Bæjarstjórn

Fundarliður 3:
Heiðmörk 30-36, Grundarreitur - skipulagslýsing fyrir nýtt deiliskipulag og breytingu á aðalskipulagi - 2510173.

Alda Pálsdóttir vék af fundi undir þessum fundarlið, kl. 17:01

Eftirtalin skjöl voru lögð fram:
Skipulagslýsing fyrir Heiðmörk 30-36, dags. nóvember 2025.
Umsögn Rarik, dags. 24. nóvember 2025.
Umsögn Mílu, dags. 17. nóvember 2025.
Umsögn Minjastofnunar Íslands, dags. 23. desember 2025.
Umsögn Heilbrigðiseftirlits Suðurlands, dags. 12. desember 2025.
Umsögn Veitna, dags. 3. desember 2025.
Umsögn Vegagerðarinnar, dags. 3. desember 2025.
Umsögn Brunavarna Árnessýslu, dags. 18. nóvember 2025.
Umsögn Skipulagsstofnunar, dags. 26. nóvember 2025.
Upplýsingabréf Hildar Gunnarsdóttur, skipulagsfulltrúa til nágranna, dags. 5. desember 2025.
Athugasemdir 28 aðila vegna skipulagslýsingar, ódagsett.
Umsögn Hildar Gunnarsdóttur, skipulagsfulltrúa vegna athugasemda, dags. 2. janúar 2026.

Svæðið er 1,15 ha og er landnotkun í núgildandi aðalskipulagi íbúðabyggð ÍB8. Svæðið er afmarkað til vesturs af Bláskógum, í austur af Litlumörk, í norður af Heiðmörk og í suður af Þelamörk. Markmið skipulagsins verður að móta íbúðarbyggð sem er til þess fallin að stuðla að góðu mannlífi og sambúð ólíkra hópa, að uppbygging falli vel að núverandi byggð og byggðarmynstri ásamt því að vera í samræmi við áherslur og stefnu í komandi Aðalskipulagi Hveragerðisbæjar 2025-2037. Lagt er til að fjölga íbúðum á reitnum frá núgildandi ákvæðum aðalskipulags.

Skipulags- og umhverfisnefnd lagði til við bæjarstjórn að vísa athugasemdum sem eiga við um deiliskipulag til áframhaldandi vinnu við deiliskipulagstillögu og að athugasemdir sem eiga við um aðalskipulag fái umfjöllun við vinnslu nýs Aðalskipulags Hveragerðisbæjar 2025-2037.

Bæjarstjórn samþykkti samhljóða með 6 atkvæðum tillögu skipulags- og umhverfisnefndar þannig að athugasemdum sem eiga við um skipulagslýsingu var vísað til áframhaldandi vinnu við deiliskipulagstillögu og athugasemdum sem eiga við um aðalskipulag var vísað til umfjöllunar við vinnslu nýs Aðalskipulags Hveragerðisbæjar 2025-2037.

Alda Pálsdóttir kom aftur inn á fundinn kl. 17:09.

Fundarliður 6:
Fundardagatal skipulags- og umhverfisnefndar 2025-2026 - 2509032.
Uppfært fundadagatal skipulags- og umhverfisnefndar var lagt fram.

Skipulags- og umhverfisnefnd lagði til við bæjarstjórn að samþykkja uppfært fundadagatal nefndarinnar.

Bæjarstjórn samþykkti samhljóða tillögu að uppfærðu fundadagatali skipulags- og umhverfisnefndar.

Fundargerðin var að öðru leyti staðfest samhljóða.

Fundargerðin var staðfest samhljóða.

Fundarliður 4:
Beiðni Landsnets hf. um heimild til lagningar Þorlákshafnarlínu 2 á eignarlandi Hveragerðisbæjar - 2512081.

Eftirfarandi skjöl voru lögð fram:
Samningsdrög vegna Vorsabæjar.
Tilboðsyfirlit vegna Vorsabæjar.
Uppdráttur vegna Vorsabæjar.
Yfirlýsing vegna Vorsabæjar.
Samningsdrög vegna Öxnalækjar.
Tilboðsyfirlit vegna Öxnalækjar.
Uppdráttur vegna Öxnalækjar.
Yfirlýsing vegna Öxnalækjar.

