarstjórn að samþykkja kaup á nýjum ærslabelg af stærri gerðinni skv. minnisblaðinu og staðsetja í Smágörðum við Breiðumörk.



Eftirtaldir tóku til máls: Sandra Sigurðardóttir, Friðrik Sigurbjörnsson og Njörður Sigurðsson.

Lagður er fram viðauki við fjárhagsáætlun Brunavarna Árnessýslu bs. sem samþykktur var á fundi stjórnar byggðasamlagsins þann 30. apríl 2026 og á aukaaðalfundi Brunavarna Árnessýslu þann 14. apríl 2026.



Málið var tekið fyrir í bæjarráði þann 7. maí s.l. þar sem bæjarráð lagði til við bæjarstjórn að samþykkja viðauka við fjárhagsáætlun Brunavarna Árnessýslu bs. en viðaukinn hefur ekki áhrif á fjárhagsáætlun Hveragerðisbæjar enda er um að ræða tilfærslu á milli liða innan samþykktrar fjárhagsáætlunar byggðasamlagsins.



Enginn tókt til máls.

Lögð var fram fundargerð 36. fundar stjórnar Brunavarna Árnessýslu frá 30. apríl s.l. þar sem stjórn byggðasamlagsins samþykkti lántöku Brunavarna Árnessýslu bs. vegna fjárfestinga á byggingu nýrrar slökkvistöðvar á Flúðum og vegna kaupa á nýrri slökkvibifreið sem staðsett verður í Reykholti.



Málið var tekið fyrir í bæjarráði þann 7. maí s.l. þar sem bæjarráð lagði til við bæjarstjórn að samþykkja einfalda ábyrgð Hveragerðisbæjar vegna lántöku Brunavarna Árnessýslu bs. í samræmi við bókun stjórnar Brunavarna Árnessýslu bs. og er bókunin lögð fram.



Enginn tók til máls.

Lagt var fram bréf frá Ingibjörgu Sigurðardóttur og Guðmundi Vigni Sigurðssyni þar sem óskað er eftir breytingu á deiliskipulagi og úthlutun lóðar fyrir gusu.



Málið var tekið fyrir hjá skipulags- og umhverfisnefnd þann 5. maí s.l. þar sem eftirfarandi var bókað: "Nefndin fagnar áhuga umsækjanda á að draga íbúa og gesti að baðstaðnum Baulu en leggur til við bæjarstjórn að hafna umsækjendum um að breyta deiliskipulagi en bjóða umsækjendum til viðræðna um hugsanleg afnot af landi bæjarins við baðstaðinn Baulu og fyrirkomulag á uppsetningu gusu."



Eftirtaldir tóku til máls: Sandra Sigurðardóttir.

Lagt var fram erindi frá Jóhanni Ísleifssyni, dags. 5. apríl 2026, þar sem óskað er eftir að deiliskipulagsvinna sem hafin er á lóðum nr. 7, 7a, 9 og 11 við Gróðurmörk nái einnig til lóða nr. 1, 3 og 5.



Málið var tekið fyrir hjá skipulags- og umhverfisnefnd þann 5. maí s.l. þar sem lagt var til að gengið yrði til samninga vegna beiðninnar.



Enginn tók til máls.

Lagðar voru fram reglur og leiðbeiningar vegna girðinga, skjólveggja og smáhýsa, dags. maí 2026.



Málið var tekið fyrir hjá skipulags- og umhverfisnefnd þann 5. maí s.l. þar sem nefndin lagði til við bæjarstjórn að samþykkja reglurnar og leiðbeiningarnar.



Enginn tók til máls.

Lögð var fram umsókn lóðarhafa Laufskóga 11 um stækkun lóðar, dags. 7. ágúst 2025.



Málið var tekið fyrir hjá skipulags- og umhverfisnefnd þann 5. maí s.l. þar sem nefndin lagði til við bæjarstjórn að hafna erindinu í ljósi áforma um að nýta svæðið með öðrum hætti.



Þann 13. júní 2024 samþykkti bæjarstjórn að nýta svæðið sem kallað er Leynilundur sem samverusvæði fjölskyldunnar.



Eftirtaldir tóku til máls: Sandra Sigurðardóttir.

Eftirtalin skjöl voru lögð fram:

T-póstur frá Icee - Icelandic Equestrian Experience, dags. 3. mars 2026.

Mynd af útliti skiltis.

Loftmynd af staðsetningu.



Í erindi frá Icee - Icelandic Equestrian Experience er óskað eftir því að fá að setja upp skilti við hesthúsahverfi í Reykjadal vegna starfsemi félagsins.



Málið var tekið fyrir hjá skipulags- og umhverfisnefnd þann 5. maí s.l. þar sem nefndin lagði til við bæjarstjórn að samþykkja skilti að stærð 1m x 1m á landi bæjarins þar sem það er vegna stærðar ekki leyfisskylt skv. byggingarreglugerð en að staðsetning yrði ákveðin í samráði við umhverfisfulltrúa.



Enginn tók til máls.

