Bæjarstjórn

Liður 7 "Bréf frá sýslumanninum á Suðurlandi frá 12. nóvember 2018" afgreiddur sérstaklega. Bæjarstjórn samþykkir afgreiðslu bæjarráðs.
Liður 8 "Bréf frá Markaðsstofu Suðurlands frá 31. október 2018" afgreiddur sérstaklega. Bæjarstjórn samþykkir afgreiðslu bæjarráðs.
Liður 11 "Minnisblað frá byggingarfulltrúa: Löggæslumyndavélar í Hveragerði" afgreiddur sérstaklega. Bæjarstjórn samþykkir afgreiðslu bæjarráðs.

Fundargerðin að öðru leyti samþykkt samhljóða.

Liður 4 "Bréf frá sýslumanninum á Suðurlandi frá 29. nóvember 2018" afgreiddur sérstaklega. Bæjarstjórn samþykkir afgreiðslu bæjarráðs.
Liður 5 "Bréf frá sýslumanninum á Suðurlandi frá 3. desember 2018" afgreiddur sérstaklega. Bæjarstjórn samþykkir afgreiðslu bæjarráðs.
Liður 9 "Lóðarumsókn-Vorsabær 13" afgreiddur sérstaklega. Bæjarstjórn samþykkir afgreiðslu bæjarráðs.
Liður 10 "Lóðarumsókn-Þórsmörk 2" afgreiddur sérstaklega. Bæjarstjórn samþykkir afgreiðslu bæjarráðs.
Liður 11 "Tillaga að viðauka við fjárhagsáætlun-Grunnskólinn í Hveragerði" afgreiddur sérstaklega. Bæjarstjórn samþykkir afgreiðslu bæjarráðs.

Kl. 17:13 var gert fundarhlé.
Kl. 17:20 hélt fundur áfram.

Vegna liðar 6 "Stjórnsýslukæra Orteka Partners - úrskurður" samþykkir bæjarsjórn að hlíta niðurstöðu ráðuneytisins. Framkvæmdafrestir verði í samræmi við gildandi reglur Hveragerðisbæjar um lóðaúthlutanir frá deginum í dag að telja.

Fundargerðin að öðru leyti samþykkt samhljóða.

Liður 1 "Hlíðarhagi, tillaga að deiliskipulagi, athugasemdir sem borist hafa" afgreiddur sérstaklega.
Bæjarstjórn samþykkir tillögu að deiliskipulagi Hlíðarhaga með breytingum frá fundinum.

Liður 3 "Vorsabær, athafnasvæði, breyting á deiliskipulagi" afgreiddur sérstaklega.
Bæjarstjórn samþykkir að lýsingin verði send Skipulagsstofnun og öðrum umsagnaraðilum til umsagnar og hún kynnt fyrir almenningi sbr. 2. mgr. 40. gr. skipulagslaga nr. 123/2010.

Liður 4 "Sólborgarsvæði, óveruleg breyting á deiliskipulagi" afgreiddur sérstaklega.
Bæjarstjórn samþykkir tillögu skipulagsfulltrúa.

Liður 5 "Miðbæjarsvæði-Skólalóð, breyting á deiliskipulagi" afgreiddur sérstaklega.
Bæjarstjórn samþykkir að fela Ask arkitektum gerð deiliskipulags Miðbæjarsvæðis eins og skipulagsfulltrúi leggur til.

Liður 6 "Brattahlíð 1 og 3, ósk um breytingu á skipulagsmálum" afgreiddur sérstaklega.
Bæjarstjórn samþykkir að málið verði grenndarkynnt sbr. 2. mgr. 43.gr. skipulagslaga nr. 123/2010.

Liður 7 "Heiðmörk 35, breytt notkun húss" afgreiddur sérstaklega.
Bæjarstjórn samþykkir að málið verði grenndarkynnt sbr. 44. grs. skipulagslaga nr. 123/2010.

Liður 8 "Valsheiði 28, breyting á bílskúr" afgreiddur sérstaklega.
Bæjarstjórn samþykkir að málið verði grenndarkynnt sbr. 44. grs. skipulagslaga nr. 123/2010.

Liður 9 "Aðveitulögn Vatnsveitu Ölfus á Sólborgarsvæði (Reykir land 176136), 2. áfangi, umsókn um framkvæmdarleyfi" afgreiddur sérstaklega.
Bæjarstjórn samþykkir leyfi fyrir framkvæmdinni með þeim fyrirvara að vatnslögnin falli betur að legu tengivegar í gegnum Sólborgarsvæðið, svo hún liggi örugglega utan lóðarmarka fyrirhugaðra athafnalóða á svæðinu. Jafnframt óskar bæjarstjórn eftir því að gengið verði fallega frá í kringum framkvæmdasvæðið og jafnframt verði lagfært í kringum fyrri framkvæmdir umsóknaraðila á sama svæði.