Landsnet hf. hyggur á lagningu háspennujarðstrengs á milli Hveragerðis og Þorlákshafnar, Þorlákshafnarlínu 2, sem fyrirhugað er að liggi um tvær jarðir í eigu Hveragerðisbæjar. Um er að ræða Vorsabæ, L171626, sem er skráð 100% eign Hveragerðisbæjar og Öxnalæk, L171630, þar sem skráður eignarhlutur bæjarins er 12,5%. Landsnet hf. óskar eftir heimild Hveragerðisbæjar sem landeiganda til þess að leggja strenginn skv. framlögðum samningsdrögum.

Bæjarráð lagði til við bæjarstjórn að samþykkja fyrirliggjandi samningsdrög og heimila lagningu Þorlákshafnarlínu 2 um eignarland Hveragerðisbæjar, fyrir sitt leyti sem landeiganda, gegn greiðslu þeirra bóta sem Landsnet hf. leggur til. Fyrirhuguð lega Þorlákshafnarlínu 2 er í samræmi við tillögu að aðalskipulagi sem er í auglýsingu.

Bæjarstjórn samþykkti samhljóða fyrirliggjandi drög að samningum við Landsnet hf. vegna lagningar Þorlákshafnarlínu 2 um eignarland Hveragerðisbæjar gegn greiðslu þeirra bóta sem Landsnet hf. lagði til. Bæjarstjórn fól bæjarstjóra að undirrita framlagða samninga og önnur framlögð skjöl fyrir hönd Hveragerðisbæjar, þ.m.t. yfirlýsingu um kvöð sem verður þinglýst á Vorsabæ, L171626 og Öxnalæk, L171630.

Fundarliður 7:
Styrkur vegna fjölgreinaverkefnis á árinu 2025 og samstarfssamningur við Íþróttafélagið Hamar - 2512043.

Lagt var fram minnisblað bæjarstjóra, dags. 12. janúar 2026, þar sem gerð var tillaga um að greiddur verði styrkur til Íþróttafélagsins Hamars vegna fjölgreinaverkefnis á árinu 2025 að fjárhæð kr. 3.144.000.-

Bæjarráð lagði til við bæjarstjórn að samþykkja að greiða styrk til Íþróttafélagsins Hamars vegna fjölgreinaverkefnis fyrir börn í 1. og 2. bekk vegna ársins 2025 að fjárhæð kr. 3.144.000.-

Bæjarstjórn samþykkti samhljóða að greiða styrk til Íþróttafélagsins Hamars vegna fjölgreinaverkefnis fyrir börn í 1. og 2. bekk vegna ársins 2025 að fjárhæð kr. 3.144.000.-

Fundarliður 8:
Fundaáætlun skólanefndar veturinn 2025-2026 - 2509191.
Fundaáætlun skólanefndar veturinn 2025-2026 var lögð fram.

Bæjarráð lagði til við bæjarstjórn að samþykkja framlagða fundaáætlun skólanefndar veturinn 2025-2026.

Bæjarstjórn samþykkti samhljóða fundaáætlun skólanefndar veturinn 2025-2026.

Fundarliður 10:
Tillaga um breytingu á fundadagatali bæjarráðs - 2601054.
Lagt var til við bæjarráð að samþykkja að fyrirhugaður fundur bæjarráðs þann 1. apríl 2026 yrði færður til 9. apríl 2026.

Bæjarráð samþykkti samhljóða breytingu á fundardagatali fyrir sitt leyti en vísaði tillögunni til endanlegrar ákvörðunartöku til bæjarstjórnar.

Bæjarstjórn samþykkti samhljóða tillöguna um að færa fund bæjarráðs sem fyrirhugaður var 1. apríl 2026 til 9. apríl 2026.

Fundargerðin var að öðru leyti staðfest samhljóða.

Fundargerðin var staðfest samhljóða.

Fundarliður 2:
Minnisblað velferðarsviðs vegna hækkunar á upphæð greiðslu til stuðningsfjölskyldna - 2601102.
Lagt var fram minnisblað frá fræðslu- og velferðarsviði, dags. 7. janúar 2026, þar sem gerð er tillaga að hækkun á greiðslum til stuðningsfjölskyldna til samræmis við gjaldskrá Bergrisans bs.

Velferðar- og fræðslunefnd lagði til við bæjarstjórn að samþykkja uppfærða gjaldskrá vegna greiðslna til stuðningsfjölskyldna.

Bæjarstjórn samþykkti samhljóða að uppfæra gjaldskrá vegna greiðslna til stuðningsfjölskyldna sbr. tillögu í framlögðu minnisblaði velferðarsviðs.