Lagt er fram erindi frá eiganda hesthúss í hesthúsahverfi í Reykjadal, dags. 3. mars 2026, þar sem óskað er eftir afnotum af svæði samliggjandi hesthúsinu.



Málið var tekið fyrir hjá skipulags- og umhverfisnefnd þann 5. maí s.l. þar sem nefndin lagði til við bæjarstjórn að hafna erindinu í ljósi þess að umrætt svæði er ætlað undir lóð fyrir hesthús í fyrirliggjandi deiliskipulagstillögu sem bíður samþykktar.



Eftirtaldir tóku til máls: Sandra Sigurðardóttir og Njörður Sigurðsson.

Lögð var fram umsókn með greinargerð, dags. 28. apríl 2026, auk aðalteikningar, þar sem óskað er eftir heimild til þess að víkja frá gilandi deiliskipulagi með óverulegum hætti.



Skv. gildandi deiliskipulagi er heimild til byggingar kjallara undir hluta íbúðarhúsa ef hæðarmunur á lóð er 2 metrar eða meiri. Hæðarmunur lóðar Tröllahrauns 52 er 1,65 metrar og uppfyllir lóðin þar með ekki ákvæði gildandi deiliskipulags um heimild til kjallara. Í framlagðri greinargerð kemur fram að meginhlið kjallarahæðar yrði ekki niðurgrafin að hluta til eða um 12 metra samtals af austur- og suðurhlið kjallarans. Akstursrampur yrði steyptur og hugað yrði að fallvörnum þar sem það á við. Ekki yrði grafið frá hlið sem snýr að göngustíg og opnu svæði.



Málið var tekið fyrir hjá skipulags- og umhverfisnefnd þann 5. maí s.l. þar sem nefndin lagði til við bæjarstjórn að samþykkja óveruleg frávik frá gildandi deiliskipulagi skv. 5.8.4. gr. skipulagsreglugerðar nr. 90/2013 og gefa heimild til kjallara þó að hæðarmunur sé minni en 2 metrar á lóðinni þar sem hagsmunir nágranna skerðast í engu hvað varðar landnotkun, útsýni, skuggavarp eða innsýn.



Enginn tók til máls.

Lagður var fram samstarfssamningur Hveragerðisbæjar og Skógræktarfélags Hveragerðis um skógræktar- og útvistarsvæði í Hveragerði.



Málið var tekið fyrir hjá skipulags- og umhverfisnefnd þann 5. maí s.l. þar sem nefndin lagði til við bæjarstjórn að samþykkja samninginn.



Meirihluti Okkar Hveragerðis og Framsóknar lagði sameiginlega fram eftirfarandi bókun:



Samningurinn styður með skýrum hætti við framtíðarsýn bæjarins um grænt, fallegt og fjölskylduvænt samfélag þar sem áhersla er lögð á sjálfbærni, útivist og aukin lífsgæði íbúa.

Samstarf við Skógræktarfélag Hveragerðis er mikilvægt og þarft í ljósi áframhaldandi uppbyggingar í Kambalandi og við íþróttasvæðið í Ölfusdal. Þá er sérstaklega ánægjulegt að byggja áfram á því öfluga og óeigingjarna starfi sem Skógræktarfélag Hveragerðis hefur sinnt í áratugi í þágu samfélagsins. Með þessu er lagður grunnur að áframhaldandi uppbyggingar grænna útivistarsvæða og gönguleiða sem munu nýtast íbúum og gestum bæjarins til framtíðar.



Sandra Sigurðardóttir

Dagný Sif Sigurbjörnsdóttir

Jóhanna Ýr Jóhannsdóttir

Njörður Sigurðsson

Halldór Benjamín Hreinsson



Eftirtaldir tóku til máls: Sandra Sigurðardóttir.

Lögð var fram deiliskipulagstillaga Sveitarfélagsins Ölfus vegna tengivirkis á Völlum, dags. 17. mars 2026, og minnisblað með tillögu að umsögn Hveragerðisbæjar um deiliskipulagstillöguna, dags. 30. apríl 2026.



Málið var tekið fyrir hjá skipulags- og umhverfisnefnd þann 5. maí s.l. þar sem nefndin lagði til við bæjarstjórn að samþykkja umsögn skipulagsfulltrúa og umhverfisfulltrúa sem umsögn Hveragerðisbæjar um deiliskipulagstillöguna.



Enginn tók til máls.

Á fundi samráðshóps um málefni fatlaðs fólks þann 30. apríl s.l. var lagt til við bæjarstjórn að skipaður verði starfshópur til mótunar skýrrar og heildstæðrar framtíðarstefnu í sveitarfélaginu í atvinnumálum fatlaðs fólks og einstaklinga með skerta starfsgetu.



Enginn tók til máls.

Lagður er fram viðauki við samning um kaup á byggingarrétti og uppbyggingu á Árhólmasvæði o.fl. samninga, vegna bílastæða á svæðinu. Viðaukinn er lokafrágangur á uppbyggingarsamningi sem undirritaður var í upphafi árs 2024.



