Bæjarstjórn

Liður 2 "Ráðningarbréf um endurskoðun - Deloitte ehf" afgreiddur sérstaklega. Bæjarstjórn samþykkir afgreiðslu bæjarráðs.

Fulltrúi Frjálsra með Framsókn lagði fram eftirfarandi bókun vegna liðar 3 " Samþykkt um gjaldskrá um götu- og torgsölu".

Bæjarfulltrúi Frjálsra með Framsókn fagnar því að vel hafi verið tekið í þá tillögu B - lista að vinna samþykktirnar betur og vísa þeim til afgreiðslu bæjarráðs. Samþykktirnar tóku nokkrum breytingum en bæjarfulltrúi Frjálsra með Framsókn harmar að meirihluti Sjálfstæðismanna og bæjarfulltrúi Okkar Hveragerðis samþykki reglur sem feli í sér ársjald á leigu fyrir langtímastæði sem er helmingi hærra en í nágrannasveitarfélaginu Reykjavík. Hveragerði skipar sér því í sæti þeirra sem innheimta hvað mest á landsvísu fyrir starfsemi sem þessa sem má teljast sérstakt þar sem stafssemin eykur þjónustu við íbúa og ferðamenn. Bæjarfulltrúi Frjálsra með Framsókn vill leggja áherslu á mikilvægi atvinnuuppbyggingar ekki síst í dag á þessum óvissutímum.
Jóhanna Ýr Jóhannsdóttir bæjarfulltrúi Frjálsra með Framsókn.

Fundargerðin að öðru leyti samþykkt samhljóða.

Liður 9 "Bréf frá Samgöngu- og sveitarstjórnarráðuneytinu frá 15. október 2020" afgreiddur sérstaklega. Bæjarstjórn samþykkir afgreiðslu bæjarráðs.

Liður 12 "Bréf frá Soroptimistaklúbbur Suðurlands frá 14. október 2020" afgreiddur sértaklega. Bæjarstjórn samþykkir afgreiðslu bæjarráðs.

Liður 16 "Bréf frá formanni Hveragerðissóknar frá 2. nóvember 2020" afgreiddur sérstaklega. Bæjarstjórn samþykkir afgreiðslu bæjarráðs.

Liður 17 "Minnisblað frá Greiðslumiðlun ehf um kostnað vegna Hvata og tengdra kerfa" afgreiddur sérstaklega. Bæjarstjórn samþykkir afgreiðslu bæjarráðs.

Liður 18 "Minnisblað frá Verkís - Endurbætur í anddyri, göngubrú og tæknirými" afgreiddur sérstaklega. Bæjarstjórn samþykkir afgreiðslu bæjarráðs.

Liður 20 "Samningur milli Hveragerðisbæjar og Markaðsstofu Suðurlands" afgreiddur sérstaklega. Bæjarstjórn samþykkir afgreiðslu bæjarráðs.

Liður 23 "Lóðaumsókn - Þórsmörk 2" afgreiddur sérstaklega. Bæjarstjórn samþykkir lóðaúthlutunina.

Liður 24 "Samkomulag - Tálkni, Kambalandslóðir" afgreiddur sérstaklega. Bæjarstjórn samþykkir samkomulagið fyrir sitt leyti.

Fundargerðin að öðru leyti samþykkt samhljóða.

Fundargerðin samþykkt samhljóða.

Liður 1 "Nýtt deiliskipulag fyrir íbúðabyggð NLFÍ, deiliskipulagslýsing" afgreiddur sérstaklega. Bæjarstjórn samþykkir að óska eftir umsögn Skipulagsstofnunar og umsagnaraðila um lýsinguna og kynna hana fyrir almenningi sbr. 2. mgr. 40. gr. skipulagslaga. Bæjarstjórn leggur áherslu á að hugað verði að hleðslustöðvum fyrir rafbíla við deiliskipulagsgerð.

Liður 2 "Ás- og Grundarsvæði, lóð fyrir spennistöð" afgreiddur sérstaklega. Bæjarstjórn samþykkir að breytingartillagan verði samþykkt sem óveruleg breyting á deiliskipulagi og að vikið verði frá kröfum 2. mgr. 43. gr. skipulagslaga nr. 123/2010 um breytingu á deiliskipulagi og grenndarkynningu, sbr. 3. mgr. 43. gr. laganna.

Liður 3 "Hlíðarhagi-deiliskipulag" afgreiddur sérstaklega.
Þórunn Pétursdóttir vék af fundi meðan á afgreiðslu liðarins stóð.
Bæjarstjórn hefur borist lagfærð tillaga að breytingu á deiliskipulagi fyrir Hlíðarhaga, sem uppfyllir athugasemdir Skipulags- og mannvirkjanefndar varðandi bílastæði. Bæjarstjórn samþykkir því að auglýsa tillöguna skv. 43. gr. skipulagslaga nr. 123/2010.

Liður 4 "Iðjumörk 3, umsókn um byggingarleyfi fyrir sólskála" afgreiddur sérstaklega.
Aldís Hafsteinsdóttir vék af fundi meðan á afgreiðslu liðarins stóð.
Bæjarstjórn samþykkir að vísa framkvæmdinni í grenndarkynningu sbr. 44. gr. skipulagslaga nr. 123/2010.