Fundarliður 3:
Minnisblað velferðarsviðs vegna álagsgjalds fyrir stuðningsfjölskyldur - 2601101
Lagt var fram minnisblað frá fræðslu- og velferðarsviði, dags. 7. janúar 2026, þar sem gerð er tillaga um að fagfundur geti ákveðið í tilteknum tilfellum samþykkt að greiða allt að 25% álag á greiðslur til stuðningsfjölskyldna.

Velferðar- og fræðslunefnd lagði til við bæjarstjórn að samþykkja að bæta við álagsgjaldi á greiðslu til stuðningsfjölskyldna líkt og fram kemur í framlögðu minnisblaði, til samræmis við önnur sveitarfélög.

Bæjarstjórn samþykkti samhljóða að fagfundur hefði heimild til þess að samþykkja álagsgreiðslur til stuðningsfjölskyldna í samræmi við tillögu í framlögðu minnisblaði velferðarsviðs.

Fundargerðin var að öðru leyti staðfest samhljóða.

Fundarliður 3:
Breytingar í starfsáætlun samráðshóps um málefni fatlaðs fólks í Hveragerði 2025-2026 - 2601096.
Breytt starfsáætlun 2025-2026 fyrir samráðshóp um málefni fatlaðs fólks í Hveragerði er lögð fram.
Samráðshópurinn hefur samþykkt breytta starfsáætlun og er tillagan lögð fyrir bæjarstjórn til samþykktar.

Bæjarstjórn samþykkir breytta starfsáætlun samráðshóps um málefni fatlaðs fólks í Hveragerði í samræmi við fyrirliggjandi tillögu.

Fundargerðin var að öðru leyti staðfest samhljóða.

Fundarliður 1:
Gjaldskrár Hveragerðisbæjar 2026 - vegna sorphirðu - 2511029.
Tillaga að breytingum á gjaldskrá vegna meðhöndlun úrgangs var afgreidd undir lið 13.

Fundarliður 2:
Skilti - 2403774.
Eftirtalin skjöl voru lögð fram:
Byggingarleyfisumsókn Hveragerðisbæjar ásamt fylgiskjölum vegna bæjarskiltis sem fyrirhugað er að setja upp við bæjarmörkin í Kömbum.
Umsögn Vegagerðarinnar, dags. 11. febrúar 2026.

Skipulags- og umhverfisnefnd lagði til við bæjarstjórn að samþykkja uppsetningu bæjarskiltis, með fyrirvara um umsögn Vegagerðarinnar. Falla má frá grenndarkynningu í samræmi við 3. mgr. 44. gr. skipulagslaga þar sem leyfisskyld framkvæmd varðar ekki hagsmuni annarra en sveitarfélagsins.

Bæjarstjórn samþykkti að falla frá grenndarkynningu vegna byggingarleyfisumsóknarinnar sbr. 3. mgr. 44. gr. skipulagslaga nr. 123/2010 enda varðar framkvæmdin ekki hagsmuni annarra en sveitarfélagsins. Byggingarfulltrúi getur því afgreitt byggingarleyfisumsókn í samræmi við ákvæði mannvirkjalaga nr. 160/2010.

Fundarliður 3:
Deiliskipulag Grænumerkur 10 Heilsustofnun - deiliskipulagsbreyting vegna sólskála við Lækjarbrún - 2411008.
Eftirtalin skjöl voru lögð fram:
Tillaga að breytingu á deiliskipulagi Grænumerkur 10 Heilsustofnun - Deiliskipulagsbreyting vegna Lækjarbrúnar 1 til 43, dags. 19. nóvember 2024.
Upplýsingabréf skipulagsfulltrúa til nágranna, dags. 16. desember 2025.
Umsögn skipulagsfulltrúa vegna athugasemdar, dags. 31. október 2025.

Skipulags- og umhverfisnefnd lagði til við bæjarstjórn að samþykkja deiliskipulagsbreytinguna óbreytta.

Bæjarstjórn samþykkti samhljóða deiliskipulagsbreytingu vegna sólskála við Lækjarbrún 1-43 í samræmi við fyrirliggjandi gögn.