Liður 10 "Stofnlögn Veitna ohf. á Sólborgarsvæði (Reykir land 176136), umsókn um framkvæmdaleyfi" afgreiddur sérstaklega.
Bæjarstjórn samþykkir leyfi fyrir framkvæmdinni með þeim fyrirvara að vatnslögnin falli þétt að legu tengivegar í gegnum Sólborgarsvæðið, svo hún liggi örugglega utan lóðarmarka fyrirhugaðra athafnalóða á svæðinu.

Liður 11 "Þinghúsið Breiðumörk 25, viðbygging" afgreiddur sérstaklega.
Bæjarstjórn samþykkir að við gerð tillögu að breytingum á deiliskipulagi miðsvæðis verði sýndur byggingarreitur fyrir viðbyggingunni á deiliskipulagsuppdrætti.

Liður 12 "Bláskógar 1, fyrirspurn um byggingu parhúss" afgreiddur sérstaklega.
Bæjarstjórn hafnar erindinu enda fer best á því að á lóðinni verði byggt einnar hæðar einbýlishús eða parhús.

Fundargerðin að öðru leyti samþykkt samhljóða.

Fundargerðin samþykkt samhljóða.

Liður 1 "Úthlutunarreglur Varmahlíðarhússins" afgreiddur sérstaklega. Bæjarstjórn samþykkir reglurnar. Jafnframt beinir bæjarstjórn því til nefndarinnar og Menningar- og frístundafulltrúa að listi um úthlutun verði birtur á heimasíðu Hveragerðisbæjar ásamt kynningu á Varmahlíðarhúsinu.

Fundargerðin að öðru leyti samþykkt samhljóða.

Fundargerðin samþykkt samhljóða.

Gjaldskráin samþykkt samhljóða.

Gjaldskráin samþykkt samhljóða.

Gjaldskráin samþykkt samhljóða.

Gjaldskráin samþykkt samhljóða.

Gjaldskráin samþykkt samhljóða.

Gjaldskrárnar samþykktar samhljóða.

Samkomulagið samþykkt samhljóða.

Bæjarstjórn fagnar metnaðarfullri og ítarlegri vinnu við gerð áfangastaðaáætlunar fyrir Suðurland en kynning á umræddri áætlun átti sér stað fyrir bæjarfulltrúa á undan fundinum. Bæjarstjórn hvetur til að gerð verði aðgerðaáætlun í kjölfarið með skilgreindum framkvæmdaaðilum enda slíkt forsenda fyrir því að áætlunin nýtist sem skyldi. Bæjarstjórn samþykkir að á fundi sínum í janúar verði farið yfir gögn og stefnur sem fyrir liggja hér í Hveragerði á sviði ferðamála.

Bæjarstjórn samþykkir að fela Dr. Magga Jónsyni að hefja nú þegar hönnun viðbyggingar til norðurs á grunvelli fyrirliggjandi hugmynda. Starfshópur sem skipaður var í júlí starfi áfram sem bygginganefnd og verði hönnuði og framkvæmdaaðilum til ráðgjafar á hönnunartíma sem og á byggingatíma.

Kl. 18:48 var gert fundarhlé.
Kl. 18:49 hélt fundur áfram.

Þjónustusamningurinn samþykktur samhljóða með þeirri breytingu að hann gildi út árið 2022 og upphæðir þess árs taki hækkunum í samræmi við fyrri ár.

Þjónustusamningurinn samþykktur samhljóða.

Þjónustusamningurinn samþykktur samhljóða.

Þjónustusamningurinn samþykktur samhljóða með þeim breytingum sem ræddar voru á fundinum.

Þjónustusamningurinn samþykktur samhljóða.

Þjónustusamningurinn samþykktur samhljóða með þeim breytingum sem ræddar voru á fundinum.

Fulltrúi B-listans lagði fram eftirfarandi bókun.

Bæjarfulltrúi Frjálsra með Framsókn vill þakka gott samstarf allra bæjarfulltrúa við vinnslu fjárhagsáætlunarinnar og er sannfærður um að slíkt vinnulag skili traustari og vandaðri áætlun. Í fjárhagsáætlunarvinnunni hefur undirritaður lagt áherslu á stöðugan rekstur bæjarfélagsins og að þjónusta við bæjarbúa skerðist ekki.
Á síðustu árum hefur verið ráðist í umfangsmiklar framkvæmdir og fjárfestingar og svo mun einnig verða á komandi ári m.a. með aðkallandi viðbyggingu við Grunnskólann og lagfæringar á sundlaugarbyggingum í Laugaskarði. Mikilvægt er fyrir rekstur bæjarins að gæta hófs í frekari lántökum og ná skuldum niður.
Undirritaður samþykkir framlagða fjárhagsáætun Hveragerðisbæjar 2019 og mun vinna áfram að hagsmunamálum bæjarins og bæjarbúa, þvert á pólitísk framboð eftir því sem þörf krefur.

