3. mars 2016

647. fundur bæjarráðs Hveragerðis

haldinn í fundarsal Sunnumörk 2, fimmtudaginn 3. mars kl. 08:00.

Fundinn sátu:

Unnur Þormóðsdóttir formaður, Eyþór H. Ólafsson , Viktoría Sif Kristinsdóttir , Aldís Hafsteinsdóttir bæjarstjóri og Helga Kristjánsdóttir skrifstofustjóri.

Fundargerð ritaði: Helga Kristjánsdóttir, skrifstofustjóri.

Unnur Þormóðsdóttir formaður setti fund og stjórnaði. Leitaði hún eftir athugasemdum við fundarboð en engar komu fram.

Dagskrá:

1. Umhverfis- og samgöngunefnd frá 26. febrúar 2016 – 1602037

Í bréfinu er óskað eftir umsögn Hveragerðisbæjar um tillögu til þingsályktunar um notkun gúmmíkurls úr dekkjum á leik- og íþróttavöllum, 328 mál.

Bæjarráð tekur undir það sjónarmið að skipta beri út gúmmíkurli á knattspyrnuvöllum landsins en vekur jafnframt athygli á að slíkt er gríðarlega kostnaðarsamt og því eru Alþingismenn hvattir til að fylgja þingsályktunartillögunni eftir með fjárhagslegum stuðningi til sveitarfélaganna.

Bæjarráð vekur jafnframt athygli á að í fjárhagsáætlun ársins 2016 er gert ráð fyrir endurnýjun gervigrass og gúmmís á sparkvellinum við grunnskólann. Í Hamarshöll er umhverfisvænna gúmmí notað í fyllingu og því þarf ekki að grípa til aðgerða þar.

Fylgiskjöl:

Umhverfis- og samgöngunefnd frá 26. febrúar 2016 – 1602037

2. Velferðarnefnd frá 17. febrúar 2016 – 1602036

Í bréfinu er óskað eftir umsögn Hveragerðisbæjar um frumvarp til laga um félagsþjónustu sveitarfélaga (skilyrði fjárhagsaðstoðar), 458. mál.

Bæjarráð gerir ekki athugasemdir við frumvarpið en felur bæjarstjóra að kalla eftir upplýsingum um fjárhagsaðstoð Hveragerðisbæjar og leggja upplýsingarnar fyrir á næsta fundi bæjarráðs.

Fylgiskjöl:

Velferðarnefnd frá 17. febrúar 2016 – 1602036

3. Umhverfis- og samgöngunefnd frá 22. febrúar 2016 – 1602034

Í bréfinu er óskað eftir umsögn Hveragerðisbæjar um frumvarp til laga um sveitarstjórnarlög(fjöldi fulltrúa í sveitarstjórn), 296. mál.

Lagt fram til kynningar.

Fylgiskjöl:

Umhverfis- og samgöngunefnd frá 22. febrúar 2016 – 1602034

4. Umhverfis- og samgöngunefnd frá 22. febrúar 2016 – 1602035

Í bréfinu er óskað eftir umsögn Hveragerðisbæjar um frumvarp til laga um sveitarstjórnarlög (uppbygging ferðamannastaða), 219. mál.

Lagt fram til kynningar.

Fylgiskjöl:

Umhverfis- og samgöngunefnd frá 22. febrúar 2016 – 1602035

5. Umhverfis- og samgöngunefnd frá 22. febrúar 2016 – 1602038

Í bréfinu er óskað eftir umsögn Hveragerðisbæjar um tillögu til þingsályktunar um uppbyggingu áningarstaða Vegagerðarinnar við þjóðvegi, 150. mál.

Lagt fram til kynningar.

Fylgiskjöl:

Umhverfis- og samgöngunefnd frá 22. febrúar 2016 – 1602038

6. Mennta- og menningarmálaráðuneytinu frá 22. febrúar 2016 – 1602039

Í bréfinu er kynnt drög að frumvarpi til breytinga á grunnskólalögum, en þau fjalla um sjálfstætt starfandi skóla.

Lagt fram til kynningar.

Fylgiskjöl:

Mennta- og menningarmálaráðuneytið frá 22. febrúar 2016 – 1602039

7. Lánasjóði sveitarfélaga frá 22. febrúar 2016 – 1602033

Í bréfinu er auglýst eftir framboðum í stjórn Lánasjóðs sveitarfélaga en kosið verður í stjórn og varastjórn á aðalfundi sjóðsins.

Lagt fram til kynningar.