Fundarliður 4:
Deiliskipulagsbreyting ferðaþjónustusvæðis við Árhólma í Hveragerði - breyting vegna gistiskála - 2601154.
Eftirtalin skjöl voru lögð fram:
Tillaga að óverulegum breytingum á deiliskipulagi ferðaþjónustusvæðis við Árhólma í Hveragerði, greinargerð, skilmálar og umhverfismat, breytt 2. febrúar 2026.
Uppdráttur með tillögu að óverulegum breytingum á deiliskipulagi ferðaþjónustusvæðis við Árhólma í Hveragerði

Skipulags- og umhverfisnefnd lagði til við bæjarstjórn að samþykkja deiliskipulagsbreytinguna í samræmi við 2. mgr. 43. gr. skipulagslaga nr. 123/2010 þar sem breytingin víkur ekki frá notkun, heildar nýtingarhlutfalli, útliti og formi viðkomandi svæðis.

Bæjarstjórn samþykkti samhljóða tillögu að breyttu deiliskipulagi ferðaþjónustusvæðisins við Árhólma sem er óveruleg sbr. 2. mgr. 43. gr. skipulagslaga nr. 123/2010 enda er með breytingunni ekki vikið frá notkun, heildar nýtingarhlutfalli, útliti og formi svæðisins. Þar sem ekki aðrir en Hveragerðisbær og lóðarhafi eiga hagsmuna að gæta samþykkir bæjarstjórn samhljóða að falla frá grenndarkynningu, sbr. 3. mgr. 44. gr. skipulagslaga nr. 123/2010.

Fundargerðin var að öðru leyti staðfest samhljóða.

Fundargerðin var staðfest samhljóða.

Fundarliður 1:
Áskorun ungmennaráðs vegna opnunartíma í Sundlauginni Laugaskarði - 2511111.
Á fundi þann 25. nóvember s.l. skoraði ungmennaráð á bæjarstjórn að lengja opnunartíma Sundlaugarinnar í Laugarskarði yfir vetrartímann. Ungmennaráði langaði að kanna möguleika á því að lengja vetraropnunartíma til kl. 21:00 eða 21:30.

Bæjarstjórn samþykkti á fundi þann 11. desember s.l. að fela bæjarstjóra að láta kanna möguleika á því að lengja opnunartíma sundlaugarinnar og vísaði málinu til umræðu í menningar-, atvinnu og markaðsnefnd.

Menningar-, atvinnu og markaðsnefnd bókaði eftirfarandi á fundi þann 4. febrúar s.l.: Nefndin fagnar framtaki ungmennaráðs og lagði til við bæjarstjórn að opnunartíma sundlaugar verði breytt yfir vetrartímann með eftirfarandi hætti:
Mánudagar til föstudagar kl. 6:30 til 21:00
Laugardagar til sunnudagar kl. 9:00 til 17:30

Kostnaður vegna breytinga á opnunartíma Sundlaugarinnar í Laugarskarði rúmast innan fjárhagsáætlunar ársins 2026.

Bæjarstjórn fagnaði frumkvæði ungmennaráðs og samþykkti samhljóða að breyta vetraropnunartíma Sundlaugarinnar í Laugarskarði þannig að opnunartíminn verði eftirfarandi:
Mánudagar til föstudagar kl. 6:30 til 21:00
Laugardagar til sunnudagar kl. 9:00 til 17:30

Bæjarstjórn samþykkti einnig að fela bæjarstjóra að sjá um að breytingarnar komi til framkvæmda sem fyrst.

Fundarliður 5:
Tónlistarhátíðin Hverafugl - 2509009.
Eftirtalin skjöl voru lögð fram:
Bréf frá listrænum stjórnendum Hverafugls, dags. 26. ágúst 2025.
Drög að dagskrá Hverafugls dagana 26.-28. júní 2026.

Í erindi frá listrænum stjórnendum tónlistarhátíðarinnar Hverafugls er óskað er eftir endurgjaldslausum afnotum af sundlauginni Laugaskarði og hátíðarsal Grunnskólans í Hveragerði til tónleikahalds. Einnig er lögð fram beiðni um að handhafar helgarpassa á hátíðina fái ókeypis aðgang að sundlauginni Laugaskarði á meðan á hátíðinni stendur. Þá er óskað eftir fjárstuðningi við hátíðina í formi styrks.