Liður 5 "Ölfusvegur um Varmá" afgreiddur sérstaklega. Bæjarstjórn samþykkir að gefa út framkvæmdaleyfi fyrir framkvæmdinni sbr.15. gr. skipulagslaga nr. 123/2010, á grundvelli meðfylgjandi útboðs- og verklýsingar. Jafnframt leggur bæjarstjórn ríka áherslu á að færsla Suðurlandsvegar milli Kamba og Varmár eigi sér stað samhliða lagningu Ölfusvegar yfir Varmá. Er færsla Suðurlandsvegar neðan við byggðina í Hveragerði nauðsynleg með tilliti til öryggissjónarmiða og ekki síður vegna tenginga Hveragerðisbæjar við hinn nýja Suðurlandsveg. Skipulagsáætlanir sem unnar voru í náinni samvinnu við Vegagerðina, og að hennar beiðni, byggja á því að Suðurlandsvegurinn verði færður og því er brýnt að af þeirri framkvæmd verði sem fyrst.

Fundagerðin að öðru leyti samþykkt samhljóða.

Bæjarstjóra falið að svara erindinu í samráði við lögmann.

Bæjarstjóra falið að svara erindinu í samráði við lögmann.

Bæjarstjórn gerir ekki athugasemdir við umsóknina.

Bæjartjórn samþykkir þátttöku i Markaðsstofu Suðurlands fyrir næsta ár með framlagi er nemur kr. 430,- pr. íbúa. Bæjarstjórn óskar eftir fundi með framkvæmdastjóra Markaðsstofu Suðurlands í upphafi árs 2021 þar sem gerð verði grein fyrir verkefnum stofnunarinnar sem tengjast Hveragerði.

Bæjarstjórn samþykkir að lóðaleigusamningur á umræddu svæði verði gefnir út enda er lóðarhafi langt kominn með uppbyggingu á reitnum. Rétt er að geta þess að lóðarhafi sér um alla gatnagerð á svæðinu þrátt fyrir að greiða gatnagerðargjöld að fullu. Sú gatnagerð er vel á veg kominn og allar lóðir orðnar byggingahæfar. Gert er ráð fyrir framhaldi framkvæmda á allra næstu vikum.

Bæjarstjórn samþykkir að Gunnar Biering Agnarsson verði aðalmaður í fræðslunefnd og Unnur Birna Björnsdóttir verði varamaður.

Bæjarstjórn samþykkir að taka tilboði lægtstbjóðanda Dagar ehf.

Bókun vegna lántöku Brunavarna Árnessýslu hjá Lánasjóði sveitarfélaga.
Hveragerðisbær samþykkir hér með að veita einfalda ábyrgð vegna lántöku Brunavarna Árnessýslu hjá Lánasjóði sveitarfélaga að fjárhæð 100.000.000 kr., í samræmi við skilmála láns til ársins 2034 eins og þeir verða á þeim tíma er lánið er tekið. Er ábyrgð þessi veitt sbr. heimild í 2. mgr. 69. gr. sveitarstjórnarlaga nr. 138/2011, og er hún óskipt (in solidum) gagnvart kröfuhafa, en innbyrðis skiptist hún í hlutfalli við eignarhluti í Brunavörnum Árnessýslu. Lánið er tekið í tvennu lagi, 30 millj.kr. á árinu 2020 og 70 millj.kr. á árinu 2021.

Hveragerðisbær veitir lánasjóðnum veð í tekjum sínum til tryggingar þeirri ábyrgð, sbr. heimild í 2. mgr. 68. gr. sömu laga. Ábyrgðin tekur til allra greiðslna sem og hvers kyns kostnaðar sem hlýst af vanskilum. Er lánið tekið til að fjármagna kaup á nýjum stigabíl til slökkvistarfa sbr. 3. gr. laga um stofnun opinbers hlutafélags um Lánasjóð sveitarfélaga nr. 150/2006.

Hveragerðisbær skuldbindur hér með sveitarfélagið sem eiganda Brunavarna Árnessýslu til að breyta ekki ákvæði samþykkta Brunavarna Árnessýslu sem leggur hömlur á eignarhald að félaginu að því leyti að félagið megi ekki fara að neinu leyti til einkaaðila.

Fari svo að Hveragerðisbær selji eignarhlut í Brunavörnum Árnessýslu. til annarra opinberra aðila, skuldbindur Hveragerðisbær sig til að sjá til þess að jafnframt yfirtaki nýr eigandi á sig ábyrgð á láninu að sínum hluta.

Jafnframt er Aldísi Hafsteinsdóttur kt. 211264-5009 veitt fullt og ótakmarkað umboð til þess að staðfesta f.h. Hveragerðisbæjar veitingu ofangreindrar ábyrgðar með áritun á lánssamninginn.

Meirihluti bæjarstjórnar samþykkir tilboðið. Fulltrúar Okkar Hveragerði sátu hjá með eftirfarandi bókun.

Undirrituð sitja hjá þar sem við teljum að eðlilegra sé að leita tilboða eða verðhugmynda hjá fleiri en einum aðila. Öðruvísi er ekki hægt að taka upplýsta ákvörðun um hagstæðasta tilboðið.

Njörður Sigurðsson
Þórunn Pétursdóttir