Í viðaukanum er gert ráð fyrir því að Reykjadalsfélagið ehf. og Reykjadalsskálinn slf. taki að sér skyldur Hveragerðisbæjar á svæðinu s.s. rekstur bílastæða, rekstur salerna, rekstur gönguleiðar upp í Reykjadal og nýti rekstrarafgang vegna bílastæðagjalda til uppbyggingar á svæðinu s.s. vegna göngu- og hjólaleiða, í samvinnu við aðra rekstraraðila á svæðinu.



Eftirtaldir tóku til máls: Sandra Sigurðardóttir, Pétur G. Markan og Friðrik Sigurbjörnsson.

Lagt var fram erindi eiganda Breiðumerkur 18, dags. 1. mars 2026, ásamt teikningu, þar sem óskað er eftir heimild til þess að útbúa þrjú almenn bílastæði og eitt bílastæði fyrir hreyfihamlaða á lóð Breiðumarkar 18.



Málið var tekið fyrir hjá skipulags- og umhverfisnefnd þann 5. maí s.l. þar sem nefndin lagði til við bæjarstjórn að samþykkja sem leigutaki að kvöð um aðgengi að bílastæðum verði sett á lóð Breiðumarkar 20.



Ekkert deiliskipulag er í gildi fyrir lóðina og framkvæmdin því grenndarkynnt þegar fullnægjandi uppdrættir liggja fyrir.



Enginn tók til máls.

Lögð voru fram skóladagatöl leikskólanna Undralands og Óskalands 2026-2027.



Málið var tekið fyrir í skólanefnd þann 7. maí s.l. og samþykkti nefndin dagatölin fyrir sitt leyti en vísaði þeim til endanlegrar ákvörðunartöku til bæjarstjórnar.



Enginn tók til máls.

Lögð var fram eftirfarandi tillaga frá bæjarfulltrúum D-listans:

Fulltrúar D-listans leggja til að farið verði í átak í uppbyggingu og viðhaldi á göngustígum í og við Hveragerði í sumar. Lagt er til að umhverfisfulltrúa verði falið að kortleggja hvar liggur mest á viðhaldi á stígum og að farið verði strax í að vinna að úrbótum.



Greinagerð

Í Hveragerði og nágrenni bæjarins eru margir göngustígar, svo sem meðfram Reykjafjalli, í Hamrinum, meðfram Varmánni og upp að Skífu sem mikið er byrjað að sjá á og vantar stórlega að bera í og byggja upp. Lítið viðhald hefur verið á þessum göngustígum undanfarin ár sem eru mikið notuð af Hvergerðingum og ferðamönnum sem sækja bæinn heim, sem og í Hengil Ultra utanvegahlaupinu. Því er mikilvægt að fara í átak í uppbyggingu og viðhald á þessum stígum.



Alda Pálsdóttir

Friðrik Sigurbjörnsson



Eftirtaldir tóku til máls: Sandra Sigurðardóttir og Friðrik Sigurbjörnsson.

Lögð var fram eftirfarandi tillaga frá bæjarfulltrúum D-listans:



Samkvæmt nýsamþykktum breytingum á lögum um þjóðfána Íslendinga er nú heimilt að hafa þjóðfánann uppi allan sólarhringinn frá 1. maí til 15. ágúst. Í ljósi þessa og í tilefni af 80 ára afmæli Hveragerðisbæjar leggja fulltrúar D-listans til að þjóðfáni Íslendinga verði uppi allan sólarhringinn við stofnanir bæjarins þennan tíma og á öðrum fánastöngum í eigu bæjarins, svo sem við innkeyrslur inn í bæinn.



Fulltrúar D-listans leggja jafnframt til að komið verði upp fánastöng fyrir framan bæjarskrifstofu Hveragerðisbæjar þar sem hægt verður að flagga þjóðfánanum í sumar og á hátíðisdögum og einnig fána Hveragerðisbæjar til framtíðar.



Alda Pálsdóttir

Friðrik Sigurbjörnsson



Eftirtaldir tóku til máls: Sandra Sigurðardóttir og Friðrik Sigurbjörnsson.

Lögð var fram eftirfarandi tillaga frá bæjarfulltrúum D-listans:



Fulltrúar D-listans leggja áherslu á öryggi íbúa og gesta sem leggja leið sína í blómabæinn. Það er viðbúið að með opnun Reykjadalsbaða á Árhólmasvæðinu í sumar aukist umferð enn meiri um Breiðumörkina. Tillaga okkar er að gangabrautarljós verði sett upp á tveimur stöðum við Breiðumörk strax í sumar.

Staðsetning gangbrautanna væri við gatnamót Breiðumörk og Heiðmörk og svo við Breiðumörk og Sunnumörk. Þá eru komin þrjú gönguljós á Breiðumörkina þar sem hvað mestur umferðarþungi liggur. Til eru gangbrautarljós með niðurtalningu sem eykur enn frekar á öryggi þannig að fólk geri sér grein fyrir tímanum sem það hefur til að ganga yfir.



Alda Pálsdóttir

Friðrik Sigurbjörnsson



Eftirtaldir tóku til máls: Sandra Sigurðardóttir, Alda Pálsdóttir og Pétur G. Markan.