Menningar-, atvinnu- og markaðsnefnd lagði til við bæjarstjórn að veittur yrði ókeypis aðgangur í Sundlaugina Laugaskarði þegar tónleikar Strokkvartettsins Sigga verða haldnir í lauginni sunnudaginn 28. júní 2026, fyrir þá sem hafa helgarpassa á hátíðina. Einnig að veitt verði endurgjaldslaus afnot af hátíðarsal grunnskólans og sundlauginni, í samráði við stjórnendur. Jafnframt lagði nefndin til að hátíðin verði styrkt um kr. 1.000.000.-

Bæjarstjórn samþykkti samhljóða tillögu menningar-, atvinnu- og markaðsnefndar um að veita tónlistarhátíðinni Hverafugli styrk að fjárhæð kr. 1.000.000.-, endurgjaldslaus afnot af hátíðarsal Grunnskólans í Hveragerði á meðan á hátíðinni stendur í samráði við skólastjóra og endurgjaldslausan aðgang að sundlaug fyrir þá sem hafa helgarpassa á hátíðina þegar tónleikar Strokkvartettsins Sigga verða haldnir í lauginni, sunnudaginn 28. júní 2026.

Fundargerðin var að öðru leyti staðfest samhljóða.

Fundarliður 9:
Bréf frá Sambandi íslenskra sveitarfélaga - 2601147.
Eftirtalin skjöl voru lögð fram:
Bréf frá Sambandi íslenskra sveitarfélaga, dags. 2. desember 2025.
Fjárhagsáætlun vegna verkefna í stafrænu samstarfi.
Upplýsingar um kostnaðarskiptingu milli sveitarfélaga.

Bæjarráð lagði til við bæjarstjórn að samþykkja greiðslu að fjárhæð kr. 1.028.943.- til Sambands íslenskra sveitarfélaga vegna þátttöku Hveragerðisbæjar í stafrænum samstarfsverkefnum. Verkefnið er fjármagnað í fjárhagsáætlun Hveragerðisbæjar fyrir árið 2026.

Bæjarstjórn samþykkti samhljóða greiðslu að fjárhæð kr. 1.028.943.- til Sambands íslenskra sveitarfélaga vegna þátttöku Hveragerðisbæjar í stafrænum samstarfsverkefnum.

Fundarliður 17:
Þjónustustefna Hveragerðisbæjar - 2504138.
Tillaga að þjónustustefnu Hveragerðisbæjar var lögð fram.

Bæjarráð lagði til við bæjarstjórn að samþykkja tillögu að þjónustustefnu Hveragerðisbæjar.

Forseti bar upp tillögu um að bæjarstjórn samþykkti tillögu að þjónustustefnu Hveragerðisbæjar og að bæjarstjóra væri falið að koma stefnunni í kynningarhæft form, kynna stefnuna á heimasíðu bæjarins og í stofnunum.

Bæjarstjórn samþykkti samhljóða tillögu að þjónustustefnu Hveragerðisbæjar og fól bæjarstjóra að koma stefnunni í kynningarhæft form, kynna stefnuna á heimasíðu bæjarins og í stofnunum.

Fundarliður 18:
Tillaga að breytingum á skipuriti Hveragerðisbæjar - 2601108.
Eftirtalin skjöl voru lögð fram:
Minnisblað Péturs G. Markan, dags. 4. febrúar 2026.
Tillaga að nýju skipuriti.

Bæjarráð lagði til við bæjarstjórn að samþykkja breytingar á skipuriti Hveragerðisbæjar með þeim breytingum sem ræddar voru.

Bæjarfulltrúar D-lista lögðu fram eftirfarandi bókun:
Bæjarfulltrúar D-listans eru ekki mótfallnir þessu nýja skipuriti en vilja þó benda á að eftir því sem næst verður komist þá er þetta þriðja skipuritsbreytingin sem gerð er á yfirstandandi kjörtímabili. Mikið púður og fjármunir hafa farið í ráðgjafavinnu vegna stjórnskipulags bæjarfélagsins undanfarin 3-4 ár.

Alda Pálsdóttir
Eyþór H. Ólafsson

Bæjarstjórn samþykkti samhljóða breytingar á skipuriti Hveragerðisbæjar í samræmi við fyrirliggjandi tillögu og fól bæjarstjóra að ganga frá breytingum á störfum þess starfsfólks sem tekur stöður sviðsstjóra, í kjölfarið, sbr. framlagt minnisblað bæjarstjóra.

Fundarliður 19:
Ráðgjöf vegna upplýsingatækniumhverfis Hveragerðisbæjar og mat á öryggisþáttum - 2601153.
Eftirtalin skjöl voru lögð fram:
Minnisblað Steinunnar Erlu Kolbeinsdóttur, bæjarritara, dags. 2. febrúar 2026, þar sem gerð er tillaga að kaupum á ráðgjöf vegna upplýsingatækniumhverfis Hveragerðibæjar og mats á öryggisþáttum.