Fylgiskjöl:

Lánasjóði sveitarfélaga frá 22. febrúar 2016 – 1602033

8. Nordjobb frá 26. febrúar 2016 – 1602040

Í bréfinu er óskað eftir því að Hveragerðisbær taki 2 norræn ungmenni á vegum Nordjobb í sumarvinnu

Bæjarstjóra falið að afla frekari upplýsinga um verkefnið og framkvæmd þess.

Fylgiskjöl:

Nordjobb frá 26. febrúar 2016 – 1602040

9. Sýslumanninum á Suðurlandi frá 29. febrúar 2016 – 1602041

Í bréfinu óskar sýslumaður eftir umsögn Hveragerðisbæjar vegna umsóknar Önnu Maríu Eyjólfsdóttur f.h. Heilsukosts ehf, kt. 630895-2439 um nýtt rekstrarleyfi til að reka veitingarstað í flokki II að Austurmörk 2.

Bæjarráð gerir ekki athugasemd við að sýslumaður veiti umrætt leyfi

Fylgiskjöl:

Umsókn um nýtt rekstrarleyfi _Veitingar í flokki II – 1602041
Umsóknaraðili - Nýtt rekstrarleyfi Austurmörk 2 - 1602041

10. Magneu Jónasdóttur, Dalakaffi frá 20. febrúar 2016 – 1602042

Í bréfinu óskar Magnea Jónasdóttir eftir áframhaldandi stöðuleyfi fyrir söluskálann Dalakaffi við bílastæði í Ölfusdal, ásamt verönd og salernisaðstöðu.

Bæjarráð samþykkir áframhaldandi stöðuleyfi á Dalakaffi til 1. október 2016 í samræmi við umræður á fundinum.
Dalakaffi sér áfram um daglegt eftirlit á svæðinu og þrif á salernisgámum. Hveragerðisbær greiðir fyrir losun rotþróar, pappír á salerni og skaffar salernisgáma.

Fylgiskjöl:

Stöðuleyfi, Dalakaffi frá 20. febrúar 2016 – 1602042

11. Styrktarsjóði EBÍ frá 22. febrúar 2016. – 1603002

Í bréfinu er auglýst eftir umsóknum í styrktarsjóð EBÍ fyrir árið 2016.

Bæjarstjóra falið að sækja um styrk til sjóðsins.

Fylgiskjöl:

Styrktarsjóður EBÍ frá 22. febrúar 2016. – 1603002

12. Samningur við Landform ehf. um Aðalskipulag Hvg 2017-2029 – 1603001

Lagður fram samningur við Landform ehf um endurskoðun á aðalskipulagi Hveragerðisbæjar 2017-2029.

Bæjarráð samþykkir samninginn og felur bæjarstjóra að undirrita hann ásamt samningi við Verkís um umferðaröryggisáætlun.

Fylgiskjöl:

Samningur við Landform ehf. um Aðalskipulag Hvg 2017-2029 – 1603001

13. Staða og horfur í málefnum garðyrkjunnar – 1603004

Bæjarstjóri gerir grein fyrir umræðum á fundi sem haldinn var með fulltrúum garðyrkjunnar þann 23. febrúar 2016.

Til fundarins var boðað að ósk bæjarstjórnar til að ræða um stöðu og horfur í garðykju á Íslandi og ekki síst í Hveragerði.
Fundinn sóttu Guðríður Helgadóttir, LBHÍ, Katrín M. Andrésdóttir, Samb. garðyrkjubænda, Gunnar Þorgeirsson, Samb. garðyrkjubænda, Georg Ottósson, Sölufélagi garðyrkjumanna, Ingibjörg Sigmundsd. Garðyrkjust. Ingibjargar, Birgir S. Birgisson, Garðyrkjustöðin Ficus, Stefán F.B. Nielsen, Garðplöntusalan Borg Pétur Reynisson, Dvalarheim.Ási auk bæjarfulltrúa og starfsmanna Hveragerðisbæjar.

Fundurinn var að mati fundarmanna bæði upplýsandi og góður og áttu aðilar þarna hreinskiptnar og góðar umræður. Umræðan mun nýtast við endurskoðun aðalskipulags sem nú er í gangi og við atvinnuskapandi aðgerðir í bæjarfélaginu til framtíðar.

Bæjarráð þakkar fundargestum kærlega fyrir jákvæðni og samstarfsvilja og efast ekki um að fundur sem þessi geti kveikt bæði nýjar hugmyndir og eflt þá sem fyrir eru í greininni.

Fundargerð upp lesin og samþykkt.

Fleira ekki gert og fundi slitið kl. 9:06

Unnur Þormóðsdóttir Eyþór H. Ólafsson
Viktoría Sif Kristinsdóttir Aldís Hafsteinsdóttir
Helga Kristjánsdóttir