Garðar R. Árnason.

Fulltrúar Okkar Hveragerðis lögðu fram eftirfarandi bókun.

Bæjarfulltrúar Okkar Hveragerðis þakka fyrir gott samstarf við vinnslu fjárhagsáætlunarinnar. Að mati undirritaðra hefur samstarf allra bæjarfulltrúa um fjárhagsáætlun skilað betri og vandaðri áætlun en ef meirihlutinn hefði einn staðið að gerð hennar. Stjórnendum stofnana bæjarins ber jafnframt að þakka fyrir gott starf og góðan rekstur. Rekstur Hveragerðisbæjar stendur vel og endurspeglar auknar tekjur og uppgang í samfélaginu.

Íbúum fjölgar í Hveragerði og er sveitarfélagið eftirsóttur staður til að búa á. Vegna þessa er nauðsynlegt að halda áfram í fjárfestingum og verður stærsta fjárfesting næsta árs viðbygging við Grunnskólann í Hveragerði. Jafnframt er hafinn undirbúningur að nýju hverfi í Kambalandi svo hægt sé að mæta eftirspurn í lóðir í sveitarfélaginu. Mikilvægt er að í þeirri vinnu verði horft til þess að útvega lóðir undir fasteignafélag sem er rekið án hagnaðarsjónarmiða og að Hveragerði leggi til stofnframlag til byggingar íbúða skv. lögum um almennar íbúðir. Með því myndu bæjaryfirvöld auka aðgengi að öruggu og viðeigandi leiguhúsnæði fyrir efnaminni fjölskyldur. Í því samhengi er jafnframt vert að horfa til uppbyggingar á félagslegu leiguhúsnæði í sveitarfélaginu. Nú á Hveragerðisbær tvær félagslegar leiguíbúðir og er það sveitarfélag sem einna verst stendur sig í framboði á slíku húsnæði. Jafnvel sveitarfélögin Garðabær og Seltjarnarnesbær, sem jafnan eru nefnd sem dæmi um sveitarfélög sem standa sig mjög illa í þessum málum, eru betur sett þegar kemur að framboði á félagslegu húsnæði á hverja þúsund íbúa. Ef Hveragerðisbær ætlaði að bjóða upp á hlutfallslega jafnmargar félagslegar leiguíbúðir og nágrannsveitarfélögin Ölfus og Árborg þyrfti sveitarfélagið að eiga um 16 félagslegar leiguíbúðir. Á fjárhagsáætlun ársins 2018 var sett fé í að kaupa eina félagslega íbúð og á næsta ári tvær íbúðir. Árið 2021 er svo gert ráð fyrir í þriggja ára áætlun að kaupa félagslegar leiguíbúðir fyrir 30 mkr. sem er verð einnar íbúðar. Það þýðir að árið 2021 verði félagslegar leiguíbúðir í Hveragerði sex talsins. Betur má ef duga skal. Það er sameiginleg ábyrgð allra sveitarfélaga að sjá til þess að nægt framboð sé á félagslegu leiguhúsnæði í öllum sveitarfélögum. Sveitarfélög sem ekki bjóða upp á nógu margar félagslegar leiguíbúðir eru þannig að velta ábyrgðinni yfir á önnur. Hveragerðisbær á að standa sig í þessum málum. Bæjarfulltrúar Okkar Hveragerðis munu leggja áherslu á það í fjárhagsáætlunargerð næstu ára að sérstaklega verði hugað að því að fjölga félagslegum leiguíbúðum í Hveragerði svo að sveitarfélagið hafi sambærilegt framboð og nágrannasveitarfélögin. Það er jafnframt von undirritaðra að bæjarfulltrúar Sjálfstæðisflokks og Framsóknarflokks séu tilbúnir að styðja við þessa sjálfsögðu uppbyggingu á félagslegu leiguhúsnæði í sveitarfélaginu.

Undirrituð samþykkja fjárhagsáætlun 2018 og munu vinna áfram að hagsmunamálum bæjarbúa og sveitarfélagsins.

Njörður Sigurðsson
Þórunn Pétursdóttir

Fjárhagsáætlunin samþykkt samhljóða.

Fjárhagsáætlunin samþykkt samhljóða.