Bæjarráð lagði til við bæjarstjórn að gera samning um ráðgjöf við Trigger ráðgjöf ehf. vegna upplýsingatækniumhverfis Hveragerðisbæjar, með áherslu á öryggisþætti. Verkefnið er hluti af stafrænni stefnu og fjármagnað í fjárhagsáætlun 2026.

Bæjarstjórn samþykkti samhljóða að gera samning um ráðgjöf vegna upplýsingatækniumhverfis Hveragerðisbæjar við Trigger ráðgjöf ehf. í samræmi við tillögu í fyrirliggjandi minnisblaði bæjarritara.

Fundarliður 21:
Framlenging á yfirdráttarheimild - 2602006.
Lagt er fram minnisblaði frá Helgu Kristjánsdóttur, skrifstofustjóra, þar sem lagt er til að heimild verði veitt til þess að óska eftir framlengingu yfirdráttarheimild á innlánsreikningi Hveragerðisbæjar nr. 0314-22-506.

Bæjarráð lagði til við bæjarstjórn að samþykkja framlengingu á yfirdráttarheimild á innlánsreikningi Hveragerðisbæjar nr. 0314-22-506, að fjárhæð kr. 130.000.000.-

Bæjarstjórn samþykkti samhljóða að framlengja yfirdráttarheimild á innlánsreikningi Hveragerðisbæjar nr. 0314-22-506, að fjárhæð kr. 130.000.000.-

Fundarliður 22:
Útboð vegna byggingar íþróttahúss - 2512061.
Lagt er fram minnisblað Jóns Friðriks Matthíassonar, byggingar- og mannvirkjafulltrúa, dags. 30. janúar 2026, þar sem lagt er til að samið verði við lægstbjóðanda, Húsameistara ehf., vegna byggingar á íþróttahúsi upp að fokheldi enda uppfyllir félagið kröfur útboðsgagna. Tilboð Húsameistara ehf. var 80% af kostnaðaráætlun verksins.

Bæjarráð lagði til við bæjarstjórn að samþykkja tilboð Húsameistara ehf. í byggingu íþróttahúss upp að fokheldi að fjárhæð kr. 599.502.898.- m. vsk.

Bæjarstjórn samþykkti samhljóða tilboð Húsameistara ehf. í verkið að fjárhæð kr. 599.502.898.- m. vsk. og fól bæjarstjóra að undirrita verksamning.

Fundarliður 25:
Fundargerð aukaaðalfundar Sorpstöðvar Suðurlands bs. frá 16. janúar 2026 - 2512060.
Eftirtalin skjöl voru lögð fram:
Fundargerð aukaaðalfundar Sorpstöðvar Suðurlands bs., dags. 16. janúar 2026.
Fundargerð stjórnar Sorpstöðvar Suðurlands bs. vegna fundar nr. 343, dags. 16. janúar 2026
Kostnaðargreining vegna breytinga á starfsemi Sorpstöðvar Suðurlands bs., ódagsett.
Samantekt vegna tillögu að breytingum á samþykktum Sorpstöðvar Suðurlands bs., ódagsett.
Tillaga að samþykkt fyrir byggðasamlagið Sorpstöð Suðurlands bs. með merktum breytingum, samþykkt á aðalfundi byggðasamlagsins 16. janúar 2026.
Tillaga að samþykkt fyrir byggðasamlagið Sorpstöð Suðurlands bs. með breytingum, samþykkt á aðalfundi byggðasamlagsins 16. janúar 2026.
Óundirritaður þjónustusamningur milli Sorpstöðvar Suðurlands bs. og Samtaka sunnlenskra sveitarfélaga.
Starfslýsing og hæfnikröfur starfsmanns, ódagsett.
Tillaga að viðauka við fjárhagsáætlun Sorpstöðvar Suðurlands bs., ódagsett.

Bæjarráð lagði til við bæjarstjórn að afgreiða sérstaklega fundarliði 5.a. og 5.c. í fundargerð aukaaðalfundar Sorpstöðvar Suðurlands bs. er varða breytingu á samþykktum byggðasamlagsins og viðauka við fjárhagsáætlun byggðasamlagsins. Bæjarráð lagði til að bæjarstjórn samþykkti tillögur aukaaðalfundarins.

