2. júní 2016

653. fundur bæjarráðs Hveragerðis

haldinn í fundarsal Sunnumörk 2, fimmtudaginn 2. júní 2016 kl. 08:00.

Fundinn sátu:

Unnur Þormóðsdóttir formaður, Viktoría Sif Kristinsdóttir og Þórhallur Einisson.

Fundargerð ritaði: Aldís Hafsteinsdóttir, bæjarstjóri.

Unnur Þormóðsdóttir setti fund og stjórnaði. Í upphafi fundar lýsti hún eftir athugasemdum við fundarboð en engar komu fram.

Dagskrá:

1. Umhverfis- og samgöngunefnd Alþingis frá 31. maí 2016. - 1605033

Með erindinu er óskað umsagnar um frumvarp til laga um timbur og timburvöru, 785.mál.

Lagt fram til kynningar.

Fylgiskjöl:

Umhverfis- og samgöngunefnd Alþingis frá 31. maí 2016. - 1605033

2. Landskerfi bókasafna frá 25. maí 2016. - 1605036

Lagður fram ársreikningur Landskerfis bókasafna 2015.

Lagt fram til kynningar.

Fylgiskjöl:

Landskerfi bókasafna frá 25. maí 2016. - 1605036

3. Félagi opinberra starfsmanna á Suðurlandi, ódagsett 2016. - 1605032

Í bréfinu eru kynntar ályktanir aðalfundar FOSS, stéttarfélags í almannaþjónustu 2016.
Lúta ályktanirnar að styttingu vinnuvikunnar, auknu álagi á starfsmenn sveitarfélaga v.aukins ferðamannastraums og að réttindum eldri borgara.

Lagt fram til kynningar.

Fylgiskjöl:

Félagi opinberra starfsmanna á Suðurlandi, ódagsett 2016. - 1605032

4. Sjöstjörnunni fasteignafélagi frá 31. maí 2016. - 1605031

Í bréfinu óskar bréfritari eftir forgangi að lóðum sem kenndar eru við Eden og Tívoli í fjórar vikur. Tímann ætla forsvarsmenn félagsins að nýta til að kanna kosti verkefnis er lúti að uppbyggingu ferðatengdrar þjónustu á lóðunum, afla hlutafjár og vinna að öðrum nauðsynlegum undirbúningi.

Bæjarráð samþykkir að Sjöstjarnan fasteignafélag fái forgang að lóðunum Austurmörk 25, Austurmörk 24, Sunnumörk 3 og Sunnumörk 1 í fjórar vikur.

Fylgiskjöl:

Sjöstjörnunni fasteignafélagi frá 31. maí 2016. - 1605031

5. Írisi Ósk Erlingsdóttur frá 31. maí 2016. - 1605039

Í bréfinu er óskað eftir leikskóladvöl utan lögheimilissveitarfélags.

Bæjarráð samþykkir erindið. Gildir sú samþykkt þar til barninu verður boðin leikskólavistun í Hveragerði.

Fylgiskjöl:

Írisi Ósk Erlingsdóttur frá 31. maí 2016. - 1605039

6. Endurnýjun á yfirdráttarheimild hjá Arion banka - 1606001

Í minnisblaði bæjarstjóra er óskað eftir að bæjarráð samþykki yfirdráttarheimild í Arion banka að upphæð 55 mkr. Er þetta í samræmi við reglur er nýverið tóku gildi en þar óskar Arion banki eftir árlegri staðfestingu bæjarstjórnar á yfirdráttarheimild í bankanum.

Bæjarráð samþykkir að yfirdráttarheimild að upphæð 55 mkr verði tekin í Arion banka.

Fylgiskjöl:

Endurnýjun á yfirdráttarheimild hjá Arion banka - 1606001

7. Minnisblað frá bæjarstjóra - Litla brauðstofan - 1605038

Í minnisblaðinu er gerð grein fyrir erindi er varðar staðsetningu á bíl er afgreiði brauð til þeirra sem pantað hafa hjá Litlu brauðstofunni og annarra sem versla vilja. Bíllinn yrði staðsettur á umræddum stað á laugardögum milli kl. 09:30 - 13:00.

Bæjarráð samþykkir erindið fyrir sitt leyti en minnir um leið á að samþykki lóðarhafa umræddra svæða þarf fyrir staðsetningunni.

Fylgiskjöl:

Minnisblað frá bæjarstjóra - Litla brauðstofan - 1605038

8. Heilbrigðiseftirliti Suðurlands frá 25.5.2016. - 1605034

Lögð fram fundargerð Heilbrigðisnefndar Suðurlands frá 25. maí 2016.

Lagt fram til kynningar.

Fylgiskjöl:
Heilbrigðiseftirliti Suðurlands frá 25.5.2016. - 1605034

9. Héraðsnefnd Árnesinga frá 27. apríl 2016. - 1605035

Lögð fram fundargerð Héraðsnefndar Árnesinga bs frá 27. apríl 2016.

Lagt fram til kynningar.

Fylgiskjöl:
Héraðsnefnd Árnesinga frá 27. apríl 2016. - 1605035

10. Brunavörnum Árnessýslu frá 25.5.2016. - 1605037

Lögð fram fundargerð stjórnar Brunavarna Árnessýslu frá 25. maí 2016.

Lagt fram til kynningar.

Fylgiskjöl:

Brunavörnum Árnessýslu frá 25.5.2016. - 1605037

Fleira ekki gert og fundi slitið kl. 8:37

Unnur Þormóðsdóttir Viktoría Sif Kristinsdóttir Þórhallur Einisson