Liður 5.a. í fundargerð aukaaðalfundar Sorpstöðvar Suðurlands bs. vegna breytinga á samþykktum byggðasamlagsins er afgreiddur sérstaklega undir fundarlið 12.

Tekinn er sérstaklega fyrir liður 5.c. í fundargerð aukaaðalfundar Sorpstöðvar Suðurlands bs. frá 16. janúar 2026 um viðauka við fjárhagsáætlun byggðasamlagsins fyrir árið 2026 en viðaukinn gerir ekki ráð fyrir auknum framlögum aðildarsveitarfélaganna. Bæjarstjórn samþykkir samhljóða tillögu um viðauka við fjárhagsáætlun byggðasamlagsins fyrir árið 2026.

Vegna fundarliðar nr. 15 - Þjónustukönnun sveitarfélaga 2601099 leggja bæjarfulltrúar Okkar Hveragerðis og Framsóknar fram eftirfarandi bókun:
Það er gleðiefni að í niðurstöðum árlegrar þjónustukönnunar Gallup fyrir sveitarfélögin má merkja aukna ánægju íbúa Hveragerðis í allflestum þjónustuflokkum og að heilt yfir er vaxandi ánægja með Hveragerði sem búsetukost. Þetta gefur skýra vísbendingu um að Hveragerðisbær sé að feta sig rétta leið í að gera þjónustu á vegum bæjarins enn betri. Með framúrskarandi þjónustu við íbúa grundvöllum við blómlegt samfélag eins og við búum að í Hveragerði.

Sandra Sigurðardóttir
Jóhanna Ýr Jóhannsdóttir
Dagný Sif Sigurbjörnsdóttir
Njörður Sigurðsson
Halldór Benjamín Hreinsson

Fundargerðin var að öðru leyti staðfest samhljóða.

Bæjarfulltrúar Okkar Hveragerðis og Framsóknar lögðu sameiginlega fram eftirfarandi bókun:

Hveragerðisbær býr yfir sérstökum byggingararfi sem endurspeglar sögu bæjarins, jarðhitanýtingu, frumkvöðlastarf og þróun samfélagsins frá upphafi byggðar. Með því að setja reglur um styrki til húsverndar vill bæjarfélagið styðja og hvetja markvisst við varðveislu þeirra mannvirkja sem hafa menningarsögulegt, vísindalegt eða listrænt gildi og eru mikilvæg fyrir sjálfsmynd og sérstöðu bæjarins. Viðhald og vönduð endurgerð slíkra mannvirkja hefur ekki aðeins ávinning fyrir eigendur þeirra heldur einnig fyrir samfélagið í heild. Vel hirt og varðveitt hús hafa jákvæð ytri áhrif; þau styrkja ásýnd bæjarins, auka aðdráttarafl svæðisins og geta haft jákvæð áhrif á verðmæti nærliggjandi fasteigna. Með styrkjum til húsverndar er því verið að styðja við sameiginleg gæði sem nýtast íbúum og samfélaginu öllu. Markmið reglnanna er að tryggja jafnræði, gagnsæi og fagleg vinnubrögð við úthlutun opinbers fjár, stuðla að vandaðri endurgerð og viðhaldi og hvetja húseigendur til að taka þátt í sameiginlegri ábyrgð á vernd byggingararfs Hveragerðis til framtíðar.

Sandra Sigurðardóttir
Jóhanna Ýr Jóhannsdóttir
Dagný Sif Sigurbjörnsdóttir
Njörður Sigurðsson
Halldór Benjamín Hreinsson

Bæjarfulltrúar D-lista lögðu fram eftirfarandi bókun:
Bæjarfulltrúar D-listans taka undir bókun sem var lögð fram á fundi bæjarráðs þann 15. janúar sl. þegar erindið var tekið fyrir. Við teljum það ekki hlutverk sveitarfélaga að halda úti sérstökum húsverndunarsjóði og veita styrki til einkaaðila vegna fasteigna þeirra. Fyrir er sambærilegur sjóður á landsvísu, húsafriðunarsjóður, sem Minjastofnun Íslands úthlutar úr að fenginni tillögu húsafriðunarnefndar. Samkvæmt reglum sjóðsins er hlutverk hans að stuðla að varðveislu og viðhaldi friðlýstra og friðaðra húsa og mannvirkja, auk annarra mannvirkja með menningarsögulegt, vísindalegt eða listrænt gildi. Drög að reglum um styrki til húsverndar í Hveragerði er í meginatriðum með sama markmið og sömu skilgreiningar og reglur Húsafriðunarsjóðs, það er því spurning um hvaða viðbótarhlutverki sveitarfélagið eigi að gegna í veitingu slíkra styrkja. Þá vantar í drögin atriði á borð við hámarksstyrk, skýran umsóknarfrest og fastar tímasetningar úthlutunar, líkt og kveðið er á um í reglum Húsafriðunarsjóðs. Það verður einnig að horfa til þess að byggð í Hveragerði hófst ekki fyrr en upp úr 1929, á meðan aldursfriðun í lögum nær einungis til húsa byggðra 1925 eða fyrr. Þannig eru í raun engin friðuð eða friðlýst hús í bænum, sem gerir það að verkum að reglurnar hafa takmarkaðan tilgang.

Alda Pálsdóttir
Eyþór H. Ólafsson

Forseti bar upp tillögu um að bæjarstjórn samþykkti reglur um styrki til húsverndar.

Meirihluti bæjarstjórnar samþykkti tillögu að reglum um styrki til húsverndar með 5 atkvæðum bæjarfulltrúa O-lista og B-lista.
Bæjarfulltrúar D-lista sátu hjá við atkvæðagreiðslu.

Forseti bar upp tillögu um að bæjarstjórn samþykkti breytingar á samþykktum Sorpstöðvar Suðurlands bs. í samræmi við fyrirliggjandi gögn og vísi málinu til síðari umræðu.

Bæjarstjórn samþykkti samhljóða tillögu um breytingar á samþykktum Sorpstöðvar Suðurlands bs. og vísaði málinu til síðari umræðu.

Forseti bar upp tillögu um að bæjarstjórn samþykkti fyrirliggjandi tillögur að breytingu á gjaldskrá fyrir leikskólana í Hveragerðisbæ og á gjaldskrá fyrir meðhöndlun úrgangs í Hveragerðisbæ.

Bæjarstjórn samþykkti samhljóða tillögurnar um breytingu á gjaldskrá fyrir leikskólana í Hveragerðisbæ og breytingu á gjaldskrá fyrir meðhöndlun úrgangs í Hveragerðisbæ.

Forseti bar upp tillögu um að bæjarstjórn samþykkti að taka lán hjá Lánasjóði sveitarfélaga sbr. fyrirliggjandi lánssamning nr. 2602_09, að höfuðstól allt að kr. 265.000.000.- og að veita Pétri G. Markan, bæjarstjóra, fullt og ótakmarkað umboð til þess að undirrita lánssamninginn f.h. Hveragerðisbæjar, sem og til að móttaka, undirrita, gefa út og afhenda öll skjöl, fyrirmæli og tilkynningar, sem tengjast lántökunni, þar á meðal beiðni um útborgun láns.

Bæjarstjórn Hveragerðisbæjar samþykkti samhljóða að taka lán hjá Lánasjóði sveitarfélaga að höfuðstól allt að kr. 265.000.000,- með lokagjalddaga þann 4. desember 2033,í samræmi við skilmála að lánssamningi sem lágu fyrir á fundinum og sem bæjarstjórn hefur kynnt sér.

Til tryggingar láninu, þ.m.t. höfuðstól, uppgreiðslugjaldi, vöxtum, dráttarvöxtum og öðrum kostnaði, samþykkti bæjarstjórnin að tekjur Hveragerðisbæjar, sbr. heimild í 2. mgr. 68. gr. sveitarstjórnarlaga nr. 138/2011, nánar tiltekið útsvarstekjur og framlög úr Jöfnunarsjóði sveitarfélaga, verði veðsettar.

Lánið er tekið til endurfjármögnunar afborgana á eldri lánum Hveragerðisbæjar hjá Lánasjóðnum. Um er að ræða verkefni sem hefur almenna efnahagslega þýðingu, sbr. 3. gr. laga nr. 150/2006 um stofnun opinbers hlutafélags um Lánasjóð sveitarfélaga.

Jafnframt er Pétri G. Markan, bæjarstjóra, kt. 160281-5459 veitt fullt og ótakmarkað umboð að undirrita fyrrnefndan lánssamning við Lánasjóð sveitarfélaga f.h. Hveragerðisbæjar, sem og til að móttaka, undirrita, gefa út og afhenda öll skjöl, fyrirmæli og tilkynningar, sem tengjast lántökunni, þar á meðal beiðni um útborgun láns.